Hageo
Tachi Ak'õre pedee jarapari Hageopa p'ãda
Jõmaarã Ak'õre Waibùapa Hageomaa jarapida
1
1 Persia eujãdepema rey Darío año omé rey bùde atane seis, ewari abaade Jõmaarã Ak'õre Waibùapa ichi pedee jarapari Hageomaa jaraji ichi pedee jaranamerã Judá eujã ak'ùpari Salatiel warra Zorobabelmaa mãik'aapa p'aareerã poro waibùa Josadac warra Josuemaa.2 Jõmaarã Ak'õre Waibùapa Hageomaa nãga jaraji: “Na eperãarãpa jarapata: ‘Waide Tachi Ak'õre te chiwidi oopida–eda’ apata.
3 ’Mapa ma poro waibùarãmaa nãga jaráji: 4 ‘¿Parã jãgá te pi–iade p'anapataadaipia bùk'ã mù te at'ãri ãri baibùta? 5 Mù, Jõmaarã Ak'õre Waibùapa jara bù pia k'îsiadamerã parãpa oomaa p'anùde. 6 Eujã waibùade parã ne–uupata. Mamîda mak'ùara ewada–e. Chik'o k'opata. Mamîda bi jãwaadaida–e. Ne–inaa topata. Mamîda at'ãri opisia jõnapata. P'aru pia jâpata. Mamîda at'ãri jîsuadaipata. P'arat'a jitapata pãchi mimiadap'edaa pari. Mamîda p'arat'a wêe p'anapata eperãpa ichi p'arat'a mochila jêdade t'ù bùp'eda, atua wãparik'a. 7 Maperãpù mù, Jõmaarã Ak'õre Waibùapa jara bù pia k'îsiadamerã parãpa oomaa p'anùde. 8 Ee ùt'ùa beedee wåtù pak'uru atade mãik'aapa anéetù mù te chiwidi oodait'ee. Mãga ooruta pùrã, mù mama k'ãiwee bapariit'ee mãik'aapa mù k'îra wãree parãmaa unupiit'ee. 9 Parãpa jùrùpachida net'aa waibùa iru p'anadait'ee. Mamîda mak'ùara–e iru p'anù mùa parãpa unudap'edaa wêpapida perã, nãupa yooro p'ora wêpapiparik'a. ¿Sãap'eda mùa mãga oojima? Mãga ooji parãpa pãchi te pi–iade audupùara k'îsia p'anù perã mù te ãri baibùde k'îsiadai k'ãyaara. Mù, Jõmaarã Ak'õre Waibùapa mãga jara bù. 10 Parãpa mãga p'anapata perã, mùa k'oi chepi–e mãik'aapa parãpa uudap'edaa chaupi–e. 11 Mùata na p'oojara papiji mêe, ee jêra bùde paara p'oo beemerã. Mãga papiji parãpa trigo uudap'edaade, uva k'arra k'ãide, olivo pak'uru k'ãide, awaraa ne–uudap'edaade, parã, parã ne–animalaarã paara mimiadap'eda, miadamerã.”
12 Jõmaarã Ak'õre Waibùa pedee Hageopa jarada ûridak'ãri, Salatiel warra Zorobabelpa, p'aareerã poro waibùa Josadac warra Josuepa, apema eperãarãpa paara p'erajida mãik'aapa te chiwidi oo k'inia p'aneejida. 13 Mãpai Tachi Ak'õre pedee jarapari Hageopa Ak'õre k'ap'ùa pari jõmaarãmaa nãga jaraji: “Jõmaarã Ak'õre Waibùapa nãga jara bù: ‘Mù, Jõmaarã Ak'õre Waibùapa jara bù: Mù parã ome bapari.’ ”
14 Tachi Ak'õrepa mãga jara pëiji Judá eujã ak'ùpari Zorobabelmaa mãik'aapa p'aareerã poro waibùa Josuemaa, awaraa eperãarãmaa paara, ãrapa ichi te oo k'inia p'aneedamerã. Mapa ãrapa chejida ãchi Ak'õre Waibùa te chiwidi oodait'ee. 15 Mãga oojida atane seis, ewari veinticuatrode Persiadepema rey Darío año omé rey bùde.