Davidpa pedee jarada piui naaweda
23
1 Jai–idaai naaweda Davidpa nãgà pedee jaraji:‘‘Isaí warra David, Tachi Ak'õrepa waibùa papida; Jacob Ak'õre Waibùapa rey jùrùt'erada; Israeldepema k'ari pi–ia k'aridapa; mãgùpa nãga jara bù:
2 ‘Mù pari Tachi Ak'õre Jaure pedeeji. Iru pedee mùmaa jarapiji. 3 Israelitaarã–it'ee ãchi Ak'õre Waibùa mãu choma bùk'a bù, ichia ãra jâapari perã. Iruata mùmaa nãga jaraji:
’Chi reypa eperãarã ichi jua ek'ari p'anùùrã pia ak'ùpari Tachi Ak'õre waawee bapari perã, nãga bait'ee. 4 K'oi chep'eda, pajã ewaraa k'obeek'ãri, ak'õrejîru pi–ia urua cheparik'a p'ûajara pia t'onomerã, mãga pùk'a ma eperãarã ak'ùpari pi–ia bait'ee.’
5 ”Mãgá Tachi Ak'õrepa mùdeepa uchiadait'eerã ichita pia ak'ù bapariit'ee. Mù ome irua pacto ooji mãik'aapa ichita ooit'ee ichia jaradak'a. Irua mù ichita k'aripait'ee mãik'aapa mùmaa oopiit'ee mùa ne–inaa pia oo k'inia bùk'a. 6 Mamîda ne–inaa k'achia ooyaa p'anapataarã k'aripa–e pait'ee. Ne–inaa k'achia ooyaa p'anapataarã ne–ùùràk'apù p'anù. Ne–ùùrù bat'apatak'a servi–e bairã, mãga pùk'a mãùrã jõdaipia bù servi–e p'anadairã. Ne–ùùrù jitadak'aa p'anùk'a tachi awadarii perã, mãga pùk'a mãùrã ome taarã nipadak'aa k'achia p'anadairã. 7 Eperãarãpa mãgee ne–ùùrù jitadait'ee pùrã, t'õbaidai k'ãyaara, ne–inaa hierrodee oodapa wa miasupa jitapata. Mãpai t'ùpùtaude bat'ak'oopata paa jõdaimerã.”
David soldaorã chõo k'awaara p'anadap'edaa
(1 Crónicas 11.10-47)
8 David soldaorã chõo k'awaara p'anadap'edaarã õpee paji. Tacmonita Joseb Basébet awaraa sõcharra beerã omé poro waibùa paji. Chõoda abaade irua ochocientos ùmùk'îraarã peeji miasupa.
9 Ma sõcharra beerã õpeedepema awaraa ajojita Dodó warra Eleazar paji. Iru David ome nipaji Pasdaminde, filisteorã chõo chedak'ãri mãik'aapa israelitaarã ãpùtee jëredak'ãri. 10 Mamîda Eleazar ãpùtee wã–e paji. Chõomaa beeji mãik'aapa filisteorã soldaorã peemaa beeji, ichi jua t'ûmaadarumaa espada jita bùpa. Iru k'aurepa ma ewate Tachi Ak'õrepa israelitaarãmaa p'oyaapiji. Iru mãgá chõoda t'êe israelitaarã irumaa chejida mãik'aapa ãchi k'îra unuamaa iru p'anapatap'edaarã net'aa jãri atajida.
11 Ma sõcharra beerã õpeedepema ichiaba paji ararita Agué warra Sama. Filisteorã chip'edaidak'ãri Lehide, eperãarãpa lenteja uudap'edaa eujãde, israelitaarã soldaorã jîchoojida ãchi naa. 12 Mamîda Sama beeji ma ne–uu eujãde mãik'aapa chõoji ma filisteorã p'oyaarumaa. Mãgá Tachi Ak'õrepa israelitaarãmaa p'oyaapiji.
13 Maapai treinta sõcharra beerã David jua ek'ari p'anapachida. Ewari aba israelitaarãpa ãchia ne–uudap'edaa ewadak'ãri, ma treintadepema soldaorã õpee ununajida David ome Adulán mãu tede. Maapai filisteorã soldaorã ãchi carpa eebai iru p'anajida Refayin eujã jewedaade. 14 David eede ùt'à baji ichi soldaorã miru chip'edap'edaamãi. Jõdee filisteorã soldaorã chok'ara Belén p'uurude ãchi soldaorã p'anapatap'edaamãi p'anajida. 15 Ma sõcharra beerã David eere p'anadap'edaa iru k'ait'a p'anùde, t'ãri araa bada perã ichi t'oruweda p'uuru Belén ome, Davidpa mãgaji:
—¡Pia bak'ajida aji, apidaapa pania Belén p'uurudepema puerta k'ait'a bù pozodepema mùmaa teeda paara toit'ee!
