سُكّان مدينة القدس
٩
١ وَ كُلَّ بَنِي إِسْرَائِيلْ حَسَبَوْهُمْ وَ سَجَّلَوْا أُسُمْهُمْ فِي كِتَابْ مُلُوكْ بَنِي إِسْرَائِيلْ.
وَ نَاسْ بَنِي يَهُوذَا وَدَّوْهُمْ فِي الْغُرْبَةْ فِي بَلَدْ بَابِلْ أَشَانْ عِصَوْا اللّٰهْ.
٢ وَ أَوَّلْ نَاسْ الْقَبَّلَوْا مِنْ الْغُرْبَةْ وَ جَوْا فِي حِلَّالْهُمْ أَرْض وَرَثَتْهُمْ،
هُمَّنْ نَاسْ مِنْ بَنِي إِسْرَائِيلْ رُجَالْ الدِّينْ اللَّاوِيِّينْ وَ الْخَدَّامِينْ هَنَا بَيْت اللّٰهْ.*
٣ وَ النَّاسْ الْجَوْا وَ سَكَنَوْا فِي مَدِينَةْ الْقُدُسْ،
هُمَّنْ مِنْ قَبَايِلْ يَهُوذَا وَ بَنْيَامِينْ وَ أَفْرَايِمْ وَ مَنَسَّى.
٤ وَ مِنْ قَبِيلَةْ يَهُوذَا،
جَاءْ عُتَايْ وِلَيْد عَمِهُودْ وِلَيْد عُمْرِي وِلَيْد إِمْرِي وِلَيْد بَانِي مِنْ خَشُمْ بَيْت فَارِصْ وِلَيْد يَهُوذَا.
٥ وَ مِنْ خَشُمْ بَيْت شِيلَوْه،
جَاءْ عَسَايَا وِلَيْد الْبِكِرْ هَنَا عَايِلْتَهْ وَ عِيَالَهْ.
٦ وَ مِنْ خَشُمْ بَيْت زَارَحْ،
جَاءْ يَعُوِيلْ.
وَ كُلَّ النَّاسْ الْمِنْ قَبِيلَةْ يَهُوذَا السَّكَنَوْا فِي مَدِينَةْ الْقُدُسْ،
عَدَدْهُمْ 690.
٧ وَ مِنْ قَبِيلَةْ بَنْيَامِينْ فِيَّهْ
سَلُّو وِلَيْد مَشُلَّامْ وِلَيْد هُدَوْيَا وِلَيْد هَسْنُو
٨ وَ يِبْنِيَا وِلَيْد يَرُوحَامْ
وَ إِيلَى وِلَيْد عُزِّي وِلَيْد مِكْرِي
وَ مَشُلَّامْ وِلَيْد شَفَطْيَا وِلَيْد رَعُوِيلْ وِلَيْد يِبْنِيَّا.
٩ وَ كُلَّ النَّاسْ الْمِنْ قَبِيلَةْ بَنْيَامِينْ السَّكَنَوْا فِي مَدِينَةْ الْقُدُسْ،
عَدَدْهُمْ 956.
وَ كُلَّ النَّاسْ دَوْل،
أَيِّ وَاحِدْ كَبِيرْ فِي عَايِلْتَهْ.
١٠ وَ مِنْ رُجَالْ الدِّينْ فِيَّهْ
يَدَعْيَا
وَ يُيَارِبْ
وَ يَاكِينْ
١١ وَ عَزَرْيَا وِلَيْد حِلْقِيَّا وِلَيْد مَشُلَّامْ وِلَيْد صَدُوقْ وِلَيْد مَرَيُوتْ وِلَيْد أَخِطُوبْ وَ هُو مَسْؤُولْ فِي بَيْت اللّٰهْ
١٢ وَ عَدَايَا وِلَيْد يَرُوحَامْ وِلَيْد فَشْحُورْ وِلَيْد مَلْكِيَّا
وَ مَعَسَايْ وِلَيْد عَدِيِيلْ وِلَيْد يَحْزِيرَا وِلَيْد مَشُلَّامْ وِلَيْد مَشِلِّمُوتْ وِلَيْد إِمِّيرْ.
١٣ وَ مَعَ أَخْوَانْهُمْ رُجَالْ الدِّينْ الْآخَرِينْ،
النَّاسْ دَوْل كُبَارَاتْ فِي عَايِلَاتْهُمْ وَ عَدَدْهُمْ 1 760 رُجَالْ قَادْرِينْ فِي خِدْمَةْ بَيْت اللّٰهْ.
