Kitaab Irmiya
min Kutub al‑Anbiya
Mugaddima
Al‑kitaab da hana l‑nabi Irmiya al‑hajja fi Madiinat al‑Khudus le aakhir muluuk mamlakat Yahuuza. Wa Irmiya gaaʼid yihajji be kalaam Allah muddit arbaʼiin sana fi wakt al‑barjaal. Wa Irmiya khabbar al‑chaʼab wa gaal leehum kadar al‑Baabiliyiin yaju yihaasuru Madiinat al‑Khudus wa yichiiluuha wa ardaha kula. Wa l‑naas ma saddago kalaamah wa taʼʼabooh. Wa be da kula, kalaamah kula ke alhaggag misil hu gaalah. Malik Baabil ja wa haarabaahum wa dammar Madiinat al‑Khudus wa harrag beet Allah wa wadda al‑chaʼab fi l‑khurba.
Wa fi l‑aakhir, al‑kitaab da yihajji be muhaakamat Allah le Baabil wa umam aakhariin. Wa laakin be da kula, chaʼab Allah induhum acham. Wa l‑acham da, Allah yigabbilhum min al‑khurba wa yisabbithum fi arduhum battaan wa yantiihum al‑raaha. Wa Allah yigawwim naadum saalih min zurriiyit Dawuud. Wa hu yidarrijah malik fi chaʼabah wa yahkim be hikma wa yijiib al‑hagg wa l‑adaala fi kulla l‑balad.