Elías waya wãda Rey Acab k'îrapite
18
1 Año õpee parumaa Tachi Ak'õrepa Eliamaa nãga jaraji: “Wãpáde aji, rey Acabmaa, na eujãde mùa waya k'oi chepiit'ee perã.”2 Aramãgá Elías wãji rey Acabmaa. Maapai Samaria eujãde jarrajara paraaji. 3 Rey Acabpa jara pëiji chi palaciodepema mimiapataarã poro waibùa Abdías chemerã ichi k'îrapite. Ma eperã Tachi Ak'õrede pia ijãapachi mãik'aapa irumaa ùt'aa t'âpachi. 4 Mapa Acab wêra Jezabelpa Tachi Ak'õre pedee jarapataarã peepi beek'ãri, Abdiapa madepema cien p'e ataji. Cincuentacincuentaa awara bùp'eda, ãra mãu te omeede mirupiji mãik'aapa chik'o ãramaa tee pëiji. 5 Abdías Acab k'îrapite pak'ãri, Acabpa mãgaji:
—Wãdáma na eujã jõmaade pania poátrù uchia beemaa, to paraamaa mama p'ûajara unudai perã. P'ûajara jùrùdáma tachi caballoorã–it'ee, mulaarã–it'ee. Maa–e pùrã tachi ne–animalaarã jarrapa piudayada aji.
6 Mãga oojida. Eujã awara–awaraa wãjida. Acab o abaade wãji. Jõdee Abdías o awaraade wãji. 7 Abdías ode wãde Elías ununaji. Elías k'awak'ãri, Abdías bedabaidachi mãik'aapa mãgaji:
—¿Pùk'ã aji, mùchi waibùa Elías?
Mãpai Eliapa p'anauji:
8 —Mùda aji. Pù chiparimaa jaranapáde aji, mù nama bù.
9 Abdiapa p'anauji:
—¿Mùa, k'ãare k'achiata oojima aji, pùa mù Acab juade bùmerã irua mù peemerã? 10 Tachi Ak'õre k'îrapite mùa juraa bù mù chiparipa ichi mimiapataarã pëidoo na eujã jõmaade pù jùrùdamerã. Jaradak'ãri pù unuda–e paji ichia ãramaa Tachi Ak'õre k'îrapite juraapiji, seewa jaranaadamerã. 11 Mãga bùta, ¿pùa jara bùk'ã aji, mùa irumaa jaranamerã pù nama bù? 12 Mùa mãga ooru pùrã, Tachi Ak'õre Jaurepa pù ãyaa atadariit'ee, mùa k'awa–e bùmaa. Mãpai mùa Acabmaa jarak'ãri pù nama bù, unu che–e pak'ãri, mù peepiit'ee. Mù pùchi mimiaparipù. Warraweda mùa Tachi Ak'õre waaweepari. 13 ¿Pùmaa waide nepùrùda–ek'ã mùa ooda Tachi Ak'õre pedee jarapataarã k'aripait'ee? Jezabelpa Tachi Ak'õre pedee jarapataarã peepi beek'ãri, mùa ãradepema cien mirupiji. Mùa ãra cincuentacincuentaa awara bùk'ãri, mirupiji mãu te omeede mãik'aapa chik'o ãramaa pëiji k'odamerã. 14 Ârá pùa mù pëi k'inia bù jaramerã mù chiparimaa pù nama bù. ¡Mùa mãga ooru pùrã, irua mù peepiit'ee!
15 Mãpai Eliapa p'anauji:
—Tachi Ak'õre Waibùa k'îrapite mùa juraa bù idi mù unuit'ee Acab ome. Mù, Tachi Ak'õre mimiaparipa mãga jara bùda aji.
16 Mãga jarada perã, Abdías wãji Acab jùrùde mãik'aapa Eliapa jara pëida jaranaji Ma t'êepai Acab ununaji Elías ome. 17 Unudak'ãri, Acabpa mãgaji:
—¿Pùak'ã aji, chi israelitaarã k'achiade baaipi k'inia bù?
18 Eliapa p'anauji:
—Mùa israelitaarã k'achiade baaipi–epù. Pùa, pùchi ak'õredeerã ome mãga oomaa p'anù, Tachi Ak'õre ley p'ãdade jara bùk'a oo amaa p'anapata perã mãik'aapa ùt'aa t'âpata perã ak'õre waibùa apata Baal k'îrak'a bù k'îrapite. 19 Jara pëipáde aji, israelitaarã chip'edaidamerã Carmelo eede; ak'õre waibùa apata Baal pedee jarapataarã cuatrocientos cincuenta ome mãik'aapa nawe waibùa apata Aserá pedee jarapataarã cuatrocientos ome; mãgùùrã Jezabelpa ak'ù bapari.
