Levideepa uchiadap'edaarã
6
1 Israel warra aba Leví paji. Mãgà warrarã paji: Guersón, Coat mãik'aapa Merari. 2 Coat warrarã paji: Amirán, Izar, Hebrón mãik'aapa Uziel. 3 Amirán warrarã paji: Aarón, Moisés mãik'aapa ãchi âpewêra Miriam. Aarón warrarã paji: Nadab, Abiú, Eleazar mãik'aapa Itamar. 4 Eleazar warra Fenés paji. Finés warra Abisúa paji. 5 Abisúa warra Buquí paji. Buquí warra Uzi paji. 6 Uzi warra Zeraías paji. Zeraías warra Merayot paji. 7 Merayot warra Amarías paji. Amarías warra Ajitob paji. 8 Ajitob warra Sadoc paji. Sadoc warra Ajimaz paji. 9 Ajimaz warra Azarías paji. Azarías warra Johanán paji. 10 Johanán warra Azarías paji. Rey Salomonpa Tachi Ak'õre te ook'ãri Jerusalende, Azarías p'aare paji. 11 Azarías warra Amarías paji. Amarías warra Ajitob paji. 12 Ajitob warra Sadoc paji. Sadoc warra Salún paji. 13 Salún warra Jilquías paji. Jilquías warra Azarías paji. 14 Azarías warra Seraías paji. Seraías warra Josadac paji. 15 Nabucodonosorpa Judadepemaarã mãik'aapa Jerusalendepemaarã p'oyaap'eda, ichi eujãdee ateek'ãri, ichiaba Josadac preso ateeji.Levideepa uchiadap'edaarã
16 Leví warrarã paji: Guersón, Coat mãik'aapa Merari. 17 Guersón warrarã paji: Libní mãik'aapa Simí.
18 Coat warrarã paji: Amirán, Izar, Hebrón mãik'aapa Uziel.
19 Merari warrarã paji: Majlí mãik'aapa Musí.
Levideepa uchiada ëreerã chaadepemaarã nãgùùrã paji:
20 Guersón ëreerãdepemaarã nãgùùrã paji: Guersón warra Libní paji. Libní warra Yajat paji. Yajat warra Zimá paji. 21 Zimá warra Joa paji. Joa warra Idó paji. Idó warra Zera paji. Zera warra Yatray paji.
22 Coat ëreerãdepemaarã nãgùùrã paji: Coat warra Aminadab paji. Aminadab warra Coré paji. Coré warra Asir paji. 23 Asir warra Elcaná paji. Elcaná warra Ebiasaf paji. Ebiasaf warra Asir paji. 24 Asir warra Tajat paji. Tajat warra Uriel paji. Uriel warra Uzías paji. Uzías warra Saúl paji.
25 Elcaná warrarã paji: Amasay mãik'aapa Ajimot. 26 Ichiaba Coat ëreerãdepemaarã nãgùùrã paji: Coat warra Ajimot paji. Ajimot warra Elcaná paji. Elcaná warra Zofay paji. Zofay warra Najat paji. Najat warra Eliab paji. 27 Eliab warra Jeroán paji. Jeroán warra Elcaná paji. (Ma Elcaná warra Samuel paji.)
28 Samuel warrarã paji: Vasni mãik'aapa Abías. Abías chi naapema paji.
29 Merari ëreerãdepemaarã nãgùùrã paji: Merari warra Majlí paji. Majlí warra Libní paji. Libní warra Simí paji. Simí warra Uza paji. 30 Uza warra Simá paji. Simá warra Jaguías paji. Jaguías warra Asaías paji.
Tachi Ak'õre unupata tede k'aripatap'edaarã
31 David rey bak'ãri, Tachi Ak'õre baaltek'a bù aneejida iru ome unupata tede. Davidpa ùmùk'îraarã bùji ma tede k'aripataadamerã mãik'aapa música chaapataadamerã. 32 Ma Ak'õre ome unupata te k'îrapite ãrapa k'aripachida mãik'aapa música chaapachida Salomonpa Tachi Ak'õre te oo beerumaa. Ma tede ichiaba ãchia k'aripachida mãik'aapa música chaapachida.
