Kitaab Zakariiya
min Kutub al‑Anbiya
Waajib Bani Israaʼiil yigabbulu le Allah
1
1 Fi l‑chahar al‑taamin fi l‑sana al‑taaniye hana hukum Daariyuus malik balad Faaris,
Allah hajja le l‑nabi Zakariiya wileed Barakya wileed Iddu wa gaal leyah :
2 « Ana Allah khidibt khadab chadiid didd juduudku.
3 Hassaʼ da,
hajji le Bani Israaʼiil be kalaami ana Allah al‑Gaadir wa guul leehum :
‹ Daahu kalaam Allah al‑Gaadir :
“Gabbulu leyi wa ana kula nigabbil leeku.”
Wa da Allah al‑Gaadir bas gaalah.
4 Ma tabgo misil juduudku.
Zamaan,
al‑anbiya hajjo leehum be kalaami ana Allah al‑Gaadir wa gaalo leehum yigabbulu leyi wa yikhallu deribhum al‑fasil wa amalhum al‑fasil.
Wa laakin humman ma khatto baalhum leyi wa la simʼo kalaami.
Wa da kalaam Allah.
5 « ‹ Ween juduudku ?
Wa l‑anbiya yiʼiichu ila l‑abad walla ?
6 Wa laakin kalaami wa churuuti al‑ana amart beehum abiidi al‑anbiya,
lihgo juduudku.
Wa humman gabbalo leyi wa gaalo :
“Allah al‑Gaadir kharrar yiʼaamilna hasab deribna wa amalna.
Wa da bas al‑cheyy al‑hu sawwaah.”
› »
Ruʼyat al‑kheel
7 Wa fi yoom 24 hana chahri 11 al‑usmah Chabaat fi l‑sana al‑taaniye hana hukum Daariyuus,
Allah hajja battaan leyi ana al‑nabi Zakariiya wileed Barakya wileed Iddu.
8 Fi l‑leele di,
ana chift ruʼya.
Ana chift raajil raakib fi juwaad ahmar wa waagif fi usut chadar al‑waadi.
Wa waraayah fi kheel humur wa chugur wa buyud be rukkaabhum.
9 Wa ana saʼalt al‑malak al‑gaaʼid yihajji leyi wa gult :
« Ya siidi,
humman dool yaatumman ?
» Wa l‑malak gaal :
« Ana niʼooriik humman dool yaatumman. »
10 Wa l‑raajil al‑waagif fi lubb chadar al‑waadi gaal :
« Humman dool Allah rassalaahum le yuruukhu kulla l‑ard. »
11 Wa rukkaab al‑kheel hajjo le malak Allah al‑waagif fi ust al‑chadar wa gaalo leyah :
« Daahu aniina rukhna kulla l‑ard wa ligiinaaha gaaʼide fi raaha wa jumma. »
12 Wa malak Allah hajja wa gaal :
« Ya Allah al‑Gaadir,
min muddit 70 sana inta khidibt le Madiinat al‑Khudus wa hillaal balad Yahuuza.
Mata tarhamhum ? »
13 Wa Allah radda le l‑malak al‑gaaʼid yihajji leyi wa anta radd adiil wa muchajjiʼ.
14 Wa baʼad da,
al‑malak al‑gaaʼid yihajji leyi gaal :
« Ballikh !
Daahu Allah al‑Gaadir gaal :
‹ Ana indi mahabba chadiide
le Madiinat al‑Khudus wa jabal Sahyuun.
15 Wa laakin ana khidibt khadab chadiid
didd al‑umam al‑mustakbiriin wa murtaahiin.
Achaan wakit ana khidibt chiyya didd Bani Israaʼiil,
al‑umam dool aamaloohum be charr katiir.
› »
16 Wa fi chaan da,
daahu Allah gaal :
« Ana nigabbil le Madiinat al‑Khudus
be mahanna.
Wa Madiinat al‑Khudus yigaawusuuha le l‑bani
wa beeti yinbani fiiha battaan. »
Wa da kalaam Allah al‑Gaadir.
17 Wa l‑malak gaal leyi :
« Battaan ballikh !
Daahu Allah al‑Gaadir gaal :
‹ Hillaal hanaayi yinmalu battaan be l‑kheer
wa nihinn battaan fi Sahyuun
wa naʼazil battaan Madiinat al‑Khudus.
› »
Ruʼyat al‑guruun wa l‑haddaad
18 *Wa battaan rafaʼt raasi wa chift ruʼya.
Wa daahu chift arbaʼa guruun.
19 Wa ana saʼalt al‑malak al‑gaaʼid yihajji leyi wa gult :
« Humman dool chunu ?
» Wa hu radda leyi wa gaal :
« Dool al‑guruun al‑chattato sukkaan balad Yahuuza wa balad Israaʼiil wa Madiinat al‑Khudus. »
20 Wa baʼad da,
Allah chawwafaani arbaʼa haddaad.
21 Wa ana gult :
« Humman dool jo bisawwu chunu ?
» Wa hu gaal leyi :
« Al‑guruun dool humman bas al‑chattato sukkaan balad Yahuuza lahaddi naadum fiiha ma yagdar yarfaʼ raasah.
Wa laakin al‑haddaad dool jo le yirajjufu wa yikassuru guruun al‑umam wa dool al‑umam al‑rafaʼo guruunhum didd balad Yahuuza le yichattutu sukkaanha. »