Elías Baal pedee jarapataarã ome
20 Aramãgá Acabpa jara pëiji israelitaarã Carmelo eede chip'edaidamerã mãgà ak'õre waibùa pedee jarapataarã apatap'edaarã ome. 21 Mama p'anadak'ãri, Elías israelitaarã k'îrapite wãp'eda, mãgaji:
—¿Sãapai parã k'îsia awara–awaraa waa p'aneeda–e pait'eema? aji. Tachi Ak'õre wãara Jõmaarã Ak'õre Waibùa pùrã, mãgara óotù irua jara bùk'a. Jõdee Baal jõmaarã Ak'õre Waibùa bùra, óotù irua oopi bùk'a.
—Mùta, Tachi Ak'õre pedee jarapari abapai beejida aji. Jõdee Baal eere cuatrocientos pedee jarapataarã paraa. 23 Puesta oodáma aji. P'ak'a ùmùk'îra omé anéetù; aba ãchia paadamerã; aba mùa paamerã. Ma p'ak'a peedap'eda mãik'aapa chi k'ap'ùa piuda t'ùap'edap'eda, bùdaipia bù t'ùpù ârù, t'ùpùtau wêe. Mùa auk'a ooit'eeda aji. 24 Maap'eda parã ùt'aa iididaipia bù pãchi ak'õre waibùa apatamaa t'ùpùtau pëimerã ma ne–animal ârù. Mùa auk'a ooit'ee Tachi Ak'õre ome. Pãchi ak'õre waibùa apatapa t'ùpùtau pëiru pùrã parã primicia ârù, mãgara iru Jõmaarã Ak'õre Waibùa. Jõdee Tachi Ak'õrepa t'ùpùtau pëiru pùrã mù primicia ârù, mãgara iruta Jõmaarã Ak'õre Waibùa.
—¡Pia bùda! ajida. ¡Mãga oodait'eeda! ajida.
25 Mãpai Eliapa mãgaji ma Baal pedee jarapatap'edaarãmaa:
—P'ak'a ùmùk'îra aba jùrùt'erátù mãik'aapa peedap'eda, chi k'ap'ùa piuda t'ùap'étù t'ùpù ârù bùdait'ee. Parã chok'araara p'anù perã, naapùara peedai mãik'aapa ùt'aa iididai pãchi ak'õre waibùa apatamaa. Aba pãchi juadoopa t'ùpù k'oonaadapáde aji.
26 Mãga oojida. P'ak'a ùmùk'îra jùrùt'eradap'eda, chi k'ap'ùa piuda ome oojida ãchia oopatak'a paadai naaweda. Mãpai tap'ewedadeepa imat'ùpa parumaa ùt'aa t'â jõnajida ãchi ak'õre waibùa apatap'edaa Baalmaa, irua t'ùpùtau pëimerã ma primicia ârù. Mãgapachida: “¡Baal, p'anaupáde!” ajida. Mãga nùde jâtù nipajida ma altar ik'aawa. Mamîda pedee maarepida ûrida–e paji, mama see nâbadaarãpa. 27 Imat'ùpawedapema Eliapa ãchi oo iru beeji. Mãgaji:
—Golpeera biadapáde aji, iru ak'õre waibùa apata perã. ¿Jua araa–e bù–epaa p'anauit'ee parãpa ùt'aa iidi jõnù? Maa–e pùrã ãmaa bù–epaa; maa–e pùrã awara ãi ni–epaa; maa–e pùrã k'ãi bù–epaa. ¡Mãgara ârùmadaipia bùda! aji.
28 Bia jõnùde ãchia oopatap'edaak'a ãchi itu t'u p'aneejida espadapa mãik'aapa miasupa waasoo p'aneerutamaa. Mãga oojida ãchi ak'õre waibùa apatap'edaarãpa ãchi ak'ùdamerã. 29 Mamîda ma jõma oo p'anajida mîda, imat'ùpa wãyaap'eda, ma primicia paapata hora pak'ãri, maarepida p'anau–e paji ãchi ak'õre waibùa apatap'edaapa. 30 Mãpai Eliapa eperãarã jõmaarãmaa mãgaji:
—Mù k'ait'a chedapáde aji.
