13
1 « Wa fi l‑yoom da,
tamrug een almi al‑tikhassil zurriiyit Dawuud wa sukkaan Madiinat al‑Khudus min zunuubhum wa najaasithum. »
Al‑naas al‑yitnabbaʼo be khachch
2 Wa daahu kalaam Allah al‑Gaadir :
« Fi l‑yoom da,
ana nuguchch min al‑balad asaame al‑asnaam wa battaan ma yihajju beehum abadan.
Wa natrud min al‑balad al‑anbiya al‑yihajju be khachch wa ruuh al‑munajjasa.
3 Wa kan naadum gaaʼid yitnabbaʼ be khachch,
khalaas abuuh wa ammah al‑wildooh yuguulu leyah :
‹ Waajib tumuut achaan inta gaaʼid tuguul kalaam khachch be usum Allah.
› Wa khalaas,
abuuh wa ammah al‑wildooh,
yatʼanooh wakit hu gaaʼid yitnabbaʼ.
4 « Wa fi l‑yoom da,
al‑eeb yakrub ayyi nabi be sabab ruʼyitah wakit hu gaaʼid yitnabbaʼ.
Wa be da,
battaan ma yalbas khalag al‑nabi le yukhuchch al‑naas.
5 Wa ayyi waahid yuguul :
‹ Ana ma nabi,
ana harraati bas.
Achaan charooni misil abid wakit ana sabi. ›
6 Wa laakin yuguulu leyah :
‹ Chunu juruuh al‑nabi al‑fi sadrak dool ?
› Wa hu yurudd :
‹ Ana ligiit al‑juruuh dool fi beet rufgaani bas.
› »
Al‑raaʼi wa l‑khanam
7 Daahu kalaam Allah al‑Gaadir :
« Ya seef,
gumm didd raaʼiiyi.
Aywa,
gumm didd gariibi !
Adrub al‑raaʼi wa l‑khanam yichittu
wa nadrub hatta al‑dugaag kula.
8 Wa khalaas fi kulla l‑balad,
al‑itneen tilit min al‑naas
yinfaslu wa yumuutu
wa laakin al‑tilit al‑waahid
yifaddil.
Wa da kalaam Allah.
9 Wa l‑tilit al‑faddal da,
nukhuttah fi l‑naar
wa nisaffiih misil yisaffu al‑fudda
wa nakchifah misil yakchufu al‑dahab.
Wa humman yinaadu usmi
wa ana nurudd leehum.
Wa ana nuguul leehum :
‹ Intu tabgo chaʼabi. ›
Wa humman yuguulu :
‹ Allah bas yabga Ilaahna.
› »