Al‑kitaab al‑awwal hana
al‑Muluuk
min Kutub Taariikh Bani Israaʼiil
Mugaddima
Al‑kutub al‑itneen hana l‑Muluuk, zamaan humman kitaab waahid bas wa baʼad da, gassamo kutub itneen wa sammoohum 1 Muluuk wa 2 Muluuk.
Wa kitaab 1 Muluuk yikallim be hukum al‑malik Suleymaan wileed Dawuud. Hu bigi malik wa bana beet Allah wa gasir al‑malik fi Madiinat al‑Khudus. Wa fi akhiir hayaatah, hu aba Allah wa taabaʼ al‑asnaam. Wa baʼad hukmah kammal, al‑mamlaka angasamat mamaalik itneen wa humman mamlakat Yahuuza fi l‑junuub wa mamlakat Israaʼiil fi l‑munchaakh. Wa l‑mamaalik dool gaʼado mungasimiin le mudda tisaawi miiteen sana.
Wa l‑kitaab da yikallim be l‑muluuk al‑hakamo fi l‑mamaalik al‑itneen dool wa aʼmaalhum wa huruubhum wa hukumhum. Wa waahidiin minhum abo Allah wa taabaʼo al‑asnaam. Wa Allah rassal al‑nabi Iliyaas didd anbiya al‑asnaam wa beyah hu, Allah wassaf gudurtah.
Wa l‑kitaab da yiwassif leena kadar waajib ayyi malik yitaabiʼ Allah wa yahkim be l‑adil wa ma yitaabiʼ al‑asnaam.