Kitaab Haggaay
min Kutub al‑Anbiya
Mugaddima
Fi wakit hukum Daariyuus malik Faaris, al‑nabi Haggaay hajja be kalaam Allah le sukkaan Madiinat al‑Khudus wa le Zarubaabil haakimhum wa le Yachuuʼ kabiir rujaal al‑diin. Wa da baʼad Zarubaabil wa waahidiin min Bani Israaʼiil gabbalo min Baabil balad al‑khurba wa jo fi baladhum.
Wa fi Madiinat al‑Khudus, humman gammo yabnu beet Allah battaan wa laakin ma gidro kammalooh. Wa fi l‑wakit da, Haggaay kallam leehum wa gaal waajib yikammulu buna al‑beet da. Hu gaal kadar kulla l‑taʼab al‑ja leehum da ja be sabab ma kammalo buna al‑beet.
Wa khalaas fi l‑akhiir, al‑chaʼab fihmo kalaam Haggaay wa gammo kammalo buna beet Allah. Humman chaafo kadar al‑beet al‑banooh da ma jamiil misil awwal wa laakin Allah waʼad yijammilah wa da, yamlaah be majdah. Wa battaan al‑chaʼab gaaʼidiin yarjo al‑naadum al‑azalah Allah misil hu waʼad beyah.