Jesús k'îra awaradaida
(Marcos 9.2-13; Lucas 9.28-36)
17
1 K'ãima seimaa Jesús wãji ee ùt'ùa bù nok'ode. Ichi ome ateeji Pedro, Santiago mãik'aapa chi âpema Juan. 2 Mama ãra taide Jesús k'îra awaradachi. Ichi k'îra urua nâbeeji ak'õrejîruk'a mãik'aapa chi p'aru t'o–t'oo uchiterreedachi. 3 Mãga nùde chi k'õp'ãyoorãpa unujida chonaarãweda p'anapatap'edaarã Moisés jaure mãik'aapa Elías jaure pedeemaa p'anù Jesús ome. 4 Mãpai Pedropa mãgaji Jesumaa:—¡Tachi Waibùa, pia bù nama p'anadait'ee pù ome! Pùa k'inia bù pùrã, mùa ooyada aji, te chak'eerã õpee; aba pù–it'ee, aba Moise–it'ee, chi apema Elia–it'ee.
5 Pedro at'ãri mãgá pedeemaa bùde, jâarara t'o–t'oo âdaa bùpa ãchi aneu cheji. Madeepa Tachi Ak'õrepa pedeeji:
—Nãgùda aji, mù Warra k'inia; mùa jùrùt'erada. Irua mù t'ãri o–îapipari. Ûrítù iru pedee.
6 Mãga ûridak'ãri, ãchobeepa Jesús k'õp'ãyoorã bedabaik'oodachida tau bùùrù eujãde t'õbairutamaa. 7 Mamîda Jesús ãra k'ait'a chep'eda, t'õbaik'ooji mãik'aapa mãgaji:
—P'irabáitù. Ãchobeenaadapáde aji.
8 Ak'ùdak'ãri, ãchi ik'aawa apida unuda–e paji; Jesús aupaita ãchi ome baji.
9 Eedeepa cherutade Jesupa mãgaji:
—Parãpa unudap'edaa nepùrùnaadapáde aji, apidaamaa mù, chi Eperã Ak'õre Truadepema piup'eda, chok'ai p'irabai naaweda.
10 Mãpai chi k'õp'ãyoorãpa Jesumaa iidijida:
—¿Sãap'eda Moisepa p'ãda jarateepataarãpa jarapatama ajida, chonaarãwedapema Elías naapùara cheit'ee, Tachi Ak'õrepa pëiit'ee bù chei k'ãyaara?
11 Jesupa p'anauji:
—Wãarata jara p'anù Elías naapùara cheit'eeda adak'ãri mãik'aapa ne–inaa jõmaweda pia ooit'eeda adak'ãri, eperãarãpa auteebaidamerã iru t'êe cheru. 12 Mùa jara bù: Elías jîak'aa cheji. Mamîda ãchia iru k'awada–e paji. Mapa ãchia oo k'iniata oojida iru ome. Ma awara auk'a oodait'ee mù, chi Eperã Ak'õre Truadepema ome.
13 Mãpai chi k'õp'ãyoorãpa k'awaajida Jesús pedee baji Juan Bautistade.
Jesupa netuara merãtùa bada uchiapit'aada
(Marcos 9.14-29; Lucas 9.37-43)
14 Jesús, Pedro, Santiago mãik'aapa Juan pachedak'ãri eperãarã see nâbadamãi, eperã bedabai nâba cheji Jesús k'îrapite mãik'aapa mãgaji:
15 —Tachi Waibùa, mù warra chupùria k'awáaji. Audú chupùria nâbù. Wawadaipari mãik'aapa at'apai t'ùpùtaude maa–e pùrã toida baainapari. 16 Nama aneejida aji, pù k'õp'ãyoorãmaa. Mamîda ãrapa p'oyaa jùpada–e pajida aji.
17 Mãpai Jesupa p'anauji:
—Aai, eperãarã, ¿at'ãrita mùde ijãada–e p'anùk'ã? ¡Ijãadak'aaråk'apù p'anù! ¿Jõmasaa taarãit'ee parã ome ijãarutamaa? Anéetù ma warra.
18 Mãpai Jesupa ma netuara ùtrùat'aap'eda, uchiapit'aaji ma warra k'ap'ùadeepa. Aweda jùpadachi.
19 Maap'eda awaraarã wê–e pak'ãri, chi k'õp'ãyoorãpa Jesumaa iidijida:
—¿Sãap'eda taipa ma netuara p'oyaa uchiapida–e pajima? ajida.
20 Jesupa mãgaji:
—Parãpa ijãada–e p'anadairã p'oyaa uchiapida–e paji. Mùa wãarata jararu. Mostaza tau ma–ãri bùk'a, mãga pùk'a parãpa ma–ãri pida ijãarutara, jaradai ara bù eemaa: “Jãmãik'aapa uchiap'eda, awara ãyaa wåji” mãik'aapa parãpa jaradak'a ma ee ãyaa wãi. Mùa parã k'aripak'ãri, parãpa ne–inaa jõma oodai. 21 [Nek'o–ee ùt'aa t'â bùpapai mãgee netuara uchiapiparida aji.]
Jesupa waya jarada ichi peedait'ee
(Marcos 9.30-32; Lucas 9.43-45)
22 At'ãri ãchi jõmaweda Galilea eujãde nidade, Jesupa mãgaji chi k'õp'ãyoorãmaa:
—Eperãpa mù, chi Eperã Ak'õre Truadepema, k'achia beerã juade baaipiit'ee mãik'aapa 23 ãchia mù peepit'aadait'ee. Mamîda ewari õpeemaa chok'ai p'irabaiit'eeda aji.
Mãga ûridak'ãri, k'îra pia–ee para beeji.
Tachi Ak'õre te–it'ee impuesto p'aadap'edaa
24 Jesús chi k'õp'ãyoorã ome panadak'ãri Capernaum p'uurude, Tachi Ak'õre te–it'ee impuesto p'epataarãpa Pedromaa iidi chejida:
—¿Pù poro waibùapa impuestoa p'aaparik'ã ajida, Tachi Ak'õre te–it'ee?
25 Pedropa p'anauji:
—P'aaparida aji.
Maap'eda Pedro t'îuk'ãri Jesús badamãi, Jesús naapùara pedeeji:
—Simón, ¿k'ãata k'îsia bùma? aji. ¿K'airãmaa impuesto p'aapipatama aji, na p'ek'au eujãdepema reyrãpa; ãchi jua ek'ari p'anùùrãmaa wa k'îra tewaraarãmaa?
26 Pedropa p'anauji:
—K'îra tewaraarãmaa.
Mãpai Jesupa maaji: