Al‑insaan ma yisaawi cheyy
25
1 Wa Bildad al‑min Chuuha chaal al‑kalaam wa gaal :
2 Al‑Rabb hu al‑malik al‑mukhiif
wa hu al‑yahkim be l‑salaam fi l‑aʼaali.
3 Hal khuwwaatah binhasbu walla ?
Wa fi yaatu,
nuurah ma yidawwi ?
4 Wa be da kula,
kikkeef al‑insaan
yisawwi nafsah saalih giddaam al‑Rabb ?
Wa kikkeef al‑jaabatah mara
yabga saafi giddaamah ?
5 Kan al‑gamar kula
ma indah nuur giddaamah
wa l‑nujuum kula
ma waadhiin fi uyuunah,
6 kikkeef yukuun al‑insaan al‑misil rimme
wa ibn al‑insaan al‑misil duud al‑turaab ?