Isacardeepa uchiadap'edaarã
7
1 Isacarpa warrarã k'îmari iru baji: Tola, Fuvá, Yasub mãik'aapa Simrón.2 Tola warrarã paji: Uzi, Refaías, Jeriel, Yamay, Ibsán mãik'aapa Samuel. Mãgùùrã chõo k'awaa beerã paji mãik'aapa Isacardeepa uchiadap'edaarã ëreerãdepemaarã poro waibùarã paji. Israeldeepa uchiadap'edaarã t'â p'ã jêra bùde jara bù David rey pak'ãri, Toladeepa uchiadap'edaarã veintidós mil seiscientos paji.
3 Uzi warra Israías paji. Israías warrarã nãgùùrã paji: Micael, Abdías, Joel mãik'aapa Isías. Ma joisomaaweda eperãarã poro waibùarã paji. 4 Wêraarã, warrarã chok'ara iru p'anadap'edaa perã, mãùrã chok'ara paji. Israeldeepa uchiadap'edaarã t'â p'ã jêra bùde jara bù mãùrãdeepa uchiadap'edaarã soldaorã treinta y seis mil paji.
5 Isacardeepa uchiadap'edaarã ëreerãdepema ùmùk'îraarã juasiadak'ãri, ochenta y siete mil chõo k'awaa beerã paji.
Benjamindeepa uchiadap'edaarã
6 Benjamindeepa na warrarã õpee uchiajida: Bela, Béquer mãik'aapa Jediael.
7 Belapa warrarã joisomaa iru baji: Esbón, Uzi, Uziel, Jerimot mãik'aapa Irí. Ma jõmaarã Benjamindeepa uchiadap'edaarã ëreerãdepemaarã poro waibùarã paji mãik'aapa chõo k'awaa p'anajida. Mãùrã veintidós mil treinta y cuatro paji.
8 Béquer warrarã paji: Zemirá, Joás, Eliezer, Elihoenay, Omrí, Jerimot, Abías, Anatot mãik'aapa Alamet. Ma jõmaarã Béquer warrarã paji mãik'aapa 9 ãchi ëreerãdepemaarã poro waibùarã paji. Israeldeepa uchiadap'edaarã t'â p'ã jêra bùde jara bù mãùrã veinte mil doscientos paji.
10 Jediael warra, Bilán paji. Bilhán warrarã paji: Jeús, Benjamín, Aod, Quenaná, Zetán, Tarsis mãik'aapa Ajisajar. 11 Ma jõmaarã Jediaeldeepa uchiajida. Mãùrã ãchi ëreerãdepemaarã poro waibùarã paji mãik'aapa chõo k'awaa beerã paji. Mãùrã juasiadak'ãri soldaorã mimia–it'ee, diecisiete mil doscientos ùmùk'îraarã paji.
12 Ir warrarã paji: Supín mãik'aapa Jupín. Ajer warra Jusín paji.
Neftalideepa uchiadap'edaarã
13 Neftalí warrarã paji: Yazel, Guní, Jéser mãik'aapa Salún. Mãùrã Bilhadeepa uchiadap'edaarã paji.
Manasedeepa uchiadap'edaarã
14 Manasepa wêra k'ãiparii iru baji. Mãgà Siriadepema wêrapa nãgà warrarã t'oji: Asriel mãik'aapa Maquir. Maquir Galaad ak'õre paji. 15 Maquir miak'ãiji Macá ome. Iru Jupín mãik'aapa Supín te pidaarãdepema paji. Maquir warra naapema eere t'oda Zelofejad paji. Mãgùpa k'aurã aupai ooji. 16 Maquir wêra Macapa warra t'oji. T'â bùjida Peres. Peres âpema Seres paji. Seres warrarã paji: Ulán mãik'aapa Requen. 17 Ulán warra Bedán paji. Ma jõmaarã Manasés warra, Maquir; mãgà warra Galaaddeepa uchiajida.
