Judá eujã ik'aawa beeda eujãdepemaarãde jarada
9
1 Jõmaarã Ak'õre Waibùapa nãga jara pëiji. “Jõmaarã Ak'õre Waibùa Jadrac eujãde mãik'aapa Damasco p'uurude banait'ee mãpemaarã ak'ùde, eperãarã jõmaarãpa oopata ak'ù bairã Israeldeepa uchiadap'edaa ëreerãdepemaarãpa oopata ak'ùparik'a. 2 Mãùrã ik'aawa bù Jamat eujãdepemaarãpa oopata ichiaba ak'ùit'ee. Ma awara Tiro mãik'aapa Sidón p'uurudepemaarãpa oopata ak'ùit'ee, ma p'uurude k'îsia k'awaa beerã paraa perã. 3 Tiro p'uurudepemaarãpa ãchi p'uuru murallapa t'ùak'au bùjida mãik'aapa ma p'uurude nêe, p'arat'a ome pëi wãjida eperãarãpa yooro pëipatak'a. 4 Mamîda Jõmaarã Ak'õre Waibùapa ma net'aa pi–ia jõmaweda jãri atapiit'ee mãik'aapa ma p'uurudepemaarãpa muralla pi–ia oodap'edaa p'usade t'aapiit'ee. Ma awara ãra p'uuru t'ùpùtaupa paa jõpiit'ee.5 Ascalón p'uurudepemaarãpa mãga unudak'ãri, p'eradait'ee. Gaza p'uurudepemaarã ichiaba audú k'îsia jõnadait'ee wêrapa ichi warra t'omaa bùde k'îsia nâbaparik'a. Ecrón p'uurudepemaarã auk'a p'aneedait'ee k'awaadak'ãri Tiro p'uurudepemaarã ãchi waa k'aripada–e pai. ¡Maapai Gaza p'uurude rey wêe beeit'ee mãik'aapa Ascalón p'uurude eperãarã wêe beeit'ee! 6 Ma t'êepai filisteorã–eerã, awaraa eperãarã ek'ariara beerã Ascalón p'uurudee chedait'ee p'anapataade. Mùa filisteorã p'uuru ome mãgá ook'ãri, ãra audua–ee p'aneedait'ee. 7 Mùa waa oopi–e pait'ee ãrapa oopatak'a nechiara waa ome k'odak'ãri mãik'aapa ne–inaa k'odak'ãri mùa jarada mù p'uuru pidaarãpa k'onaadamerã. Maapai ma filisteorã ûk'uru mùchi eperãarã padait'ee. Judá eujãdepemaarãk'a p'aneedait'ee mãik'aapa Ecrón p'uurudepemaarã mù jua ek'ari p'anapataadait'ee jebuseorã p'anapatak'a. 8 Mùa mù eujã jâapariit'ee awaraa eujãdepemaarã soldaorã ma eujã wãyaanaadamerã mãik'aapa mù eperãarã waa p'oyaanaadamerã. Mùchi taupa mù eperãarã mãgá ak'ùpariit'ee apidaapa ãramaa maarepida ne–inaa k'achia oonaadamerã.”
Israelitaarã rey ewari cherude uchiait'ee bù
9 ¡Sión p'uurude p'anapataarã, o–îa p'anapatáatù! ¡Parã Jerusalén p'uurude p'anapataarã, t'ãri o–îapa bíatù! ¡Ak'àtù! Pãchi rey waibùa cheru. Irua ne–inaa jõma pia oopari mãik'aapa ne–inaa jõmaade Jõmaarã Ak'õre Waibùapa iru k'aripapari. Audua–ee cheru burra warra k'aipee ârù bataup'eda. 10 Irua jõpiit'ee jõmaweda jura chõopata carreta caballoorãpa jidiupata Efraindeepa uchiadap'edaarã eujãde bee mãik'aapa caballoorã Jerusalén p'uurude bee, mama bee ematrùma, awaraa arma paara. Awara–awaraa eujãdepemaarãmaa jarait'ee waa chõonaadamerã; ma k'ãyaara k'ãiwee p'anapataadamerã. Irua eujã jõmaweda iru bapariit'ee ichi jua ek'ari, p'usa aba ideepa awaraa p'usa i parumaa mãik'aapa Éufrates todeepa eujã t'ùmùara beede parumaa.
