Al‑Khudus ma simʼat kalaam Allah
3
1 Al‑azaab le l‑madiina al‑malaane be l‑zulum !
Hi muʼaaride wa nijse.
2 Hi ma simʼat kalaam Allah
wa ma khassadat be l‑adab.
Hi ma atwakkalat ale Allah
wa ma garrabat le Ilaahha.
3 Wa fi usutha,
kubaaraatha misil al‑diidaan al‑yikirru
wa gudiyaaha misil maraafʼiin al‑leel
al‑ma yikhallu cheyy le l‑fajur.
4 Wa anbiyaaha mustakbiriin wa khaayniin
wa rujaal diinha ma yihtarumu al‑mukhaddas
wa yugummu be unuf didd churuut al‑Tawraat.
5 Wa laakin Allah lissaaʼ gaaʼid fi l‑madiina,
hu aadil wa ma yisawwi zulum.
Wa kulli sabaah,
hu yiwassif chariiʼtah
wa abadan ma yikhalliiha.
Wa laakin al‑mujrim
ma yaʼarif al‑eeb.
6 Wa Allah gaal :
« Ana kammalt al‑umam
wa dammart bakaanaathum hana l‑muraakhaba.
Ana kharabt chawaariʼhum
wa ma fi naadum al‑yufuut beehum.
Wa dammart mudunhum
wa bigo faadiyiin min sukkaanhum.
7 Wa ana gult :
‹ Akuun al‑madiina di takhaaf minni
wa tikhassid be l‑adab.
Wa be da,
ana ma nikammilha
wa la niʼaakhibha. ›
Wa laakin sukkaanha yibakkuru
le yisawwu al‑charr. »
8 Wa daahu kalaam Allah :
« Fi chaan da,
arjooni !
Yoom waahid,
nugumm le l‑khaniime.
Achaan kharrart nilimm al‑umam
wa najmaʼ al‑mamaalik.
Wa ninazzil fooghum zaʼali
wa kulla khadabi al‑muhrig.
Achaan be naar khiirti,
kulla l‑ard tahrag. »
Allah yikhayyir haal al‑chuʼuub
9 « Wa khalaas,
nitahhir lisaan al‑chuʼuub
achaan kulluhum yinaadu be usmi ana Allah
wa yaʼabuduuni be galib waahid.
10 Hatta min khaadi le buhuur balad al‑Habacha,
al‑naas yaju yaʼabuduuni.
Aywa,
al‑naas al‑ana chattattuhum
yijiibu leyi hadaaya. »
Al‑faddalo min al‑chaʼab yabgo adiiliin
11 « Ya chaʼabi,
fi l‑yoom da
ma talgo ayyi eeb be sabab kulla aʼmaalku
al‑beehum isiituuni.
Achaan fi l‑wakit da,
namrug min usutku al‑kuluufiyiin
wa ma tistakbaro fi jabali al‑mukhaddas.
12 Wa ana nifaddil fi usutku
naas masaakiin wa fagraaniin
wa humman yaljaʼo tihit usum Allah.
13 Wa l‑faddalo min Bani Israaʼiil
ma yisawwu zulum
wa ma yuguulu kalaam kidib
wa ma yinlagi fi khuchuumhum kalaam khachch.
Wa laakin humman yaakulu wa yunuumu be amaan
wa ma fi naadum yibachtinhum. »
Madiinat al‑Khudus tafrah
14 Zakhriti,
ya Sahyuun al‑misil bineeye !
Asrakhe be farah,
ya Israaʼiil !
Afrahe wa anbasti be kulla galibki,
ya Madiinat al‑Khudus al‑misil bineeye !
15 Allah rafaʼ al‑ikhaab minki
wa tarad udwaanki.
Wa Allah malik Israaʼiil
hu zaatah gaaʼid fi usutki
wa battaan ma takhaafe min al‑fasaala.
16 Wa fi l‑yoom da,
yuguulu le Madiinat al‑Khudus :
« Ma takhaafe,
ya Sahyuun,
wa ma taksale.
17 Allah Ilaahki gaaʼid fi usutki
misil faaris al‑yinajjiiki.
Hu farhaan beeki
wa fi chaan hubbah,
hu yijaddidki
wa hu yafrah beeki farah chadiid. »
18 Wa Allah gaal :
« Ya chaʼabi,
ana nilimm al‑naas al‑ma gidro ayyado maʼaaku
wa l‑baʼiidiin minku
wa namrug eebhum
al‑bigi leehum tagiil.
19 Fi l‑wakit da,
akiid nugumm didd kulla l‑yitaʼʼubuuku
wa ninajji maʼduuriinku
wa nilimm naasku al‑chattatoohum.
Nicharrifku wa usumku yabga taaliʼ
fi kulla l‑buldaan al‑fooghum ligiitu al‑eeb.
20 Fi l‑yoom da,
ana nigabbilku
wa fi l‑wakit da,
nilimmuku sawa.
Chiifu !
Nigabbilku min al‑khurba
wa usumku yabga taaliʼ
wa nicharrifku
fi ust kulla chuʼuub al‑ard. »
Wa da,
Allah bas gaalah.