ذُرّية يَسَّاكَر
٧
١ وَ يَسَّاكَرْ عِنْدَهْ أَرْبَعَةْ أَوْلَادْ وَ هُمَّنْ تُولَعْ وَ فُوَّى وَ يَشُوبْ وَ شِمْرُونْ.
٢ وَ أَوْلَادْ تُولَعْ هُمَّنْ عُزِّي وَ رَفَايَا وَ يَرِيِيلْ وَ يَحْمَايْ وَ يِبْسَامْ وَ صَمُوِيلْ.
وَ هُمَّنْ دَوْل كُبَارَاتْ عَايِلَةْ تُولَعْ حَسَبْ ذُرِّيِّتْهُمْ.
وَ فِي وَكِتْ دَاوُدْ،
ذُرِّيِّتْهُمْ دِي عَدَدْهُمْ 22 600 رَاجِلْ فَارِسْ.
٣ وَ وِلَيْد عُزِّي هُو يِزْرَحْيَا.
وَ أَوْلَادْ يِزْرَحْيَا هُمَّنْ مِكَايِيلْ وَ عُبَدْيَا وَ يُوِيلْ وَ يِشِيَّا.
هُو وَ أَوْلَادَهْ عَدَدْهُمْ خَمْسَةْ وَ كُلُّهُمْ كُبَارَاتْ.
٤ وَ حَسَبْ ذُرِّيِّتْهُمْ عَايِلَاتْهُمْ عِنْدُهُمْ 36 000 عَسْكَرْ مُحَارِبِينْ أَشَانْ عِنْدُهُمْ عَوِينْ وَ عِيَالْ كَتِيرِينْ مَرَّةْ وَاحِدْ.
٥ وَ أَخْوَانْهُمْ الْآخَرِينْ الْمِنْ قَبِيلَةْ يَسَّاكَرْ السَّجَّلَوْهُمْ،
عَدَدْهُمْ 87 000 رَاجِلْ فَارِسْ.
ذُرّية بَنْيَامِين و نَفْتَالِي
٦ وَ بَنْيَامِينْ جَابْ أَوْلَادْ تَلَاتَةْ وَ هُمَّنْ بَالَعْ وَ بَاكَرْ وَ يَدِيَعِيلْ.
٧ وَ بَالَعْ جَابْ خَمْسَةْ أَوْلَادْ وَ هُمَّنْ أَصْبُونْ وَ عُزِّي وَ عُزِّيِيلْ وَ يَرِمُوتْ وَ عِيرِي،
كُلُّهُمْ كَيْ كُبَارَاتْ فِي عَايِلَاتْهُمْ.
وَ نَاسْهُمْ دَوْل سَجَّلَوْهُمْ وَ عَدَدْهُمْ 22 034 رَاجِلْ فَارِسْ.
٨ وَ أَوْلَادْ بَاكَرْ هُمَّنْ زَمِيرَا وَ يُوَاشْ وَ أَلِعَازَرْ وَ أَلِيُعْنَايْ وَ عُمْرِي وَ يَرِمُوتْ وَ أَبِيَّا وَ عَنَتُوتْ وَ عَلَمَاتْ دَوْل كُلُّهُمْ كَيْ مِنْ ذُرِّيَّةْ بَاكَرْ
٩ وَ هُمَّنْ كُبَارَاتْ فِي عَايِلَاتْهُمْ.
وَ نَاسْهُمْ دَوْل سَجَّلَوْهُمْ حَسَبْ ذُرِّيِّتْهُمْ وَ عَدَدْهُمْ 20 200 رَاجِلْ فَارِسْ.
١٠ وَ وِلَيْد يَدِيَعِيلْ هُو بِلْهَانْ.
وَ أَوْلَادْ بِلْهَانْ هُمَّنْ يَعُوشْ وَ بَنْيَامِينْ وَ إِهُودْ وَ كَنْعَانَا وَ زِيتَانْ وَ تَرْشِيشْ وَ أَخِشَاحَرْ.
١١ وَ دَوْل كُلُّهُمْ كَيْ مِنْ ذُرِّيَّةْ يَدِيَعِيلْ وَ هُمَّنْ كُبَارَاتْ فِي عَايِلَاتْهُمْ.
