Jesupa jarateeda awaraarãpa oopata ak'ùnaadamerã<R>pedee k'achia jaradait'ee
(Lucas 6.37-38, 41-42)
7
1 —Awaraarãpa ne–inaa oopata ak'ùnáatù jaradait'ee ne–inaa k'achia oomaa p'anù. Mãga ooruta pùrã, ma jaradap'edaa k'aurepa Tachi Ak'õrepa parã mãgá ak'ùit'ee. 2 Parãpa awaraarãpa oo p'anù ak'ùpatak'a, mãgá Tachi Ak'õrepa ak'ùpariit'ee parãpa oo p'anù. Ne–inaa k'achia aupai jùrùruta pùrã pedee k'achia jaradait'ee ãra ãpùte, Tachi Ak'õrepa auk'a jùrùit'ee parãpa ne–inaa k'achia oopata aupai jarait'ee iru k'îrapite p'anadak'ãri. 3 ¿K'ãare–it'ee ak'ù bùma nejarra pùchi auk'aa tau jãde bù, mamîda unu–e bù pak'uru pùchi tau jãde bù? 4 Pùchi tau jãde pak'uru iru bù pùrã, ¿sãga pùchi auk'aamaa jaraima: “Mùmaa êepíji jã nejarra pùchi tau jãde bù”? 5 ¡Seewata pùa chîara k'aripa k'inia bù, irua oo bù ak'ùk'ãri! Pùchi tau jãde bù pak'uruta naapùara êt'at'áaji. Mãpaipù unui nejarra pùchi auk'aa tau jãde bù, mãgá wãara iru k'aripait'ee.6 +Net'aa awara bùdap'edaa Tachi Ak'õre–it'ee teeruta pùrã usa k'achia beemaa, orradaidap'eda k'aak'oodai. Ma awara ne–inaa âpùa perlak'a atabëiruta pùrã sinaarã p'anùmãi, yoorode jaut'aadai.
Jesupa jarateeda Tachi Ak'õremaa iididamerã
(Lucas 6.31; 11.9-13)
7 —Iidipatáatù Tachi Ak'õremaa. Irua teeit'eepù. Jùrùpatáatù. Irua k'awapiit'eepù. Eperãpa t'âparik'a puerta t'aide, Ak'õremaa t'âpatáatù. Irua parã k'aripait'eepù. 8 Chi iidi bùmaa Tachi Ak'õrepa teepari; chi jùrù bùmaa Tachi Ak'õrepa k'awapipari mãik'aapa chi t'â bùmaa ewapari.
9 +¿Parãdepemapa mãu teeik'ã ichi warramaa, irua pan iidik'ãri? 10 Maa–e pùrã, ¿taama teeik'ã irumaa, chik'o iidik'ãri? 11 ¡Mãga–epù! Parã ne–inaa k'achia oopataarã mîda, pãchi warrarãmaa net'aa pia tee k'awa p'anù. Parãpa mãga ooruta pùrã, ¡audupùara pãchi ùt'aripema Ak'õre Waibùapa ne–inaa pia teeit'ee chi iidirutaarãmaa!
12 +Maperã, óotù apemaarãmaa parãpa k'inia p'anùk'a ãchia parãmaa oodamerã, mãgata jara bairã Moisepa p'ãdade mãik'aapa Tachi Ak'õre pedee jarapataarãpa p'ãdap'edaade.
Tachi Ak'õre truadee wãit'ee puerta p'îrup'ee pùk'a bù
(Lucas 13.24)
13 —Tachi Ak'õre truadee wãit'ee puerta p'îrup'ee bùde t'îupaták'ata bù. Mapa t'ìutù puerta p'îrup'ee bùde, chi atua beerã puerta jet'ee bapari perã. Ichiaba ãchi o k'achia ewaraa k'obù, chok'ara aùde wãpata perã. 14 Wãit'ee eperãarã ichita p'anapatamãi Tachi Ak'õre ome puerta p'îrup'ee bùde t'îupaták'ata bù mãik'aapa Ak'õre o p'îrup'ee bapari, mãgùde chok'ara–ee wãpata perã.
Pak'uru k'awaadai chi nejõdeepa
(Lucas 6.43-44)
15 —K'îrak'aupai ijãadai jõmaweda Tachi Ak'õre pedee jarapatada apataarãde, mãùrã ûk'uru seewa–idaa bee perã. Seewata eperã pia beerãk'a parãmaa chepata. Mamîda ãchi t'ãride k'îsia k'achia iru p'anapata. 16 Parãpa mãùrã k'awaadai ãchia oopata pia ak'ùdak'ãri. Pak'uru ùùrù–idaa bùde uva chauk'aa; ichiaba mãgeede higojõ chauk'aa. 17 Ma awara nejõ bùùrù pia bùpa nejõ pia chaupari. Mamîda nejõ bùùrù k'achia bùpa nejõ k'achia chaupari. 18 Nejõ k'achia chauk'aa pak'uru pia bùde. Ichiaba nejõ pia chauk'aa pak'uru k'achia bùde. 19 Maperã pak'uru nejõ pia chauk'aa bee t'upeepata t'ùpùtaude bat'at'aadait'ee. 20 Mãgá ma Ak'õre pedee jarapatada apataarãpa ne–inaa oopata k'aurepa parãpa k'awaadai wãara Ak'õrepa pëida wa mãga–e.
Jesupa jarateeda jõmaarãta <R>Tachi Ak'õre truadee wãda–e pait'ee
(Lucas 13.25-27)
21 —Eperãarã ûk'uruurãpa mùmaa: “Tachi Waibùa, Tachi Waibùa” a p'anù mîda, jõmaweda wãda–e pait'ee Tachi Ak'õre truadee. Jîp'a chi oopataarãpa mù Ak'õre ùt'ari bùpa oopi bùk'a; mãgùùrãta ùt'aa wãdait'ee. 22 Ak'õre ewari waibùa ewate chok'araarãpa mùmaa jaradait'ee: “Tachi Waibùa, Tachi Waibùa, tai pù ome p'anapíji. Taipa pù t'âde jarateejida mãik'aapa pù t'âde netuaraarã uchiapik'oojida. Ma awara pù t'âde oojida ne–inaa eperãarãpa p'oyaa oodak'aa ãchi juadoopa.” 23 Mamîda mùa p'anauit'ee: “¡Mùa parã k'awa–e bù! ¡Ãyaa wåtù mù ik'aawaapa, ne–inaa k'achia oopataarã!”
Jesupa te oopataarãde jarateeda
(Marcos 1.22; Lucas 6.47-49)
24 —Eperã k'îsia k'awaa bùpa mù ûraa ûripari mãik'aapa oopari mùa jara bùk'a. Mãgà eperã ichi te oo bàk'ata bù mãu ârù. 25 K'oi cheji; to chedachi mãik'aapa nãu golpe p'uaji ichi temãi. Mamîda t'ee–e paji mãu ârù oo bada perã. 26 Jõdee chi mù ûraa ûrip'eda, oo–e bùpa mùa jara bùk'a k'îsia k'awa–ee bù. Eperã ichi te ipude oodak'a bù. 27 K'oi cheji; to chedachi; nãu golpe p'uaji mãik'aapa ichi te tudú t'eedachi. Mãgá ichi te jõdachi.