Buna durdur Madiinat al‑Khudus
3
1 Alyaachib kabiir rujaal al‑diin gamma be khidmit al‑buna maʼa naasah rujaal al‑diin al‑aakhariin.
Humman bano khachum baab al‑durdur al‑binaaduuh baab al‑Khanam wa khassasooh wa rakkabo baabah.
Wa gaaʼidiin yabnu fi l‑durdur lahaddi jo lihgo al‑beet al‑muraakhaba al‑binaaduuh Miya wa khassasooh.
Wa battaan gaaʼidiin yabnu lahaddi lihgo beet al‑muraakhaba hana Hananiil.
2 Wa jamb rujaal al‑diin,
rujaal hillit Ariiha kula gaaʼidiin yabnu fi l‑durdur da wa Zakkuur wileed Imri gaaʼid yabni jambuhum.
3 Wa naas hillit Saana bano khachum al‑baab al‑binaaduuh baab al‑Huut wa rakkabo al‑baab be tarbaazah wa gufulah.
4 Wa Marimuut wileed Uriiya wileed wileedah le Hagguus gaaʼid yabni jambuhum.
Wa jambah,
Machullam wileed Barakya wileed wileedah le Machizabiil gaaʼid yabni.
Wa jambah,
Saduukh wileed Baʼana gaaʼid yabni.
5 Wa jambah,
naas hillit Takhuuʼa gaaʼidiin yabnu wa laakin kubaaraathum abo ma yichaaruku fi l‑khidme achaan ma yihtarumu al‑naas al‑masʼuuliin fi l‑buna.
6 Wa Yuyaadaaʼ wileed Faasih wa Machullam wileed Basuudya,
humman bas addalo al‑baab al‑Gadiim wa rakkabo al‑baab be tarbaazah wa gufulah.
7 Wa jambuhum Malatya al‑min hillit Gibʼuun wa Yaduun al‑min hillit Miruunuut wa maʼaahum naas hillit Gibʼuun wa hillit Misfa wa humman gaaʼidiin yabnu be izin haakim al‑mantaga al‑gaaʼide kharib le bahar al‑Furaat.
8 Wa jambuhum,
Uzziyiil wileed Harhaaya al‑sayyaakhi gaaʼid yabni al‑durdur wa jambah Hananya siid al‑itir.
Wa be misil da,
humman gaaʼidiin yabnu durdur Madiinat al‑Khudus lahaddi lihgo bakaan al‑binaaduuh al‑durdur al‑Wasiiʼ.
9 Wa jambuhum Rafaaya wileed Huur al‑hu kabiir fi nuss al‑turaab hana Madiinat al‑Khudus wa hu kula gaaʼid yabni.
10 Wa jambah,
Yadaaya wileed Harumaaf gaaʼid yabni al‑durdur al‑mugaabil maʼa beetah.
Wa jambah,
Hattuuch wileed Hachabniya kula gaaʼid yabni.
11 Wa Malkiiya wileed Hariim wa Hachuub wileed Fahat Muwaab kamaan gaaʼidiin yiʼaddulu al‑nuss al‑aakhar hana l‑durdur wa beet al‑muraakhaba al‑binaaduuh al‑Furun.
12 Wa jambuhum,
Challuum kula gaaʼid yiʼaddil maʼa banaatah.
Wa hu da wileed Haluuhiich wa kabiir fi l‑nuss al‑aakhar hana turaab Madiinat al‑Khudus.
13 Wa Hanuun maʼa naas hillit Zanuuh addalo baab al‑Waadi wa rakkabo al‑baab be tarbaazah wa gufulah.
Wa gaaʼidiin yabnu al‑durdur lahaddi tuulah tamma nuss kiilomitir wa lihgo baab al‑Zibaala.
14 Wa kan le baab al‑Zibaala kamaan,
Malkiiya wileed Rikaab al‑hu kabiir fi turaab hillit Beet Karam,
hu bas addalah wa rakkab al‑baab be tarbaazah wa gufulah.
15 Wa le khachum al‑baab al‑binaaduuh Een Almi kamaan,
al‑addalah Challuun wileed Kulhuuza kabiir fi turaab hillit Misfa.
Wa Challuun bana khachum al‑baab da wa sawwa leyah raas wa rakkab al‑baab be tarbaazah wa gufulah.
Wa battaan addal al‑durdur al‑maachi min al‑rahad al‑binaaduuh Silwaam lahaddi jineenit al‑malik wa lahaddi l‑derib al‑bidalli be atabaat min madiinat Dawuud.