Tachi Ak'õrepa israelitaarã waya p'anapiit'ee ãchi eujãde
11 Jerusalén p'uurudepemaarã, mùa pacto ook'ãri parã israelitaarã ome, parãpa ne–animalaarã peejida mù–it'ee paapidait'ee. Ma ne–animalaarã waa mãgá bat'apidak'ãri, ak'ùpijida parãpa oodait'ee paji ma pactode jaradak'a. Mùa ma pactode jarada k'aurepa ârá parã auk'aarã awara–awaraa eujãdee presoorãk'a ateedap'edaarã waya aneeru ãchi ateedap'edaamãiipa; ma pozo p'oo pùk'a bùde p'anapatap'edaamãiipa. 12 Parã at'ãri mama presoorã p'anùùrã, chi ichita nùmaa p'anadap'edaarãpa mùa parã k'aripamerã, ¡waya chétù parã p'uuru murallapa t'ùak'au bùdee! Idiweda mùa jara bù parã awaraarã jua ek'ari presoorã p'anùde miadap'edaa pari mùa ma miapidap'edaa k'ãyaara parã audupùara pia oopariit'ee. 13 Mùa Judá eujãdepemaarã mù ematrùmak'a iru bait'ee soldaopa ichi ematrùma iru baparik'a mãik'aapa Efraín eujãdepemaarã mù siak'a iru bait'ee soldaopa sia iru baparik'a ichi ematrùmadeepa trùit'ee pak'ãri. Jõdee Sión p'uurudepemaarã mù espadak'a iru bait'ee soldaopa ichi espada iru baparik'a chõoit'ee pak'ãri Grecia eujãdepemaarã, mùa ãra pëiit'ee chõodamerã parã ome.”
14 Jõmaarã Ak'õre Waibùa p'uuru pidaarã mãgá chõode uchiadak'ãri, pajãde iru ãra ârù wãit'ee. Pa baaipiit'ee ãra k'îra unuamaa iru p'anapataarã ârù mãik'aapa trompeta chaapiit'ee iru sur eereepa cheru misa jâarara p'ãriu bùde. 15 Jõmaarã Ak'õre Waibùapa ichi eere p'anùùrã jâapariit'ee ãrapa ãra k'îra unuamaa iru p'anapataarã hondapa mãu bat'a jõnù oopinaadamerã mãik'aapa mãùrã p'oyaadamerã. Mãgá mãùrã p'oyaadak'ãri eperãarã vinopa piudap'edaa biapatak'a golpe biapataadait'ee mãik'aapa jâtùpataadait'ee ma awara o–îapa ipuru pùk'adait'ee taza ne–inaapa ipurupatak'a, ichiaba o–îapa sã/p'êe pùk'a p'aneedait'ee Tachi Ak'õre altardepema cachok'a bee ne–animalaarã waapa sã p'anùk'a. (Ninguna parte no cubierto de sangre totalmente cubierto así estaban totalmente alegres.)
16 Maapai parã Ak'õre Waibùapa ichi p'uuru pidaarã k'aripait'ee ovejaarã ak'ùparipa ichi ovejaarã ne–inaa k'achia jõmadeepa k'aripaparik'a. Rey poro jâradepema mãu pi–ia uchiterree unupatak'a, mãga pùk'a iru p'uuru pidaarã unupataadait'ee. 17 ¡K'îra wãree p'anadait'ee ãchi eujãde! Ma eujãdepema net'a tau k'o p'anùùpa mãik'aapa vino to p'anùùpa k'ûtrãarã, awêraarã paara mãgá k'îra wãree p'anadait'ee.