١٤ وَ مِنْ اللَّاوِيِّينْ فِيَّهْ
شَمَعْيَا وِلَيْد حَشُوبْ وِلَيْد عَزْرِقَامْ وِلَيْد حَشَبْيَا مِنْ ذُرِّيَّةْ مَرَارِي
١٥ وَ بَقْبَقَرْ
وَ حَرَاشْ
وَ قَلَالْ
وَ مَتَّنْيَا وِلَيْد مِيكَا وِلَيْد زِكْرِي وِلَيْد أَسَافْ
١٦ وَ عُبَدْيَا وِلَيْد شَمَعْيَا وِلَيْد قَلَالْ وِلَيْد يَدُوتُونْ
وَ بَرَكْيَا وِلَيْد آسَا وِلَيْد أَلِقَانَى.
وَ أَلِقَانَى سَكَنْ فِي الْحِلَّالْ التَّابْعِينْ مَدِينَةْ نَطُوفَا.
١٧ وَ مِنْ حُرَّاسْ الْبِيبَانْ فِيَّهْ شَلُّومْ الْمَسْؤُولْ وَ عَقُوبْ وَ طَلْمُونْ وَ أَخِمَانْ وَ أَخْوَانْهُمْ.
١٨ وَ لَحَدِّي الْيَوْم كُلَ،
ذُرِّيِّتْهُمْ بَسْ قَاعِدَةْ تَحْرِسْ الْبَابْ الصَّبْحَانِي هَنَا بَيْت اللّٰهْ الْبِنَادُوهْ بَابْ الْمَلِكْ.
وَ جُدُودْهُمْ بَسْ الزَّمَانْ حُرَّاسْ هَنَا فُرْقَانْ اللَّاوِيِّينْ.
١٩ وَ شَلُّومْ هُو وِلَيْد قُورِي وِلَيْد أَبِيَاسَفْ وِلَيْد قُورَحْ.
وَ هُو مَعَ أَخْوَانَهْ الْمِنْ ذُرِّيَّةْ قُورَحْ مَسْؤُولِينْ فِي خِدْمَةْ حُرَّاسْ مَدَخَلْ خَيْمَةْ الْإِجْتِمَاعْ.
وَ دَا مِثِلْ جُدُودْهُمْ أَوَّلْ كُلَ حُرَّاسْ فَرِيقْ شَعَبْ اللّٰهْ.
٢٠ وَ زَمَانْ فِينْحَاسْ وِلَيْد أَلِعَازَرْ،
هُو بَسْ كَبِيرْهُمْ وَ اللّٰهْ مَعَايَهْ.
٢١ وَ زَكَرِيَّا وِلَيْد مَشَلَامْيَا،
هُو بَسْ الْقَاعِدْ يَحْرِسْ بَابْ خَيْمَةْ الْإِجْتِمَاعْ.
٢٢ وَ الرُّجَالْ الْعَزَلَوْهُمْ حُرَّاسْ هَنَا الْبِيبَانْ عَدَدْهُمْ 212.
هُمَّنْ سَجَّلَوْهُمْ مِنْ حِلَّالْهُمْ الْوِلْدَوْهُمْ فَوْقهُمْ.
وَ دَاوُدْ وَ النَّبِي صَمُوِيلْ هُمَّنْ بَسْ الْكَلَّفَوْهُمْ بِالْخِدْمَةْ دِي دَايْماً.
٢٣ وَ هُمَّنْ وَ عِيَالْهُمْ حَفَضَوْا خِدْمَةْ حَفِضِينْ خَيْمَةْ الْإِجْتِمَاعْ وَ حَرَاسَةْ بِيبَانْ بَيْت اللّٰهْ.
٢٤ وَ الْحُرَّاسْ دَوْل قَاعِدِينْ فِي الْبِيبَانْ هَنَا الْأَرْبَعَةْ جِيهَةْ،
صَبَاحْ وَ غَرِبْ وَ وَطِي وَ مُنْشَاقْ.
٢٥ وَ أَخْوَانْهُمْ الْقَاعِدِينْ فِي حِلَّالْهُمْ يَجُوا لَيْهُمْ فِي كُلَّ وَكِتْ أَشَانْ يِسَاعُدُوهُمْ فِي الْحَرَاسَةْ لِمُدَّةْ سَبْعَةْ يَوْم.
٢٦ وَ لَاكِنْ الْكُبَارَاتْ الْأَرْبَعَةْ هَنَا الْحُرَّاسْ يَقْعُدُوا دَايْماً.
وَ اللَّاوِيِّينْ دَوْل مَسْؤُولِينْ فِي الْبُيُوتْ وَ الْمَخَازِنْ هَنَا بَيْت اللّٰهْ.
٢٧ هُمَّنْ يُنُومُوا حَوَالَيْ بَيْت اللّٰهْ أَشَانْ يَحْفَضَوْه وَ يَفْتَحَوْا الْبِيبَانْ كُلِّ صَبَاحْ.
٢٨ وَ وَاحِدِينْ مِنْ اللَّاوِيِّينْ مَسْؤُولِينْ فِي حِسَابْ مُعِدَّاتْ الْعِبَادَةْ وَكِتْ يِشِيلُوهُمْ وَ يِجِيبُوهُمْ.