وَ نَاسْهُمْ دَوْل سَجَّلَوْهُمْ وَ عَدَدْهُمْ 17 200 رُجَالْ فُرَّاسْ وَ جَاهِزِينْ لِلْحَرِبْ.
١٢ وَ شُفِّمْ وَ حُفِّيمْ هُمَّنْ دَوْل عِيَالْ عِيرْ
وَ حُشِيمْ هُو وِلَيْد أَحِيرْ.
١٣ وَ أَوْلَادْ نَفْتَالِي هُمَّنْ يَحْصِيِيلْ وَ قُونِي وَ يِصَرْ وَ شَلُّومْ.
وَ أَمّ نَفْتَالِي أُسُمْهَا بِلْهَةْ.
ذُرّية مَنَسَّى
١٤ وَ أَوْلَادْ مَنَسَّى هُمَّنْ أَسْرِيِيلْ وَ مَكِيرْ الْوِلْدَتْهُمْ لَيَّهْ سِرِّيتَهْ الْأَرَامِيَّةْ.
وَ مَكِيرْ دَا هُو أَبُو قِلْعَادْ.
١٥ وَ مَكِيرْ أَخَدْ عَوِينْ لِعِيَالَهْ حُفِّيمْ وَ شُفِّمْ.
وَ أَخُتْ مَكِيرْ أُسُمْهَا مَعَاكَةْ.
وَ وِلَيْدَهْ التَّانِي أُسْمَهْ صَلُوفْحَدْ.
وَ صَلُوفْحَدْ دَا جَابْ إِلَّا بَنَاتْ بَسْ.
١٦ وَ مَرِةْ مَكِيرْ الْأُسُمْهَا مَعَاكَةْ جَابَتْ وِلَيْد وَ سَمَّتَهْ فَرَاشْ وَ أَخُوهْ أُسْمَهْ شَرَاشْ.
وَ عِيَالْ شَرَاشْ هُمَّنْ أُلَامْ وَ رَاقِمْ.
١٧ وَ وِلَيْد أُلَامْ أُسْمَهْ بَدَانْ.
وَ دَوْل ذُرِّيَّةْ قِلْعَادْ وِلَيْد مَكِيرْ وِلَيْد مَنَسَّى.
١٨ وَ هَمُولَكَى أَخُتْ قِلْعَادْ جَابَتْ إِشْهُودْ وَ أَبِعَازَرْ وَ مَحْلَةْ.
١٩ وَ أَوْلَادْ شَمِيدَعْ هُمَّنْ أَخْيَانْ وَ شَكِيمْ وَ لِقْحِي وَ أَنِعَامْ.
ذُرّية أَفْرَايِم
٢٠ وَ أَفْرَايِمْ وِلِدْ شُتَالَحْ
وَ شُتَالَحْ وِلِدْ بَرَدْ
وَ بَرَدْ وِلِدْ تَحَتْ
وَ تَحَتْ وِلِدْ أَلِعَادَا
وَ زَبَادْ وِلِدْ شُتَالَحْ.
وَ عِيَالْ أَفْرَايِمْ الْإِتْنَيْن عِزَارْ وَ أَلِعَادْ دَا،
سُكَّانْ حِلَّةْ قَاتْ كَتَلَوْهُمْ أَشَانْ هُمَّنْ مَشَوْا لِيَقْلَعَوْا بَهَايِمْهُمْ.
٢٢ وَ أَبُوهُمْ أَفْرَايِمْ طَوَّلْ فِي الْحِزِنْ.
وَ أَخْوَانَهْ جَوْا لِبِحَنُّسُوهْ.
٢٣ وَ بَعَدْ دَا،
أَفْرَايِمْ لَمَّ مَعَ مَرْتَهْ وَ هِي بِقَتْ غَلْبَانَةْ وَ جَابَتْ وِلَيْد.
وَ سَمَّاهْ بَرِيعَا (مَعَنَاتَهْ فِي الشَّرّ) أَشَانْ الشَّرّ جَاءْ لِعَايِلْتَهْ.
٢٤ وَ أَفْرَايِمْ بَتَّانْ عِنْدَهْ بِنَيَّةْ وَاحِدَةْ أُسُمْهَا شِيرَةْ وَ هِي بَسْ الْبَنَتْ حِلَّةْ بَيْت حُرُونْ التِّحِتْ وَ بَيْت حُرُونْ الْفَوْق وَ حِلَّةْ أُزِينْ شِيرَةْ.
