Al‑najaasa al‑tamrug min farj al‑raajil
15
1 Wa Allah hajja le Muusa wa Haaruun wa gaal :
2 Hajju le Bani Israaʼiil wa guulu leehum :
« Ayyi raajil al‑indah bajal,
hu nijis.
3 Wa l‑bajal da,
kan yisiil aw ma yisiil kula,
al‑naadum da nijis.
4 Ayyi sariir al‑yargud foogah al‑raajil al‑mubajjil nijis wa ayyi cheyy al‑yagood foogah kula nijis.
5 Wa l‑naadum al‑yalmas sariirah,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
6 Wa ayyi naadum al‑yagood fi cheyy al‑gaʼad foogah al‑naadum al‑mubajjil,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
7 Wa ayyi naadum al‑yalmas al‑naadum al‑mubajjil,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
8 Wa kan al‑raajil al‑mubajjil yabzukh fi naadum taahir,
al‑naadum da waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
9 Wa ayyi sarj al‑yarkab foogah al‑naadum al‑mubajjil yukuun nijis.
10 Wa ayyi naadum al‑yalmas ayyi cheyy al‑gaaʼid tihit al‑naadum al‑mubajjil yukuun nijis lahaddi l‑achiiye.
Wa l‑naadum al‑yichiil al‑achya dool,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
11 Wa kan al‑naadum al‑mubajjil yalmas ayyi naadum gubbaal ma yikhassil iideenah be almi,
waajib al‑naadum da yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
12 Wa l‑maaʼuun hana l‑tiine al‑lammasah al‑naadum al‑mubajjil,
waajib yikassuruuh.
Wa ayyi maaʼuun hana hatab,
waajib yikhassuluuh be almi.
13 « Wa wakit al‑naadum al‑mubajjil yittahhar min bajalah,
waajib yahsib sabʼa yoom le tihaartah wa yikhassil khulgaanah wa yilbarrad be almi nadiif.
Wa baʼad da,
yabga taahir.
14 Wa fi l‑yoom al‑taamin,
hu yichiil itneen gimri aw itneen hamaam wa yamchi fi madkhal kheemat al‑ijtimaaʼ giddaam Allah wa yantiih le raajil al‑diin.
15 Wa raajil al‑diin yigaddim al‑waahide dahiiye le kaffaarat al‑zanib wa l‑aakhara dahiiye muharraga.
Wa hu yisawwi leyah kaffaara giddaam Allah fi chaan bajalah.
16 « Wa kan naadum marag minnah mani,
waajib yilbarrad.
Wa be da kula,
yukuun nijis lahaddi l‑achiiye.
17 Wa ayyi khalag aw ayyi farwa al‑yalmasha mani,
yikhassuluuha be almi wa be da kula,
tukuun nijse lahaddi l‑achiiye.
18 Wa kan raajil ragad maʼa mara,
humman al‑itneen waajib yilbarrado.
Wa be da kula,
yukuunu nijsiin lahaddi l‑achiiye.
Al‑najaasa al‑tamrug min farj al‑mara
19 « Wa kan mara indaha heed wa l‑damm gaaʼid yisiil minha,
hi tagood sabʼa yoom fi heedha.
Wa ayyi naadum al‑yalmasha yukuun nijis lahaddi l‑achiiye.
20 Wa fi wakit heedha,
ayyi sariir al‑targud foogah yukuun nijis wa ayyi cheyy al‑tagood foogah yukuun nijis.
21 Wa ayyi naadum al‑yalmas sariirha,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
22 Wa ayyi naadum al‑yalmas al‑cheyy al‑hi gaʼadat foogah,
waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
23 Wa kan fi cheyy fi sariirha aw fi cheyy al‑hi gaʼadat foogah,
al‑naadum al‑yalmasah yukuun nijis lahaddi l‑achiiye.
24 Wa kan raajil yargud maʼa mara wa fi nafs al‑wakit heedha ja leeha wa l‑damm limis al‑raajil,
hu yukuun nijis lahaddi sabʼa yoom.
Wa ayyi sariir al‑yargud foogah yukuun nijis.
25 « Wa kan mara indaha dimmiiye aw heedha yiʼakhkhir foogha ziyaada min al‑wakit al‑waajib leeha,
hi tukuun nijse fi kulla l‑mudda di.
Wa di misil najaasitha fi kulla ayyaam heedha al‑tabiiʼi.
26 Wa wakit hi indaha dimmiiye,
ayyi sariir al‑targud foogah wa ayyi cheyy al‑tagood foogah yukuun nijis misil fi ayyaam heedha al‑tabiiʼi.
27 Wa ayyi naadum al‑yalmashum yukuun nijis wa waajib yikhassil khulgaanah wa yilbarrad.
Wa be da kula,
yukuun nijis lahaddi l‑achiiye.
28 « Wa kan dimmiiyitha wagafat,
waajib tahsib sabʼa yoom wa baʼad da,
tabga taahire.
29 Wa fi l‑yoom al‑taamin,
hi tichiil gimri itneen aw hamaam itneen wa tiwaddiih le raajil al‑diin fi madkhal kheemat al‑ijtimaaʼ.
30 Wa raajil al‑diin yigaddim al‑waahide dahiiye le kaffaarat al‑zanib wa l‑aakhara dahiiye muharraga.
Wa hu yisawwi leeha kaffaara giddaam Allah fi chaan dimmiiyitha al‑najjasatha. »
31 Ya Muusa wa Haaruun !
Adharo Bani Israaʼiil ma yigarrubu le l‑bakaan al‑mukhaddas wakit humman nijsiin.
Wa da,
achaan ma yinajjusu kheemti al‑mukhaddasa al‑fi usuthum wa yumuutu be sabab najaasithum.