Israelitaarãpa Rabá p'uurudepemaarã p'oyaadap'edaa
(2 Samuel 12.26-31)
20
1 K'oijara wãyaap'eda, reyrã uchiadak'ãri jura chõode, Joab uchiaji israelitaarã soldaorã ome. Amonitaarã eujã ãrik'oo wãdade Rabá p'uuru wap'ùra atadap'eda, jõt'aajida. Mãùmisa David Jerusalende beeji. 2 Maap'eda Davidpa ma p'uurudepemaarã rey poro jâra êra ataji. Ma poro jâra nêedee paji mãik'aapa aùde mãu pi–ia iru baji. Chi chùk'ùa treinta y tres kilo paji. Ma poro jâra pia ak'ùdap'eda, David porode jâ bùjida. Ichiaba Davidpa ma p'uurude p'anadap'edaa net'aa pi–ia chok'ara p'e ataji. 3 Ma awara ma p'uurudepemaarã at'ãri chok'ai p'aneedap'edaarã p'uurudeepa taawa uchiapiji mãik'aapa mimiapiji serrucho ome, jãit'e ome mãik'aapa chaara ome. Mãga ooji ma amonitaarã eujãdepema p'uuru bee chaa. Maap'eda David ichi soldaorã ome ãpùtee chejida Jerusalendee.Israelitaarã chõodap'edaa Filisteadepema giganteerã ome
(2 Samuel 21.18-20)
4 Ma t'êepai israelitaarã chõojida filisteorã ome, Guézer p'uurude. Mãga nùde jusatita t'âjarapatap'edaa Sibecaypa gigante Rafadeepa uchiada Sipay peeji. Mãgá filisteorã ma chõodap'edaa atuajida. 5 Awaraa filisteorã ome chõodap'edaade Yaír warra Eljananpa filisteo t'âjarapatap'edaa Lajmí peeji. Mãgà Gat p'uurudepema gigante Goliat âpema paji. Goliatpa miasu choma anipaji. P'aru k'aat'ùpari pak'uruk'a baji.
6 T'êepai israelitaarã waya Gat p'uurude chõonajida. Mama unujida gigante audú ùt'ùa bù. Mãgùpa jua chak'e veinticuatro iru baji; seis jua chaachaa mãik'aapa seis bùùrù chaachaa. Mãgà ichiaba gigante Rafadeepa uchiada paji. 7 Mamîda mãgùpa israelitaarã oo iru beek'ãri, Simá warra, Jonatanpa peet'aaji. Ma Simá David âpema paji. 8 Ma giganteerã jõmaweda uchiajida Gat p'uurudepema Rafadeepa. Mamîda Davidpa mãik'aapa ichi eere p'anadap'edaarãpa mãgùùrã p'oyaajida.