Zacariapa joip'aruk'a bù k'îraichaaweda p'ãda unuda
5
1 T'êepai awaraa k'ãimok'araa pùk'a bùde mùa joip'aruk'a bù k'îraichaaweda p'ã bada unuji. Mãgà wãabai baji. 2 Ma ángel mù ome pedee badapa mùmaa iidiji: “¿K'ãata unu bùma?” aji. Mùa p'anauji: “Mùa unu bù joip'aruk'a bù k'îraichaaweda p'ã bù wãabai wã; chi teesoo nueve metro, chi jobùa metro k'îmari.”3 Mãpai ma angelpa mùmaa mãgaji: “Jãgùde pedee k'achia p'ã bù k'aurepa na eujãdepemaarã k'achiade baaidait'ee. Ma k'îraichaaweda p'ã bùdepema k'îra abaade jara bù Jõmaarã Ak'õre Waibùapa jõpiit'ee jõmaweda nechùapataarã mãik'aapa apema k'îrade jara bù irua jõpiit'ee jõmaweda seewa awaraa eperã k'achiade baaipidait'ee jarapataarã. 4 Jõmaarã Ak'õre Waibùapa nãga jara bù: ‘Mùa mãgà pedee k'achia p'ãdade jara bùk'a pëiit'ee nechùapataarã temaa mãik'aapa mù t'âde seewa awaraa eperã k'achiade baaipidait'ee jarapataarã temaa. Mãùrã tede ma k'achia beeit'eeda a bù, ãra tedepema viga wêe beerutamaa mãik'aapa pareddepema mãu wêe beerutamaa.”
Zacariapa chok'o choma wêra ome unuda
5 T'êepai ma ángel mù ome pedee bada mù k'ait'a cheji mãik'aapa mãgaji: “Ak'àji jã ne–inaa k'ãimok'araa pùk'a bùde uchiaru.” 6 Mãpai mùa irumaa iidiji: “¿Jãgà k'ãarema?” aji. Irua p'anauji: “Chok'o choma bùda aji, ipuruda na eujãdepemaarãpa p'ek'au k'achia oopatapa.”
7 Ma chok'o t'ap'apari plomodee oodapa t'ap'a baji. Irua ma t'ap'apari ewa atak'ãri, ma edajãde mùa unuji wêra su–ak'ù bù. 8 Mãpai ma angelpa mùmaa mãgaji: “Jã wêra jara k'inia bù p'ek'au k'achia.” Mãga jara bù misa, ichia ma wêra chok'o edajãde edú sîuji mãik'aapa waya t'ap'a bùji.
9 Mãpai ma k'ãimok'araa pùk'a bùde mù ùt'aa pajãmaa ak'ùji mãik'aapa wêra omé unuji. Ma wêraarã isia iru p'anajida; isia choma cigüeña isiak'a. Mùmaa wãabai che p'anajida mãik'aapa ma chok'o jita atadap'eda, ùt'aa ãyaa ateejida.