Tirodepema rey Hirampa jara pëida
(2 Samuel 5.11-25)
14
1 Tirodepema rey Hirampa ichi jua ek'ari beerã pëiji Davidmaa cedro pak'uru pia ateedamerã. Ichiaba pëiji pak'uru t'ê k'awaa p'anapatap'edaarã mãik'aapa mãu sî k'awaa p'anapatap'edaarã, mãùrãpa David–it'ee palacio oodamerã. 2 Mãga unuk'ãri, Davidpa k'awaaji wãara Tachi Ak'õrepa ichi p'uuru pidaarã k'inia iru bapari. Maperã iru k'aripa baji israelitaarã rey pia bamerã.Awaraa warrarã Davidpa ooda
(1 Crónicas 3.5-9)
3 David Hebrondeepa wãk'ãri Jerusalendee, awaraa wêraarã ataji. Mãùrã ome warrarã mãik'aapa k'aurã ooji. 4 Mama Jerusalén p'uurude nãgà warrarã t'ojida: Samúa, Sobab, Natán, Salomón, 5 Ibjar, Elisúa, Elpélet, 6 Noga, Néfeg, Jafía, 7 Elisama, Belyadá mãik'aapa Elifelet.
Davidpa filisteorã p'oyaada
(2 Samuel 5.17-25)
8 Filisteorãpa k'awaadak'ãri David israelitaarã rey papidap'edaa, chõode chejida. Davidpa mãga k'awaa atak'ãri, ichi soldaorã p'e atap'eda, ma filisteorã ome unude wãji. 9 Maapai ma filisteorã soldaorã chõo p'anajida Refayin eujã jewedaade. 10 Maperã Davidpa Tachi Ak'õremaa iidiji:
—¿Filisteorã ome chõode wãipia bùk'ã? ¿Pùa ãra mùmaa p'oyaapiik'ã? aji.
Tachi Ak'õrepa p'anauji:
—Wãipia bù ãra ome chõode. Mùa ãchi pùmaa p'oyaapiit'eeda aji.
11 Mãpai David ichi soldaorã ome chõonajida Baal Perazinde. Ma chõo p'oyaajida. Maperã Davidpa mãgaji: “Paniapa yooro ãyaa pëiparik'a aùde week'ãri, mãga pùk'a Tachi Ak'õrepa mù k'îra unuamaa iru p'anapataarã ãyaa pëiji, mùchi juapa ãra p'oyaa wãmerã.” Mapa ma chõo p'anadap'edaamãi t'â bùji Baal Perazína 12 Ma filisteorã p'oyaadap'edaarãpa ãchi net'aa aù k'îrapite ùt'aa t'âpata atabaibëijida. Mapa Davidpa ichi soldaorãmaa jaraji ma net'aa paa jõt'aadamerã.
13 Mamîda t'êepai filisteorã soldaorã waya chõode chejida Refayin eujã jewedaade. 14 Mãga k'awaak'ãri, Davidpa Tachi Ak'õremaa waya iidiji. Tachi Ak'õrepa p'anauji:
—K'îrapite eereepa chõonáatù. P'ùrrabáitù ãra ome chõode ãpùteik'a eereepa bálsamo pak'uru jêra bùmãi. 15 Parãpa ma pak'uru k'âde biuk'a ûridak'ãri soldaorã t'ùapatak'a, chõonadapáde aji, ãra ome, mù parã naa wãit'ee perã ãra peede.