Mãga ûridak'ãri, eperãarã iru k'ait'a chejida. Mãpai Eliapa Tachi Ak'õre–it'ee altar ãrit'aadap'edaa waya chiwidi oomaa beeji. 31 Ma–it'ee mãu doce p'e ataji Jacob, Tachi Ak'õrepa t'â bùda Israeldeepa uchiadap'edaa warrarã ëreerã doce pari. 32 Madee altar ooji Tachi Ak'õre–it'ee. Maap'eda ma altar bùùrù ik'aawa zanja k'oro ataji. Ma zanjade araak'aji net'a tau litro veinte. 33 Maap'eda ma altar ârù t'ùpù bùji mãik'aapa aù ârù ichia p'ak'a ùmùk'îra k'ap'ùa piuda t'ùap'eda bùji. 34 Mãpai mãgaji:
—Chok'o k'îmari paniapa ipuru aneedapáde aji, mãik'aapa weedapáde aji, ma p'ak'a piuda Tachi Ak'õre–it'ee paa jõpiit'ee ârù, t'ùpù ârù paara.
Weeda omé waya mãgá weepiji. 35 Paniara paraaji ma zanja altar ik'aawa k'oro atada paara ipuru beerumaa. 36 Mãpai ma p'ak'a ùmùk'îra Tachi Ak'õre–it'ee paa jõpata hora pak'ãri, Elías ma altar k'ait'a wãp'eda, ùt'aa iidiji: “Tachi Ak'õre Waibùa, pù Abraham, Isaac, Israel Ak'õre Waibùa. Ak'ùpíji pù wãara israelitaarã Ak'õre Waibùa mãik'aapa mù pù mimiapari, pùa mùmaa nãga oopida perã. 37 Tachi Waibùa, p'anaupáde aji, nama p'anùùrãpa k'awaadamerã pù Jõmaarã Ak'õre Waibùa mãik'aapa pùa k'inia bù pùde waya ijãa p'aneedamerã.”
38 Aweda t'ùpùtau baaiji ùt'ariipa mãik'aapa ma p'ak'a paa jõpiji, t'ùpù ome, ma mãu doce altardepema ome, yooro p'ora ome, ma pania zanjade bada paara. 39 Mãga unudak'ãri, eperãarã jõmaweda bedabaidachida tau bùùrù eujãde t'õbairutamaa. Mãga oo p'anù misa, mãgajida: “¡Tachi Waibùa Jõmaarã Ak'õre Waibùa! ¡Tachi Waibùa Jõmaarã Ak'õre Waibùa!”
40 Mãpai Eliapa israelitaarãmaa mãgaji:
—¡Baal pedee jarapataarã jõmaweda jita atadapáde aji, pãchi juadeepa apida jirabodonaadamerã!
Mãga oojida. Mãpai Eliapa mãùrã ateepiji Cisón to chak'e p'oodade mãik'aapa mama peek'ooji.
Eliapa ùt'aa iidida k'oi chemerã
41 Maap'eda Eliapa rey Acabmaa mãgaji:
—Wãpáde aji, nek'ode mãik'aapa ne–inaa tode taarã–ee k'oi cheit'ee perã.
42 Acab wãji nek'ode. Mamîda Elías wãji Carmelo ee nok'odee. Bedabaip'eda, âjaabaiji chi k'îra sinapote esajîak'a beerumaa. 43 Mãga nùde ichi mimiaparimaa mãgaji:
—P'usa tok'esaa ak'ùnapáde aji.
Iru wãji mãik'aapa ak'ùji. Mãpai mãgaji:
—Maarepida unu–eda aji.
Jarada siete waa Eliapa mãgaji:
—Waya ak'ùnapáde aji.
44 Wãda sietede ma mimiaparipa mãgaji:
—Tok'esaa unu bùda aji, jâarara; tachi juak'a bùda aji.
Mãpai Eliapa mãgaji:
—Wãpáde aji, jarade Acabmaa ichi carretade bataumerã mãik'aapa isapai wãmerã, k'oi golpe chei naaweda.
45 Mãga ûrik'ãri, Acab ichi carretade bataup'eda, wãji Jezrel p'uurudee. Mãga nùde jâarara p'ãimaa pajida mãik'aapa nãu p'ua beeji. Mãpai k'oi golpe cheji. 46 Made Tachi Ak'õre Waibùapa Elías juataura papiji k'ap'ip'ia p'iramerã. Mãgá Elías, chi p'aru teesoo cinturonde jâ bùp'eda, p'iradachi Acab naa. Mãgá Acab pai naaweda, Elías Jezrel p'uurude panaji.