٢٥ وَ بَرِيعَا وِلِدْ رَافَحْ
وَ رَافَحْ وِلِدْ رَاشَفْ
وَ رَاشَفْ وِلِدْ تَالَحْ
وَ تَالَحْ وِلِدْ تَاحَنْ
٢٦ وَ تَاحَنْ وِلِدْ لَعْدَانْ
وَ لَعْدَانْ وِلِدْ عَمِهُودْ
وَ عَمِهُودْ وِلِدْ أَلِشَمَعْ
٢٧ وَ أَلِشَمَعْ وِلِدْ نُونْ
وَ نُونْ وِلِدْ يَشُوعْ.
٢٨ وَ ذُرِّيَّةْ أَفْرَايِمْ سَكَنَوْا فِي مُدُنْ وَرَثَتْهُمْ وَ هُمَّنْ بَيْت إِيلْ وَ نَعَرَانْ بِصَبَاحْ وَ قَازَرْ بِغَرِبْ وَ شَكِيمْ وَ أَيَّا وَ الْحِلَّالْ التَّابْعِينْ لَيْهُمْ.
٢٩ وَ ذُرِّيَّةْ مَنَسَّى كُلَ سَكَنَوْا فِي مُدُنْ وَ هُمَّنْ بَيْت شَانْ وَ تَعْنَكْ وَ مَقِدُّو وَ دُورْ وَ الْحِلَّالْ التَّابْعِينْ لَيْهُمْ.
وَ فِي الْحِلَّالْ دَوْل بَسْ سَكَنَوْا ذُرِّيَّةْ يُوسُفْ وِلَيْد إِسْرَائِيلْ.
ذُرّية أَشِير
٣٠ وَ أَوْلَادْ أَشِيرْ هُمَّنْ يِمْنَى وَ يِشْوَا وَ يِشْوِي وَ بَرِيعَا وَ أَخُتْهُمْ سَارَحْ.
٣١ وَ أَوْلَادْ بَرِيعَا هُمَّنْ حَابَرْ وَ مَلْكِيِيلْ
وَ مَلْكِيِيلْ دَا أَبُو بِرْزَيِتْ.
٣٢ وَ حَابَرْ وِلِدْ يَفْلِطْ وَ شُمِيرْ وَ حُوتَامْ وَ أَخُتْهُمْ شُوعَةْ.
٣٣ وَ أَوْلَادْ يَفْلِطْ هُمَّنْ فَاسَكْ وَ بِمْهَالْ وَ عَشْوَاتْ.
٣٤ وَ أَوْلَادْ شَامَرْ هُمَّنْ رُهْقَا وَ يَحُبَّا وَ أَرَامْ.
٣٥ وَ أَوْلَادْ هِيلَامْ أَخُوهْ هُمَّنْ صُوفَحْ وَ يِمْنَعْ وَ شِيلَشْ وَ عَمَالْ.
٣٦ وَ أَوْلَادْ صُوفَحْ هُمَّنْ سُوحْ وَ حَرْنَفَرْ وَ شُوعَلْ وَ بِيرِي وَ يِمْرَا
٣٧ وَ بَاصَرْ وَ هُودْ وَ شَمَّا وَ شِلْشَى وَ يِتْرَانْ وَ بِيرَا.
٣٨ وَ أَوْلَادْ يَتَرْ هُمَّنْ يَفُونَى وَ فِسْفَا وَ أَرَا.
٣٩ وَ أَوْلَادْ عُلَّا هُمَّنْ آرَحْ وَ حَنِّيِيلْ وَ رِصْيَا.
٤٠ وَ كُلَّ النَّاسْ دَوْل هُمَّنْ مِنْ ذُرِّيَّةْ أَشِيرْ وَ كُبَارَاتْ فِي عَايِلَاتْهُمْ وَ رُجَالْ فُرَّاسْ وَ قُيَّادْ.
وَ كُلَّ النَّاسْ دَوْل سَجَّلَوْهُمْ فِي الدَّيْش وَ عَدَدْهُمْ 26 000 رُجَالْ قَادْرِينْ فِي الْحَرْبَةْ.