٢٩ وَ وَاحِدِينْ مِنْهُمْ مَسْؤُولِينْ فِي كُلَّ الْمُعِدَّاتْ الْمُخَصَّصِينْ وَ فِي الدَّقِيقْ وَ الْخَمَرْ وَ الدِّهِنْ وَ الصَّمُغْ الْمُعَطَّرْ وَ الْعِطِرْ.
٣٠ وَ لَاكِنْ رُجَالْ الدِّينْ بَسْ يِخَلْبُطُوا الْعِطِرْ.
٣١ وَ مَتِّتْيَا،
هُو وَاحِدْ مِنْ اللَّاوِيِّينْ وَ هُو بِكِرْ شَلُّومْ مِنْ ذُرِّيَّةْ قُورَحْ.
هُو دَايْماً مَسْؤُولْ بِسَوِّيِّنْ الْكَعَكْ.
٣٢ وَ وَاحِدِينْ مِنْ اللَّاوِيِّينْ الْآخَرِينْ الْهُمَّنْ مِنْ ذُرِّيَّةْ قَهَاتْ،
هُمَّنْ دَوْل مَسْؤُولِينْ بِسَوِّيِّنْ الْخُبْزَةْ الْيِقَدُّمُوهَا لِلّٰهْ كُلِّ يَوْم سَبْت.
٣٣ وَ كُبَارَاتْ عَايِلَةْ اللَّاوِيِّينْ الْمُكَلَّفِينْ بِغِنَيْ،
خَطَّوْهُمْ فِي بُيُوتْ طَرَفْ وَ مَا أَنْطَوْهُمْ خِدْمَةْ آخَرَةْ أَشَانْ هُمَّنْ قَاعِدِينْ يَخْدُمُوا لَيْل وَ نَهَارْ.
٣٤ وَ دَوْل بَسْ كُبَارَاتْ عَايِلَةْ اللَّاوِيِّينْ أَيِّ وَاحِدْ حَسَبْ ذُرِّيّتَهْ.
وَ هُمَّنْ سَاكْنِينْ فِي مَدِينَةْ الْقُدُسْ.
ذُرّية شَاوُول
٣٥ وَ يَعِيِيلْ أَبُو قِبْعُونْ سَكَنْ فِي حِلَّةْ قِبْعُونْ مَعَ مَرْتَهْ الْأُسُمْهَا مَعَاكَةْ.
٣٦ وَ وِلَيْدَهْ الْبِكِرْ أُسْمَهْ عَبْدُونْ وَ أَوْلَادَهْ الْآخَرِينْ هُمَّنْ صُورْ وَ قِيشْ وَ بَعَلْ وَ نِيرْ وَ نَدَابْ
٣٧ وَ قَدُورْ وَ أَخْيُو وَ زَكَرِيَّا وَ مِقْلُوتْ.
٣٨ وَ مِقْلُوتْ وِلِدْ شِمَامْ.
وَ هُمَّنْ كُلَ سَكَنَوْا فِي أُورُشَلِيمْ مَعَ أَخْوَانْهُمْ الْمِنْ خَشُمْ بَيْتهُمْ.
٣٩ وَ نِيرْ وِلِدْ قِيشْ
وَ قِيشْ وِلِدْ شَاوُولْ
وَ شَاوُولْ وِلِدْ يُونَتَانْ وَ مَلْكِشُوعْ وَ أَبِنَدَابْ وَ إِشْبَعَلْ.
٤٠ وَ يُونَتَانْ وِلِدْ مَرِيبَعَلْ
وَ مَرِيبَعَلْ وِلِدْ مِيكَا.
٤١ وَ أَوْلَادْ مِيكَا هُمَّنْ فِيتُونْ وَ مَالِكْ وَ تَاحْرِعْ.
٤٢ وَ أَحَازْ وِلِدْ يَعَرَا
وَ يَعَرَا وِلِدْ عَلَمَاتْ وَ عَزْمَاوَتْ وَ زِمْرِي.
وَ زِمْرِي وِلِدْ مُصَّا.
٤٣ وَ مُصَّا وِلِدْ بِنْعَا
وَ بِنْعَا وِلِدْ رَفَايَا
وَ رَفَايَا وِلِدْ أَلْعَاسَى
وَ أَلْعَاسَى وِلِدْ أَصِيلْ.
٤٤ وَ أَصِيلْ وِلِدْ سِتَّةْ أَوْلَادْ وَ هُمَّنْ عَزْرِقَامْ وَ بُكْرُو وَ إِسْمَاعِيلْ وَ شَعَرْيَا وَ عُبَدْيَا وَ حَنَانْ.
وَ دَوْل كُلُّهُمْ أَوْلَادْ أَصِيلْ.