18 Maquir âpewêra Hamoléquetpa nãgà warrarã t'oji: Isod, Abiezer mãik'aapa Majlá.
19 Semidá warrarã paji: Ahián, Siquén, Liquejí mãik'aapa Anián.
Efraindeepa uchiadap'edaarã
20 Efraindeepa uchiadap'edaarã nãgùùrã paji. Efraín warra Sutela paji. Sutela warra Béred paji. Béred warra Tajat paji. Tajat warra Eladá paji. Eladá warra Tajat paji. 21 Tajat warra Zabad paji. Zabad warra Sutela paji. Efraín warrarã, Ezer mãik'aapa Elad piujida Gat p'uurudepemaarã juapa, ãchi mãùrã eujãdee wãdak'ãri ne–animalaarã chùa atade. 22 Maap'eda taarã nùde Efraín chi–ùaji chi warrarã–it'ee. Mapa ichi ëreerãdepemaarã chejida iru t'ãri o–î–îapide. 23 Maap'eda Efraín waya k'ãik'ãri ichi wêra ome, mãgà biak'oo bap'eda, ùmùk'îra warra t'o ataji. Efrainpa t'â bùji Beriáa chi apema warrarã k'achiade baaidap'edaa perã.
24 Beriá k'au Serapa Bet Jorón p'uuru wãrí eere, basí eere paara ooji. Ma awara Uzén Será p'uuru ooji. 25 Beriá ëreerãdepemaarã nãgùùrã paji. Beriá warra Refa paji. Refa warra Résef paji. Résef warra Télaj paji. Télaj warra Taján paji. 26 Taján warra Ladán paji. Ladán warra Amiud paji. Amiud warra Elisama paji. 27 Elisama warra Nun paji. Nun warra Josué paji.
28 Ma Efraindeepa uchiadap'edaarã p'anapachida na p'uurude: Betel, aù ik'aawa bada p'uuru k'aipee bee ome; Narán, ãchi eujã oriente eere bada; Guézer, ãchi eujã occidente eere bada, aù ik'aawa p'uuru k'aipee bee ome; Siquén, aù ik'aawa bada p'uuru k'aipee bee ome; Ayah, aù ik'aawa bada p'uuru k'aipee bee ome parumaa. 29 Manasedeepa uchiadap'edaarãpa na p'uuru ichiaba ãchi jua ek'ari iru p'anajida: Betseán, Tanac, Meguido, Dor mãgee p'uuru ik'aawa bada eujã ome. Mama Israel warra Josedeepa uchiadap'edaarã p'anapachida.
Aserdeepa uchiadap'edaarã
30 Aser warrarã paji: Imná, Isvá, Isví, Beriá. Ãchi âpewêra Sera paji.
31 Beriá warrarã paji: Héber mãik'aapa Malquiel. Malquiel warra Birzávit paji. 32 Héber warrarã paji: Jaflet, Semer mãik'aapa Jotán. Ãchi âpewêra Suá paji.
33 Jaflet warrarã paji: Pasac, Bimal mãik'aapa Asvat.
34 Jaflet âpema Semer warrarã paji: Rohegá, Yehubá mãik'aapa Aram.
35 Jaflet âpema Hélem warrarã paji: Zofa, Imná, Seles mãik'aapa Amal. 36 Zofa warrarã paji: Súaj, Harnéfer, Súal, Berí, Imrá, 37 Béser, Hod, Sama, Silsa, Itrán mãik'aapa Beerá.
38 Jéter warrarã paji: Jefone, Pispa mãik'aapa Ará. 39 Ula warrarã paji: Araj, Janiel mãik'aapa Risiyá.
40 Ma jõmaarã Aserdeepa uchiadap'edaarã paji. Ãchi ëreerã poro waibùarã paji mãik'aapa soldaorã sõcharra paji. Israeldeepa uchiadap'edaarã t'â p'ã jêra bùde jara bù mãùrã juasiadak'ãri soldaorã mimia–it'ee, veintiséis mil ùmùk'îraarã paji.