Ruʼyat al‑kitaab al‑malfuuf al‑taayir
5
1 Wa battaan ana rafaʼt raasi wa chift ruʼya.
Wa daahu chift kitaab malfuuf taayir.
2 Wa l‑malak gaal leyi :
« Gaaʼid tichiif chunu ?
» Wa ana gult :
« Gaaʼid nichiif kitaab taayir tuulah 20 duraaʼ wa urdah 10 duraaʼ. »
3 Wa khalaas,
hu gaal leyi :
« Fi l‑kitaab da,
maktuuba foogah al‑laʼana al‑nazalat fi kulla l‑balad.
Wa be nussah al‑waahid,
ayyi sarraag yaturduuh wa be nussah al‑aakhar,
ayyi naadum al‑yahlif be kidib kula yaturduuh.
4 Wa daahu kalaam Allah al‑Gaadir :
‹ Ana nazzalt al‑laʼana di achaan tadkhul wa taskun fi beet al‑sarraag wa fi beet al‑naadum al‑yahlif be usmi be kidib.
Wa tidammir al‑beet lahaddi maraadiisah wa asaasah.
› »
Ruʼyat al‑guffa
5 Wa l‑malak al‑gaaʼid yihajji leyi gaddam wa gaal leyi :
« Arfaʼ raasak wa chiif al‑cheyy al‑jaayi da. »
6 Wa ana saʼaltah wa gult :
« Da chunu ?
» Wa hu gaal leyi :
« Di l‑guffa al‑foogha zunuub hana kulla naas al‑balad. »
7 Wa tawwaali,
tabag hana hadiid anrafaʼ min khachum al‑guffa wa daahu fiyah mara gaaʼide fi lubbaha.
8 Wa l‑malak gaal :
« Al‑mara di,
hi timassil al‑fasaala.
» Hu lazzaaha daakhal fi l‑guffa wa sadda khachum al‑guffa be l‑tabag hana l‑hadiid da.
9 Wa baʼad da,
ana rafaʼt raasi wa chift ruʼya.
Wa daahu chift awiin itneen jaayaat.
Al‑riih gaaʼide tihijj fi janaaheehin wa janaaheehin misil janaahe abunkhanam.
Wa hinna chaalan al‑guffa wa taaran beeha ambeen al‑sama wa l‑ard.
10 Wa ana saʼalt al‑malak al‑gaaʼid yihajji leyi wa gult :
« Ween yiwaddan al‑guffa di ? »
11 Wa hu gaal leyi :
« Yiwaddanha fi balad Baabil al‑fasle le yabnu leeha beet al‑ibaada.
Wa hinaak yisawwu leeha asaas wa yukhuttuuha foogah. »