1 أخبار 8

ذُرّية بَنْيَامِين

١ وَ بَنْيَامِينْ وِلِدْ بَالَعْ الْبِكِرْ وَ أَشْبِيلْ التَّانِي وَ أَخْرَخْ التَّالِتْ ٢ وَ نُوحَا الرَّابِعْ وَ رَافَا الْخَامِسْ.

٣ وَ أَوْلَادْ بَالَعْ هُمَّنْ أَدَّارْ وَ قِيرَا وَ أَبِهُودْ ٤ وَ أَبِشُوعْ وَ نَعَمَانْ وَ أَخُوخْ ٥ وَ قِيرَا وَ شَفُوفَنْ وَ حُورَامْ.

٦ وَ دَاهُو أَوْلَادْ إِهُودْ الْبِقَوْا كُبَارَاتْ الْعَايِلَاتْ السَّاكْنِينْ فِي قَبَعْ وَ وَدَّوْا نَاسْهُمْ فِي الْغُرْبَةْ فِي مَنَاحَتْ. ٧ هُمَّنْ نَعَمَانْ وَ أَخِيَّا وَ قِيرَا. وَ قِيرَا هُو بَسْ كَبِيرْهُمْ الْوَدَّاهُمْ فِي الْغُرْبَةْ. وَ هُو وِلِدْ عُزَّى وَ أَخِحُودْ.

٨ وَ شَحَرَايِمْ طَرَدْ عَوِينَهْ الْإِتْنَيْن حُشِيمْ وَ بَعَرَةْ، وَ بَعَدْ دَا، وِلِدْ أَوْلَادْ فِي بَلَدْ مُوَابْ ٩ مِنْ مَرْتَهْ حُدَشْ. وَ عِيَالَهْ هُمَّنْ يُبَابْ وَ صِبْيَا وَ مِيشَا وَ مَلْكَامْ ١٠ وَ يَعُوصْ وَ سَاكْيَا وَ مِرْمَا. وَ دَوْل أَوْلَادْ شَحَرَايِمْ الْبِقَوْا كُبَارَاتْ الْعَايِلَاتْ. ١١ وَ قُبَّالْ دَا، شَحَرَايِمْ عِنْدَهْ أَوْلَادْ إِتْنَيْن وَ هُمَّنْ أَبِطُوبْ وَ أَلِفَاعَلْ مِنْ مَرْتَهْ حُشِيمْ.

١٢ وَ أَوْلَادْ أَلِفَاعَلْ هُمَّنْ عِبَارْ وَ مِشْعَامْ وَ شَامِرْ. وَ شَامِرْ بَنَى حِلَّةْ أُونُو وَ حِلَّةْ لُودْ وَ الْحِلَّالْ التَّابْعِينْ لَيْهَا.

١٣ بَرِيعَا وَ شَمَعْ هُمَّنْ كُبَارَاتْ الْعَايِلَاتْ السَّاكْنِينْ فِي أَيَّلُونْ. وَ هُمَّنْ بَسْ الطَّرَدَوْا سُكَّانْ قَاتْ.

١٤-١٦ وَ أَوْلَادْ بَرِيعَا هُمَّنْ أَخْيُو وَ شَاشَقْ وَ يَرِمُوتْ وَ زَبَدْيَا وَ عَرَادْ وَ عَدَارْ وَ مِكَايِيلْ وَ يِشْفَا وَ يُوحَا.

١٧-١٨ وَ أَوْلَادْ أَلِفَاعَلْ هُمَّنْ زَبَدْيَا وَ مَشُلَّامْ وَ حِزْقِي وَ حَابَرْ وَ يِشْمَرَايْ وَ يِزْلِيَّا وَ يُبَابْ.

١٩-٢١ وَ أَوْلَادْ شِمْعِي هُمَّنْ يَقِيمْ وَ زِكْرِي وَ زَبْدِي وَ أَلِعِنَايْ وَ صِلْتَايْ وَ أَلِيِيلْ وَ عَدَايَا وَ بَرَايَا وَ شِمْرَتْ.

