Kitaab Zakariiya
min Kutub al‑Anbiya
Mugaddima
Kitaab al‑nabi Zakariiya da, hu kitaab al‑yihajji be l‑acham fi wakit hana Zakariiya wa fi l‑mustakhbal. Al‑nabi Zakariiya hajja be l‑kalaam da wakit al‑naas al‑waddoohum fi l‑khurba fi Baabil gabbalo jo fi Madiinat al‑Khudus.
Fi l‑bidaaya, al‑kitaab da yihajji be ruʼyat Zakariiya al‑hu chaafha misil ruʼyat al‑kheel wa l‑guruun wa l‑haddaad wa l‑kitaab al‑malfuuf al‑taayir wa l‑guffa al‑foogha mara. Ayyi ruʼya timassil cheyy al‑Allah yisawwiih fi l‑ard. Wa battaan al‑kitaab yihajji be darrijiin Yachuuʼ kabiir rujaal al‑diin fi Madiinat al‑Khudus.
Wa l‑nuss al‑taani hana l‑kitaab yihajji be wakit Allah yijaddid Madiinat al‑Khudus wa Bani Israaʼiil yaskunu foogha be amaan. Wa yihajji battaan kadar Allah yaʼazil naadum wa yirassilah leehum achaan yijiib leehum al‑salaama wa l‑adaala. Allah yiʼaakhib kubaaraat chaʼabah al‑ma adiiliin wa chuʼuub aakhariin al‑abooh. Wa fi l‑akhiir, Allah yisabbit hukmah fi kulla l‑ard.