16 Mãga ûridak'ãri, ma sõcharra beerã õpee mama p'anadap'edaarã wãjida Belén p'uurudee mãik'aapa filisteorã ome chõomaa p'aneejida panarutamaa ma p'uurudepema puerta k'ait'a bada pozode. Pania joi atadap'eda, Davidmaa ateejida. Mamîda tee chedak'ãri, Davidpa to k'inia–e paji. Ma k'ãyaara Tachi Ak'õre–it'ee eujãde weeji.
17 Mãgaji:
—Na pania to–eda aji. ¡Toda paara, na sõcharra beerã waa to pùk'a bak'aji, ãra piuk'ajida perã na pania atadap'edaa k'aurepa! ¡Mùa to k'inia–epù!
Ma sõcharra beerã õpee mãgee ne–inaa oopachida.
18 Sarvia warra mãik'aapa Joab âpema, Abisay ma treinta soldaorã sõcharrara beerã poro waibùa paji. Chõoda abaade irua trescientos k'îra unuamaa iru p'anadap'edaarã ârù wãp'eda, peek'ooji miasupa. Maperã ma treinta sõcharrara beerãpa iru t'o p'anajida. 19 Ichiaba maperã iru ãchi poro waibùa beeji. Mamîda at'ãri ma sõcharra beerã õpee iru k'ãyaara piara t'o p'anajida.
20 Awaraa Israel eerepema soldao sõcharra badapa ne–inaa chok'ara ooji. Mãgà Cabsel p'uurudepema Joyadá warra Benaías paji. Ichia Moabdepema chõo k'awaa beerã omé peeji. Ichiaba ewari aba nieve baai nâbùde, iru yooro te uriade t'îup'eda, león peeji. 21 Ichiaba irua Egiptodepema audú ùt'ùa bada peeji. Mãgùpa miasu anipaji mîda, Benaiapa ma Egipto pida ârù wãji pak'urupa mãik'aapa iru miasu jãri atap'eda, peeji. 22 Ma jõma ooda k'aurepa, awaraa sõcharra beerã ma treintadepemaarãpa Benaías t'o p'anajida. 23 Mamîda at'ãri ma sõcharra beerã õpee iru k'ãyaara piara t'o p'anajida. Davidpa Benaías bùji ichi jâapataarã poro waibùa pamerã.
24 Ma treinta soldaorã sõcharrara beerã nãgùùrã paji: Joab âpema, Asael; Belén p'uurudepema Dodó warra, Eljanán; 25 Jarod p'uurudepema, Sama awaraa Jaroddepema Elicá ome; 26 Bet Palet p'uurudepema, Heles; Tecoa p'uurudepema, Iqués warra Ira; 27 Anatot p'uurudepema, Abiezer; Jusá p'uurudepema, Mebunaya; 28 ajojita, t'âjarapatap'edaa Zalmón; Netofa p'uurudepema, Maray; 29 awaraa Netofadepema, Baná warra Jéled; Benjamín ëreerãdepemaarã eujãde bada Guibeá p'uurudepema, Ribay warra Itay; 30 Piratón p'uurudepema, Benaías; Gaas k'ait'a bada to chak'e p'oo bùdepema, t'âjarapatap'edaa Hiday; 31 Arbá p'uurudepema, Abí Albón; Bajurín p'uurudepema, Azmávet; 32 Salbón p'uurudepema, Elijaba; Jasén warrarã; Jonatán 33 ararita, t'âjarapatap'edaa Sama warra; awaraa ararita, Sarar warra Ahían; 34 Macá p'uurudepema, Ajasbay warra Elifelet; Guiló p'uurudepema, Ajitofel warra Elián; 35 Carmel p'uurudepema, Jezró; arbita, t'âjarapatap'edaa Paray; 36 Sobá p'uurudepema, Natán warra Igal; Gaddeepa uchiada, Hagrí warra Baní; 37 amonita, t'âjarapatap'edaa Sélec; Berotdepema, Najaray. Mãgà Sarvia warra Joab escudo anipapari paji. 38 Ichiaba ma treintadepema paji itrita, t'âjarapatap'edaa Ira; awaraa itrita, Gareb 39 mãik'aapa hitita, t'âjarapatap'edaa Urías. David jua ek'ari sõcharra beerã jõmaweda treinta y siete paji.