Jahhazo le yahfado Madiinat al‑Khudus
7
1 Wakit buna al‑durdur kammal khalaas wa rakkabna biibaanah,
khatteena hurraas al‑biibaan.
Wa l‑khannaayiin wa l‑Laawiyiin kula,
khatteenaahum fi bakaanaathum.
2 Wa ana kallaft akhuuyi Hanaani kabiir fi Madiinat al‑Khudus wa maʼaayah Hananya masʼuul fi l‑gasir.
Wa hu raajil amiin wa bakhaaf al‑Rabb ziyaada min al‑naas al‑aakhariin.
3 Wa gult leehum :
« Ma taftaho al‑biibaan hana Madiinat al‑Khudus illa kan al‑harraay tatlaʼ foog.
Wa waajib le l‑hurraas hana l‑nahaar yiʼakkudu kadar ayyi baab saddooh be guful gubbaal ma yufuutu be makhrib.
Wa waajib tukhuttu hurraas min sukkaan al‑madiina,
waahidiin fi l‑bakaanaat al‑waajib yaharsuuhum wa waahidiin kamaan yaharsu jamb buyuuthum. »
Al‑naas al‑gabbalo min al‑khurba
4 Al‑madiina kabiire wa wasiiʼe wa laakin al‑sukkaan al‑gaaʼidiin foogha chiyya wa buyuutha kula lissaaʼ ma kammalo bunaahum.
5 Wa Ilaahi ooraani kadar nilimm al‑kubaaraat wa l‑masʼuuliin wa l‑chaʼab wa nisajjilhum.
Wa ana ligiit kitaab al‑sajjalo foogah asaame al‑naas al‑waddoohum fi l‑khurba wa gabbalo gubbaalna wa daahu al‑asaame al‑musajjaliin foogah min awwal.
6 Awwal Nabuukhadnasar malik Baabil karab naas min balad Yahuuza wa waddaahum fi l‑khurba.
Wa baʼad amur al‑malik Kuurach,
humman gabbalo fi Madiinat al‑Khudus wa fi balad Yahuuza,
ayyi waahid fi madiintah.
7 Wa l‑naas dool jo maʼa Zarubaabil wa Yachuuʼ wa Nahamya wa Azarya wa Raʼamya wa Nahamaani wa Mardakaay wa Bilchaan wa Misfaarat wa Bigwaay wa Nahuum wa Baʼana.
Daahu adad rujaal Bani Israaʼiil.
8 Zurriiyit Farʼuuch adadhum 2 172 raajil.
9 Wa zurriiyit Chafatya adadhum 372 raajil.
10 Wa zurriiyit Aarah adadhum 652 raajil.
11 Wa zurriiyit Fahat Muwaab marago min Bani Yachuuʼ wa Bani Yuwaab wa adadhum 2 818 raajil.
12 Wa zurriiyit Ilaam adadhum 1 254 raajil.
13 Wa zurriiyit Zattu adadhum 845 raajil.
14 Wa zurriiyit Zakkaay adadhum 760 raajil.
15 Wa zurriiyit Binuuwi adadhum 648 raajil.
16 Wa zurriiyit Babaay adadhum 628 raajil.
17 Wa zurriiyit Azgad adadhum 2 322 raajil.
18 Wa zurriiyit Adunikhaam adadhum 667 raajil.
19 Wa zurriiyit Bigwaay adadhum 2 067 raajil.
20 Wa zurriiyit Adiin adadhum 655 raajil.
21 Wa zurriiyit Atiir marago min Bani Hizkhiiya wa adadhum 98 raajil.
22 Wa zurriiyit Hachum adadhum 328 raajil.
23 Wa zurriiyit Bisaay adadhum 324 raajil.
24 Wa zurriiyit Hariif adadhum 112 raajil.
25 Wa zurriiyit Gibʼuun adadhum 95 raajil.
26 Wa rujaal hillit Beet Laham wa hillit Natuufa adadhum 188 raajil.
27 Wa rujaal hillit Anatuut adadhum 128 raajil.
28 Wa rujaal hillit Beet Azmaawat adadhum 42 raajil.
29 Wa rujaal hillit Kharyat Yaʼariim wa hillit Kafiira wa hillit Biiruut adadhum 743 raajil.
30 Wa rujaal hillit al‑Raama wa hillit Gabaʼ adadhum 621 raajil.
31 Wa rujaal hillit Mikmaach adadhum 122 raajil.
32 Wa rujaal hillit Beet Iil wa hillit Aay adadhum 123 raajil.
33 Wa rujaal hillit Nabu al‑aakhara adadhum 52 raajil.
34 Wa zurriiyit Ilaam al‑aakhar adadhum 1 254 raajil.
35 Wa zurriiyit Hariim adadhum 320 raajil.
36 Wa rujaal hillit Ariiha adadhum 345 raajil.
37 Wa rujaal hillit Luud wa hillit Hadiid wa hillit Uunu adadhum 721 raajil.
38 Wa rujaal hillit Saana adadhum 3 930 raajil.
39 Daahu adad rujaal al‑diin.
Min zurriiyit Yadaʼya marago aayilat Yachuuʼ wa adadhum 973 raajil.
