Kitaab Astiir
min Kutub Taariikh Bani Israaʼiil
Mugaddima
Kitaab Astiir yihajji be l‑taariikh al‑kaan fi wakit hukum mamlakat Faaris min balad al‑Hind fi l‑sabaah lahaddi balad al‑Habacha fi l‑kharib. Wa fi l‑wakit daak, al‑Yahuud al‑karaboohum wa waddoohum fi l‑khurba fi Baabil aaychiin hasab gawaaniinhum wa aadaathum hatta kan humman fi lubb al‑chuʼuub al‑aakhariin kula.
Wa l‑kitaab da yihajji be bitt waahide usumha Astiir al‑hi Yahuudiiye. Wa yihajji be kikkeef Astiir di bigat malika fi balad Faaris. Wa fi l‑wakit da, fiyah naadum waahid usmah Hamaan al‑hu adu al‑Yahuud. Wa hu gamma be muʼaamara le yidammirhum wa laakin Astiir gidrat leyah wa najjat chaʼabha min Hamaan adu al‑Yahuud wa gabbalat leyah damaarah fi raasah.
Wa da l‑kitaab al‑waahid min kulla l‑kutub al‑mukhaddasiin al‑foogah usum Allah ma fiih. Laakin be da kula, aʼmaalah Allah gaaʼidiin binchaafo. Wa l‑kitaab yiwassifna kadar kan naadum fi l‑diige yasʼal Allah, Allah yijiib leyah al‑faraj.