Zacariapa lámpara bùpata mãik'aapa olivo pak'uru unuda
4
1 Mãpai ma ángel mù ome naaweda pedee bada mùmaa waya cheji mãik'aapa mù t'õbaiji eperãpa awaraa eperã k'ãi bù t'õbaiparik'a ârùmamerã. Mãpai mùmaa iidiji: 2 “¿K'ãata unu bùma?” aji. Mùa p'anauji: “Lámpara bùpata nêedee ooda unu bù. Aù ârù taza aba aceitepa ipuru bù. Ma taza ide lámpara siete awara–awaraa p'anù mãik'aapa ma lámpara ide chaa mecha siete paraa. 3 Ma taza ik'aawa chaa olivo pak'uru unu bùda” aji.4 Mãpai mùa ma angelmaa iidiji: “Mùchi waibùa, ¿jã k'ãata jara k'inia bùma?” aji. 5 Mãpai ma angelpa p'anauji: “¿K'awa–e bùk'ã aji, jãgà jara k'inia bù?” Mùa p'anauji: “Mùchi waibùa, mùa k'awa–e bùda” aji.
6 Mãpai irua mãgaji: “Jõmaarã Ak'õre Waibùapa Zorobabelmaa nãga jara pëi bù: ‘Jùrùnáaji reyrã poro waibùa jua ek'ariipa uchiait'ee soldaorã juapa maa–e pùrã pùchi juapa. Ma k'ãyaara mù Jaure jùràji irua aupaita parã mãgà rey juadeepa uchia atai perã. Mù, Jõmaarã Ak'õre Waibùapa mãga jara bù. 7 ¡Zorobabel, pùa ee ùt'ùa bùk'a unu bù mîda pù k'îrapite, pùa ma ee eujã jewedaa papiit'ee! Pùa mù tedepema mãu pipùara bù bùit'ee eperãarãpa biaruta misa: ¡K'îra wãree bù; k'îra wãree bù!’ ”
8 Maap'eda Jõmaarã Ak'õre Waibùapa mùmaa nãga jarapiji: 9 “Zorobabelpa na tedepema basa oo beejida aji, mãik'aapa iruata na te oo aupait'ee.” Mãga p'asak'ãri, parãpa k'awaadait'ee Jõmaarã Ak'õre Waibùapa mù pëiji. 10 “Parã ûk'uru k'îra pia–ee p'anajida ma te waya ooda–e pai jîak'aapa. Mamîda o–îa p'aneedait'eeda aji, unudak'ãri Zorobabelpa ma te oo aupa wã.”
Maap'eda ma angelpa mùmaa mãgaji: “Jãgà lámpara siete Jõmaarã Ak'õre Waibùa táuk'apù p'anù. Jã lámpara ewaraa k'obùde âdaaparik'a, mãga pùk'a irua na p'ek'au eujã jõmaweda ak'ùpari.”
11 Mãpai mùa irumaa iidiji: “¿K'ãata jara k'inia bùma aji, jãgà olivo pak'uru omé, jã lámpara bùpata ik'aawa chaa bainâ bù?” 12 Waya mùa iidiji: “¿K'ãata jara k'inia bùma aji, ma olivo pak'uru omé jua t'ai; madeepa aceite olivodee ooda tubo nêedee oodade weepari ma lámpara beemaa?” 13 Mãpai ma angelpa p'anauji: “¿K'awa–e bùk'ã aji, jãgà jara k'inia bù? Mùa p'anauji: “Mùchi waibùa, mùa k'awa–e bùda” aji.
14 Mãpai irua mùmaa mãgaji: “Jãgà olivo pak'uru jua t'ai omé jara k'inia bù eperã omé na p'ek'au eujãdepemaarã Ak'õre Waibùapa awara bùda ichi jua ek'ari mimiapataadamerã.”