33 Nãgà ùmùk'îra ichi warrarã ome ma mimia oopachida: Coat ëreerãdeepa uchiada Hemán. Hemán Joel warra paji. Joel ichiaba Samueldeepa uchiada paji. 34 Samuel ak'õre Elcaná paji. Elcaná ak'õre Jeroán paji. Jeroán ak'õre Eliel paji. Eliel ak'õre Toa paji. 35 Toa ak'õre Zuf paji. Zuf ak'õre Elcaná paji. Elcaná ak'õre Mahat paji. Mahat ak'õre Amasay paji. 36 Amasay ak'õre Elcaná paji. Elcaná ak'õre Joel paji. Joel ak'õre Azarías paji. Azarías ak'õre Sofonías paji. 37 Sofonías ak'õre Tajat paji. Tajat ak'õre Asir paji. Asir ak'õre Ebiasaf paji. Ebiasaf ak'õre Coré paji. 38 Coré ak'õre Izar paji. Izar ak'õre Coat paji. Coat ak'õre Leví paji. Leví ak'õre Israel paji.
39 Ma k'aripari Hemán juaraare ichi ëreerãdepema Asaf bainâ bapachi. Asaf ak'õre Berequías paji. Berequías ak'õre Simá paji. 40 Simá ak'õre Micael paji. Micael ak'õre Baseías paji. Baseías ak'õre Malquías paji. 41 Malquías ak'õre Etní paji. Etní ak'õre Zera paji. Zera ak'õre Adaías paji. 42 Adaías ak'õre Etán paji. Etán ak'õre Zimá paji. Zimá ak'õre Simí paji. 43 Simí ak'õre Yajat paji. Yajat ak'õre Guersón paji. Guersón ak'õre Leví paji.
44 Ma k'aripari Hemán juabi eere bainâ bapachi ichi ëreerãdepema Merarideepa uchiada Etán. Etán ak'õre Quisi paji. Quisi ak'õre Abdí paji. Abdí ak'õre Maluc paji. 45 Maluc ak'õre Jasabías paji. Jasabías ak'õre Amasías paji. Amasías ak'õre Jilquías paji. 46 Jilquías ak'õre Amsí paji. Amsí ak'õre Baní paji. Baní ak'õre Sémer paji. 47 Sémer ak'õre Majlí paji. Majlí ak'õre Musí paji. Musí ak'õre Merari paji. Merari ak'õre Leví paji.
48 Awaraa Levideepa uchiadap'edaarã ma k'aripataarã ome ëreerã padap'edaarã awaraa mimia oopachida Tachi Ak'õre te edajãde. 49 Aaronpa ichideepa uchiadap'edaarã ome israelitaarãpa ne–inaa aneedap'edaa paapachida ne–animalaarã Tachi Ak'õre–it'ee paa jõpipata te taawa eerepema altarde mãik'aapa ne–inaa t'ûa bapari paapata altarde. Ãchia Tachi Ak'õre te edajãdepema cuarto awara bùdap'edaa iru–it'ee ak'ùpachida mãik'aapa Ak'õremaa chupùria iidipachida irua israelitaarã p'ek'au k'achia oopatap'edaa ãyaa bùmerã. Ma mimia jõmaweda oopachida Tachi Ak'õre mimiapari Moisepa jaradak'a.
Aarondeepa uchiadap'edaarã
50 Aarondeepa uchiadap'edaarã nãgùùrã paji: Aarón warra Eleazar paji. Eleazar warra Fenés paji. Finés warra Abisúa paji. 51 Abisúa warra Buquí paji. Buquí warra Uzi paji. Uzi warra Zeraías paji. 52 Zeraías warra Merayot paji. Merayot warra Amarías paji. Amarías warra Ajitob paji. 53 Ajitob warra Sadoc paji. Sadoc warra Ahimaz paji.
P'uuru Levideepa uchiadap'edaarã p'anapatap'edaamãi
54 Chonaarãweda suerte jemenedap'eda, Israel eujã t'oodak'ãri, Coatdeepa uchiadap'edaarã naapùara uchiajida. (Aarondeepa uchiadap'edaarã coatitaarã apachida.) Mapa ãrapa atadap'edaa eujãde Aarondeepa uchiadap'edaarã p'anapachida. 55 Ãramaa Judá eujãdepema p'uuru Hebrón teejida ma p'uuru taawa bee eujã ome, mama ãchi ne–animalaarãpa p'ûajara k'odamerã. 56 Hebrón p'uuru taawa eerepema p'uuru k'aipee bee aù ik'aawa bada p'ûajara ome Jefone warra Calebpa ataji. 57 Mamîda Hebrón p'uuru teejida Aarondeepa uchiadap'edaarãmaa, ma p'uuru mirupata p'uuru pada perã. Ma awara ãramaa teejida nãgà p'uuru k'aipee bee aù ik'aawa eujã ome: Libná, Jatir, Estemoa, 58 Hilén, Debir, 59 Asán mãik'aapa Bet Semes. 60 Ãramaa ichiaba nãgà Benjamindeepa uchiadap'edaarã p'uuru teejida: Gueba, Alemet mãik'aapa Anatot, eujã aù ik'aawa bada ome. Mãgá Aarondeepa uchiadap'edaarã trece p'uurude p'anapachida.
