2SA 9

Davidpa Mefiboset pia ak'ù bada

1 David jura chõo bap'eda, ichi p'uurude beeji.

Ewari aba chi mimiapataarãmaa nãga iidiji:

—¿Saúl ëreerã at'ãri paraak'ã aji, mùa pia ooit'ee Jonatán k'ap'ùa pari?

2 Mãpai iru mimiapataarãpa jara pëijida Saúl mimiapataarã poro waibùa pada, Siba Davidmaa chemerã.

Ma Siba David k'îrapite pak'ãri, Davidpa iidiji:

—¿Pùk'ã aji, Siba?

Sibapa p'anauji:

—Rey Waibùa, mùda aji. Pùa jara bùk'a oo k'inia bùda aji.

3 Mãpai reypa iidiji:

—¿Sauldeepa uchiada apida baparik'ã aji, mùa chupùria k'awaait'ee Tachi Ak'õrepa k'inia bùk'a?

Mãpai Sibapa p'anauji:

—Jonatán warra aba baparida aji. Mãgà jîru omeeweda chiwa bùda aji.

4 Mãpai Davidpa iidiji:

—¿Sãma bùma? aji.

Irua p'anauji:

—Lo Debar p'uurude baparida aji, Amiel warra Maquir tede.

5 Mãpai rey Davidpa jaraji Lo Debardee wãdap'eda, Amiel warra Maquir tedeepa Jonatán warra aneedamerã. 6 Mãgà Saúl ãichak'e, Jonatán warra Mefiboset David k'îrapite pak'ãri, bedabaidachi ichi tau bùùrù eujãde t'õbairumaa ak'ùpiit'ee David waawee bù.

Mãpai Davidpa iidiji:

—¿Pù Mefibosetk'ã? aji.

Irua p'anauji:

—Pùa jara bùk'a oo k'inia bùda aji.

7 Davidpa mãgaji:

—Waaweenáaji. Pù ak'õre Jonatán k'aurepa mùa pù pia ak'ù bapariit'ee. Pù ak'õchona Saúl eujã jõma iru bada pùmaa teeit'ee. Ma awara pù ichita mù ome mùchi mesade nek'opariit'eeda aji.

8 Mãpai Mefiboset waya bedabaidachi mãik'aapa mãgaji:

—¿Sãap'eda k'îsia bùma aji, mù, pù mimiapari, k'aripait'ee? Pù k'îrapite mù usa piudak'a bùda aji.

9 Mefibosetpa mãga jaraji mîda, rey Davidpa Saúl mimiapataarã poro waibùa pada Siba t'âpiji mãik'aapa mãgaji:

—Pù chipari pada ãichak'emaa mùa tee bùda aji, ne–inaa jõmaweda Sauldeerãpa iru p'anadap'edaa. 10 Maperã mùa nãga jara bù pùa oomerã. Pù, pùchi warrarã ome mãik'aapa pù mimiapataarã ome ma eujãde mimiadait'ee Mefiboset pari. Net'a tau ewadak'ãri, irudeerã–it'ee ùa bùdait'ee. Mamîda Mefiboset ichita mùchi mesade nek'opariit'eeda aji. (Maapai Sibapa warrarã quince mãik'aapa mimiapataarã veinte iru baji.)

11 Mãpai Sibapa reymaa p'anauji:

—Rey Waibùa, jõmaweda pùa mùmaa jara bùk'a mùa ooit'eeda aji.

Maadak'ãriipa Mefiboset nek'opachi rey mesade, rey warrarãk'a. 12 Mefibosetpa warra aba iru baji; t'âjarapachida Micaías. Sibadeerã jõmaweda mimiapachida Mefiboset pari. 13 Mamîda Mefiboset, chi bùùrù omeeweda chiwa bada, Jerusalende bapachi, rey mesade nek'opachi perã.