٢٢-٢٥ وَ أَوْلَادْ شَاشَقْ هُمَّنْ يِشْفَانْ وَ عِبَارْ وَ أَلِيِيلْ وَ عَبْدُونْ وَ زِكْرِي وَ حَنَانْ وَ حَنَنْيَا وَ عِلَامْ وَ عَنْتُوتِيَا وَ يِفَدْيَا وَ فَنُوِيلْ.

٢٦-٢٧ وَ أَوْلَادْ يَرُوحَامْ هُمَّنْ شَمَشْرَايْ وَ شَحَرْيَا وَ عَتَلْيَا وَ يَعْرَشْيَا وَ إِيلِيَّا وَ زِكْرِي.

٢٨ وَ كُلُّهُمْ كُبَارَاتْ الْعَايِلَاتْ وَ أَيِّ وَاحِدْ بِقِي كَبِيرْ حَسَبْ ذُرِّيّتَهْ. وَ هُمَّنْ سَاكْنِينْ فِي أُورُشَلِيمْ.

٢٩ وَ أَبُو قِبْعُونْ سَكَنْ فِي حِلَّةْ قِبْعُونْ مَعَ مَرْتَهْ الْأُسُمْهَا مَعَاكَةْ. ٣٠ وَ وِلَيْدَهْ الْبِكِرْ أُسْمَهْ عَبْدُونْ وَ أَوْلَادَهْ الْآخَرِينْ هُمَّنْ صُورْ وَ قِيشْ وَ بَعَلْ وَ نِيرْ وَ نَدَابْ ٣١ وَ قَدُورْ وَ أَخْيُو وَ زَاكَرْ. ٣٢ وَ مِقْلُوتْ وِلِدْ شِمَا. وَ هُمَّنْ كُلَ سَكَنَوْا فِي أُورُشَلِيمْ مَعَ أَخْوَانْهُمْ الْمِنْ خَشُمْ بَيْتهُمْ.

ذُرّية شَاوُول

٣٣ وَ نِيرْ وِلِدْ قِيشْ

وَ قِيشْ وِلِدْ شَاوُولْ

وَ شَاوُولْ وِلِدْ يُونَتَانْ وَ مَلْكِشُوعْ وَ أَبِنَدَابْ وَ إِشْبَعَلْ.

٣٤ وَ يُونَتَانْ وِلِدْ مَرِيبَعَلْ

وَ مَرِيبَعَلْ وِلِدْ مِيكَا.

٣٥ وَ أَوْلَادْ مِيكَا هُمَّنْ فِيتُونْ وَ مَالِكْ وَ تَارَعْ وَ أَحَازْ.

٣٦ وَ أَحَازْ وِلِدْ يَهُعَادَا

وَ يَهُعَادَا وِلِدْ عَلَمَاتْ وَ عَزْمَاوَتْ وَ زِمْرِي.

وَ زِمْرِي وِلِدْ مُصَّا.

٣٧ وَ مُصَّا وِلِدْ بِنْعَا

وَ بِنْعَا وِلِدْ رَافَا

وَ رَافَا وِلِدْ أَلْعَاسَى

وَ أَلْعَاسَى وِلِدْ أَصِيلْ.

٣٨ وَ أَصِيلْ وِلِدْ سِتَّةْ أَوْلَادْ وَ هُمَّنْ عَزْرِقَامْ وَ بُكْرُو وَ إِسْمَاعِيلْ وَ شَعَرْيَا وَ عُبَدْيَا وَ حَنَانْ. وَ دَوْل كُلُّهُمْ أَوْلَادْ أَصِيلْ.

٣٩ وَ أَوْلَادْ عِيشَقْ أَخُو أَصِيلْ هُمَّنْ أُلَامْ الْبِكِرْ وَ يَعُوشْ التَّانِي وَ أَلِفَالَطْ التَّالِتْ.

٤٠ وَ أَوْلَادْ أُلَامْ هُمَّنْ رُجَالْ فُرَّاسْ وَ يَعَرْفُوا يَزُرْقُوا النُّشَّابْ. وَ هُمَّنْ عِنْدُهُمْ عِيَالْ وَ عِيَالْ الْعِيَالْ كَتِيرْ، فِي الْجُمْلَةْ 150.

وَ هُمَّنْ دَوْل كُلُّهُمْ كَيْ مِنْ ذُرِّيَّةْ بَنْيَامِينْ.