61 Awaraa ëreerã Coatdeepa uchiadap'edaarãpa suerte jemenedap'eda, p'uuru diez atajida Manasedeepa uchiadap'edaarã esa–auk'a p'anapatap'edaarã eujãde. 62 Guersondeepa uchiadap'edaarãmaa p'uuru trece teejida nãgùùrã eujãde: Isacardeepa uchiadap'edaarã, Aserdeepa uchiadap'edaarã, Neftalideepa uchiadap'edaarã mãik'aapa Manasedeepa uchiadap'edaarã, chi Basán eujãde p'anapatap'edaarã.
63 Suerte jemenedap'eda, Merarideepa uchiadap'edaarãmaa teejida p'uuru doce nãgùùrã eujãde: Rubendeepa uchiadap'edaarã, Gaddeepa uchiadap'edaarã mãik'aapa Zabulondeepa uchiadap'edaarã.
64 Mãgá israelitaarãpa ãchi eujãde p'uuru bee aù ik'aawa eujã bada ome teejida Levideepa uchiadap'edaarãmaa. 65 Suerte jemenedap'eda, ma p'uuru et'ewa jarada teejida Judadeepa uchiadap'edaarã, Simeondeepa uchiadap'edaarã mãik'aapa Bejamindeepa uchiadap'edaarã eujãde. 66 Suerte jemenedap'eda, Coatdeepa uchiadap'edaarã ûk'uruurãmaa ichiaba p'uuru teejida Efraindeepa uchiadap'edaarã eujãde. 67 Ma awara ãramaa mirupata p'uuru Siquén, Efraindeepa uchiadap'edaarã eujãde bada teejida, aù ik'aawa eujã bada ome. Ichiaba Efraindeepa uchiadap'edaarã eujã ee jêra badade na mirupata p'uuru bee aù ik'aawa eujã bada ome teejida: Guézer, 68 Jocmeán, Bet Jorón, 69 Ayalón mãik'aapa Gat Rimón.
70 Apema Coatdeepa uchiadap'edaarãmaa teejida Aner p'uuru aù ik'aawa eujã bada ome mãik'aapa Bileán p'uuru aù ik'aawa eujã bada ome. Mãgà p'uuru Manasedeepa uchiap'edaarã esa–auk'a p'anapatap'edaarã eujãde p'anajida.
71 Guersondeepa uchiadap'edaarãmaa teejida Basán eujãde bada Golán p'uuru mãik'aapa Manasedeepa uchiadap'edaarã p'anapatap'edaa eujãdepema, Astarot p'uuru aù ik'aawa bada eujã ome. 72 Ichiaba ãramaa teejida na Isacardeepa uchiadap'edaarã eujãdepema p'uuru bee, aù ik'aawa eujã bada ome: Cedes, Daberat, 73 Ramot mãik'aapa Anén. 74 Na Aserdeepa uchiadap'edaarã eujãdepema p'uuru bee aù ik'aawa eujã bada ome ichiaba ãramaa teejida: Masal, Abdón, 75 Hucoc mãik'aapa Rejob. 76 Neftalideepa uchiadap'edaarã eujãdepema p'uuru bee aù ik'aawa eujã bada ome ichiaba teejida: Cedes de Galilea, Hamón mãik'aapa Quiriatayin.
77 Apema Merarideepa uchiadap'edaarãmaa na p'uuru bee aù ik'aawa bada eujã ome teejida: Zabulondeepa uchiadap'edaarã eujãdepema Rimón p'uuru mãik'aapa Tabor p'uuru; 78 Rubendeepa uchiadap'edaarã eujãdepema Jordán to oriente eere, Jericó p'uuru k'îrapite bada p'uuru Béser teejida aù ik'aawa bada eujã ome. Ma p'uuru pania wêe bù eujãde baji. Ichiaba ma Jordán to eere teejida Jaza, 79 Cademot, Mefat ma p'uuru bee ik'aawa bada eujã ome. 80 Na Gaddeepa uchiadap'edaarã eujãdepema p'uuru ichiaba teejida: Ramot de Galaad, Majanayin, 81 Hesbón mãik'aapa Jazer, ma p'uuru bee ik'aawa bada eujã ome.