तीमुथियुस कर नांव में
परेरीत पऊलूस कर लिखल दूसर चिठी
ए चिठी कर बारे में दम अकन गोएठ
परेरीत पऊलूस हर ए चिठी ला तीमुथियुस बर लिखीस हे। ए चिठी ला लिखे घनी पऊलूस जेहल में रहीस। ए मानल जाथे कि एहर पऊलूस कर आखरी चिठी हवे। ए चिठी में पऊलूस हर सताव ला सहे बर अऊ बिसवास में बने रहे बर तीमुथियुस ला सलाओ देथे अऊ उतसाहित करथे। सुघर खभेर कर सही सिकछा में बजर बने रहे बर पऊलूस हर बताथे। बचन कर परचार ला सहनसीलता कर संगे करे बर कथे।
एकरले ए भाई बहिन मन, ए चिठी ला पढ़िहा त सताव कर घनी में बिसवास में बने रहे बर तुमन के हिमेत मिलही। खास कएर के परभू कर सेवक मन ला सब घनी बचन कर परचार करे में एहर उतसाह देथे। एकर ले जरूर ए चिठी ला पढ़िहा अऊ आसीस पईहा।
ए चिठी ला खालहे लिखल भाग में बांटल गईस हे
परेरीत पऊलूस कर जोहार 1:1-2
पऊलूस हर तिमूथीयूस ला उकसाथे 1:3-2:13
सलाव अऊ चेतावनी 2:14-4:5
पऊलूस कर आखरी उपदेस 4:9-18
परेरीत पऊलूस कर आखरी जोहार 4:19-22