16 Wa jambah,
Nahamya wileed Azbuukh al‑hu kabiir fi nuss al‑turaab hana hillit Beet Suur gaaʼid yabni al‑durdur lahaddi mugaabil le makhaabir aayilat al‑malik Dawuud wa lahaddi l‑rahad al‑nakatooh al‑naas wa lahaddi beet furraas al‑malik.
17 Wa jambah,
al‑Laawiyiin gaaʼidiin yabnu al‑durdur.
Rahuum wileed Baani gaaʼid yabni wa jambah Hachabya al‑hu kabiir fi nuss al‑turaab hana hillit Khaʼiila wa hu gaaʼid yabni be usum naas hillitah.
18 Wa jambah,
akhwaanah gaaʼidiin yabnu wa maʼaahum Binuuwi wileed Hinadaad al‑hu kabiir fi l‑nuss al‑aakhar hana turaab hillit Khaʼiila.
19 Wa jambah Izaar wileed Yachuuʼ al‑hu kabiir hillit Misfa wa hu gaaʼid yiʼaddil al‑nuss al‑aakhar hana l‑durdur min al‑bakaan al‑mugaabil al‑derib al‑batlaʼ le beet al‑silaah lahaddi ale l‑bakaan al‑mukhawwas hana l‑durdur.
20 Wa jambah kamaan Baruuk wileed Zabbaay wa hu kula gaaʼid yiʼaddil al‑nuss al‑aakhar be niiye waahide min al‑bakaan al‑mukhawwas da lahaddi khachum al‑baab hana beet Alyaachib kabiir rujaal al‑diin.
21 Wa jambah Marimuut wileed Uriiya wileed wileedah le Hagguus wa hu gaaʼid yiʼaddil al‑nuss al‑aakhar hana l‑durdur min khachum derib beet Alyaachib lahaddi fi aakhir al‑beet.
22 Wa jambah rujaal al‑diin al‑jo min hillaal al‑hawaale Madiinat al‑Khudus wa humman kula gaaʼidiin yiʼaddulu.
23 Wa jambuhum Banyaamiin maʼa Hachuub wa humman gaaʼidiin yabnu al‑durdur al‑mugaabil beethum.
Wa jambuhum Azarya wileed Maʼasiiya wileed wileedah le Ananya wa hu gaaʼid yabni jamb beetah.
24 Wa jambah Binuuwi wileed Hinadaad wa hu gaaʼid yiʼaddil al‑nuss al‑aakhar hana l‑durdur min beet Azarya lahaddi l‑rukun al‑mukhawwas.
25 Wa Falaal wileed Uzaay gaaʼid yabni al‑durdur min al‑bakaan al‑mukhawwas da wa min beet al‑muraakhaba al‑mukhawwas hana fadaayit al‑hurraas hana gasir al‑malik.
Wa jambah Fadaaya wileed Farʼuuch.
26 Wa l‑khaddaamiin hana beet Allah al‑saakniin fi haarat Ufal gaaʼidiin yabnu al‑durdur lahaddi baab al‑Almi al‑gaaʼid be l‑nuss al‑sabhaani wa lahaddi beet al‑muraakhaba al‑mukhawwas.
27 Wa jambuhum,
naas hillit Takhuuʼa gaaʼidiin yiʼaddulu al‑nuss al‑aakhar hana l‑durdur min al‑bakaan al‑mugaabil beet al‑muraakhaba al‑mukhawwas lahaddi wassalo fi l‑durdur hana haarat Ufal.
28 Wa min baab al‑Kheel,
rujaal al‑diin gaaʼidiin yabnu al‑durdur,
ayyi waahid mugaabil beetah.
29 Wa jambuhum,
Saduukh wileed Immiir gaaʼid yabni al‑durdur al‑mugaabil beetah.
Wa jambah Chamaʼya wileed Chakanya al‑hu haaris khachum al‑baab al‑sabhaani.
30 Wa jambah Hananya wileed Chalamya wa Hanuun wileed al‑saadis hana Salaaf wa humman dool gaaʼidiin yiʼaddulu al‑nuss al‑aakhar hana l‑durdur.
Wa jambuhum,
Machullam wileed Barakya gaaʼid yiʼaddil al‑durdur al‑mugaabil khurfitah.
31 Wa jambah,
Malkiiya al‑sayyaakhi gaaʼid yabni al‑durdur min al‑bakaan al‑mugaabil khachum al‑baab al‑binaaduuh Mifkhad lahaddi l‑beet al‑gaaʼid foog fi l‑rukun wa lahaddi beet al‑khaddaamiin hana beet Allah wa l‑tujjaar.
32 Wa l‑sayyaakhiin wa l‑tujjaar gaaʼidiin yiʼaddulu min al‑beet al‑gaaʼid foog fi l‑rukun da lahaddi baab al‑Khanam.