40 Wa zurriiyit Immiir adadhum 1 052 raajil.
41 Wa zurriiyit Fachhuur adadhum 1 247 raajil.
42 Wa zurriiyit Hariim adadhum 1 017 raajil.
43 Wa l‑Laawiyiin min zurriiyit Yachuuʼ wa zurriiyit Khadmiyiil wa zurriiyit Binuuwi wa zurriiyit Hudawya wa kulluhum adadhum 74 raajil.
44 Daahu al‑khannaayiin hana beet Allah.
Humman min zurriiyit Asaaf wa adadhum 148 raajil.
45 Daahu hurraas al‑biibaan hana beet Allah.
Humman min zurriiyit Challuum wa Atiir wa Talmuun wa Akhuub wa Hatiit wa Chubaay wa kulluhum adadhum 138 raajil.
46 Daahu khaddaamiin beet Allah.
Humman min zurriiyit Siiha wa Hasuuf wa Tabbaʼuut
47 wa Khiirus wa Siiʼa wa Faduun
48 wa Labaan wa Hagaaba wa Chalmaay
49 wa Hanaan wa Giddiil wa Gahar
50 wa Raaya wa Rasiin wa Naguuda
51 wa Gazzaam wa Uzza wa Faasih
52 wa Bisaay wa Maʼuuniim wa Nafuusiim
53 wa Bakhbuukh wa Haguufa wa Harhuur
54 wa Basluut wa Mahiid wa Harcha
55 wa Barkhuus wa Siisra wa Taamah
56 wa Nasiih wa Hatiifa.
57 Daahu zurriiyit abiid al‑malik Suleymaan.
Humman min zurriiyit Sutaay wa Sufarat wa Fariid
58 wa Yaaʼla wa Darkhuun wa Giddiil
59 wa Chafatya wa Hattiil wa Fukarat Hassabaayim wa Aamuun.
60 Wa zurriiyit khaddaamiin beet Allah wa zurriiyit abiid al‑malik Suleymaan,
kulluhum adadhum 392 raajil.
61 Wa laakin al‑naas al‑jo min hillit Hajar Mileh wa min hillit Hajar Harcha wa min hillit Karuub Adduun wa min hillit Immiir,
humman ma gidro nasabo juduudhum wa la gidro jaabo daliil kadar humman maargiin min Bani Israaʼiil.
62 Wa humman dool min zurriiyit Dalaaya wa zurriiyit Tuubiiya wa zurriiyit Naguuda wa kulluhum adadhum 642 raajil.
63 Wa waahidiin min rujaal al‑diin min zurriiyit Habaaya wa zurriiyit Hagguus wa zurriiyit Barzillaay kula ma gidro nasabo juduudhum.
Al‑naadum al‑maʼruuf be usum Barzillaay kamaan,
hu akhad min banaat Barzillaay al‑min turaab Gilʼaad wa achaan da bas,
sammooh be usum nasiibah.
64 Rujaal al‑diin dool fattacho asaame juduudhum fi kutub al‑tasjiil wa ma ligoohum.
Achaan da,
al‑naas jaʼaloohum nijsiin wa daharoohum ma yakhdumu khidmit rujaal al‑diin.
65 Wa l‑waali zaatah daharaahum ma yaakulu min al‑akil al‑mukhaddas lahaddi waahid min rujaal al‑diin yaji yasʼal leehum Allah be l‑Uriim wa l‑Tummiim.
66 Wa khalaas,
kulla l‑chaʼab al‑gabbalo min al‑khurba adadhum 42 360 raajil.
67 Wa da bala abiidhum wa khadiimhum al‑adadhum 7 337 naas.
Wa fi awiin wa rujaal al‑yikhannu le Allah wa adadhum 245 naas.
68 Wa induhum 736 kheel wa 245 bikhaal
69 *wa 435 jumaal wa 6 720 hamiir.
70 Wa waahidiin min kubaaraat hana khuchuum al‑buyuut gammo anto atiiye le l‑buna hana beet Allah.
Al‑waali anta 1 000 jineeh hana dahab wa 50 kaas al‑yakhdumu beehum fi beet Allah wa 530 khalag hana rujaal diin wa khattaahum fi l‑makhaazin hana beet Allah.
71 Wa kubaaraat hana khuchuum buyuut aakhariin kula jaabo 20 000 jineeh hana dahab wa 45 000 hajar fudda wa antoohum le l‑khidme.
72 Wa waahidiin min al‑chaʼab kula lammo 20 000 jineeh hana dahab wa 41 000 hajar fudda wa 67 khalag hana rujaal diin.
73 Wa be misil da,
rujaal al‑diin wa l‑Laawiyiin wa hurraas al‑biibaan hana beet Allah wa l‑khannaayiin wa waahidiin min al‑chaʼab misil al‑khaddaamiin hana beet Allah wa kulla Bani Israaʼiil al‑baagyiin,
dool kulluhum gabbalo wa jo sakano fi mudunhum.
Wa misil da wakit al‑chahar al‑saabiʼ ja,
kulla Bani Israaʼiil gaaʼidiin fi mudunhum.