Zacariapa jura chõopata carreta k'îmari caballopa jidiupata unuda
6
1 Maap'eda awaraa k'ãimok'araa pùk'a bùde mùa jura chõopata carreta k'îmari caballopa jidiupata unuji ee omé broncedee ooda esajîak'a. 2 Chi naapema carreta caballo omé p'oree p'anùùrãpa jidiu p'anajida; aù eerepema caballo p'ãimaa p'anùùrãpa; 3 aù eerepema caballo t'orroo p'anùùrãpa; aù eerepema caballo t'orrot'orroo p'anùùrãpa.4 Mãpai mùa ma ángel mù ome pedee badamaa iidiji: “Mùchi waibùa, ¿jãgà k'ãata jara k'inia bùma?” aji. 5 Ma angelpa p'anauji: “Jãgùùrã jara k'inia nãu k'îmari. Na p'ek'au eujãdepemaarã Ak'õre Waibùa k'îrapiteepa uchiajida wãdait'ee norte eeree, sur eeree, oriente eeree, occidente eeree. 6 Jã carreta caballo p'ãimaa p'anùùrãpa jidiupata norte eerepema eujãdee wãdait'ee; chi caballo t'orroo p'anùùrãpa jidiupata wãdait'ee occidente eerepema eujãdee; chi caballo t'orrot'orroo p'anùùrãpa jidiupata wãdait'eeda aji, sur eerepema eujãdee.”
7 Ma caballoorã jõmaweda juataura p'anadap'edaa perã, audú uchia k'inia p'anajida wãdait'ee na p'ek'au eujã jõmaadee. Mãpai ma angelpa ma caballoorãmaa mãgaji: “Wãdapáde” aji. Mãga oojida.
8 Mãpai ma angelpa mùmaa golpe jaraji: “Ak'àji. Ma caballoorã norte eerepema eujãdee wãdap'edaarã k'aurepa Jõmaarã Ak'õre Waibùa k'îrau bada ma eujãdepemaarã ome t'umãtùit'ee.
9 Maap'eda Jõmaarã Ak'õre Waibùapa mùmaa nãga jarapiji: 10 “Idiweda wåji Sofonías warra Josías temaa mãik'aapa jitáji primicia Babilonia eujãdeepa ewaa pachedap'edaarã Jeldaypa, Tobiapa, Jedadías ome aneedap'edaa. 11 Pùa ma p'arat'a nêe ome ãrapa tee chedap'edaa jitap'eda, poro jâra oo atáji maap'eda bàji Josadac warra, p'aareerã poro waibùa Josué porode. 12 Mãga ook'ãri, irumaa jaráji: “Jõmaarã Ak'õre Waibùapa nãga jara bù: ‘Ùmùk'îra Daviddeepa uchiait'ee bù Juat'ai apata. Juat'ai t'onoparik'a mãga pùk'a iru uchiait'ee mãik'aapa mù, Jõmaarã Ak'õre Waibùa te chiwidi ooit'ee. 13 Irua mù te mãgá chiwidi ook'ãri, jõmaarãpa iru reyk'a iru p'anadait'ee. Iru rey su–ak'ù beeparide su–ak'ù bapariit'ee mãik'aapa eperãarã ichi jua ek'ari p'anapataarã ak'ùpariit'ee. Iru ik'aawa p'aareerã poro waibùa bainâ bapariit'ee mãik'aapa ãra omé t'ãri aba p'anapataadait'ee. 14 Mãga nùde pùa ooda poro jâra mù tede iru p'anadait'eeda a bù, jõmaarãpa k'irãpadamerã Jeldaypa, Tobiapa, Jedaiapa primicia teedap'edaa mãik'aapa Sofonías warra Josiapa ãra auteebaida.’ ”
15 Mãga p'asak'ãri, t'ùmùùpa eperãarã chedait'ee Jõmaarã Ak'õre Waibùa te chiwidi oodait'ee. Parãpa mãga unudak'ãri, k'awaadait'ee Jõmaarã Ak'õre Waibùapa mù pëiji. Mãga p'asait'ee parãpa Jõmaarã Ak'õre Waibùa, parã Ak'õre Waibùapa jara bùk'a oo p'aneeruta pùrã.