13
1 ‘Maapai Daviddeepa uchiadap'edaarã, Jerusalén p'uurudepemaarãpa ãchi poro waibùarã ome pania poátrù uchia bùmãi sùùpataadait'ee ãchia ne–inaa k'achia oopatap'edaa wêpapidait'ee mãik'aapa Ak'õre Waibùa tedee wãipia p'aneedait'ee. 2 Ma awara maapai mù, Jõmaarã Ak'õre Waibùapa ne–inaa juapa ooda aù k'îrapite ùt'aa t'âpata jõmaweda na eujãde bee jõpiit'ee apidaapa mãùrã t'â k'irãpanaadamerã. Ichiaba na eujãde bee seewata mù pedee jarapataarã apataarã jõpiit'ee netuarapa mãùrãmaa pedeepipari perã mãik'aapa eperãarãmaa ne–inaa juapa ooda k'îrapite ùt'aa t'âpipari perã. 3 Ma t'êepai mù pedee jarapari apari apidaapa mãgá seewata mù pari pedee beeru pùrã, chi ak'õreerãpa irumaa jaradait'ee: “Pù piuit'ee Ak'õre Waibùa t'âde seewa jaramaa bairã.” Mãpai iru at'ãri pedee bù misa, ãra, iru oodap'edaarãpa iru su peedait'ee. 4 Maapai mãgee seewata mù pedee jarapari apataarãpa k'îra nejasia p'anadait'ee nepùrùdait'ee ãchia k'ãimok'araa pùk'a bùde unudap'edaa mãik'aapa eperãarã k'ûradai jîak'aapa mù pedee jarapataarãpa p'aru teesoo ne–animal edee ooda jâpata waa jâdak'aa pait'ee. 5 Iru Ak'õre Waibùa pedee jarapari aparii k'ãyaara, nãga jarait'ee: “Mù Tachi Ak'õre pedee jarapari–e; ne–uuparipù. Warraweda mù p'uurudeepa taawa mimiaparida” ait'ee. 6 Ichiaba apidaapa irumaa iidiru pùrã: ‘¿Sãap'eda pù k'ap'ùade jidik'a–idaa iru bùma?’, irua p'anauit'ee: ‘Mù k'õp'ãyoorã tede chõo bap'eda, nãga beejida’ ait'ee.”Ovejaarã ak'ùpari ome p'asait'ee bù
7 Jõmaarã Ak'õre Waibùapa nãga jara bù: “¡Mù espada, ârùmáji mãik'aapa mù ovejaarã ak'ùpari ârù wåji; mù k'õp'ãyo, mù ik'aawa bainâ bù ârù wåji! Abaapa iru sut'aaru pùrã, mù ovejaarã jîchoodait'ee. ¡Mãpai mùa chi oveja chak'eerãmaa ne–inaa k'achia ooit'ee! 8 Mãga nùde na eujã jõmaade mù eperãarã õpee chaachaadepema omé piudait'ee; ma chaachaadepema abapai mù juadeepa chok'ai uchiait'ee. 9 Mãpai ma chok'ai uchiadap'edaarã ome mùa ooit'ee eperãpa p'arat'a ome wa nêe ome ooparik'a t'ùpùtau urua nâbùde wãyaa pëik'ãri nejarra jõmaweda aùde bù paa jõmerã. Maap'eda ãrapa mùmaa ùt'aa t'âdak'ãri, mùa p'anauit'ee mãik'aapa jarapariit'ee: ‘Ãrata mùchi eperãarã’. Jõdee ãrapa jarapataadait'ee: ‘Jõmaarã Ak'õre Waibùata Tachi Ak'õre.’ Mù, Jõmaarã Ak'õre Waibùapa mãga jara bù.”