तीतुस कर नांव में
परेरीत पऊलूस कर लिखल चिठी
ए चिठी कर बारे में दम अकन गोएठ
पऊलूस हर ए चिठी ला तीतुस बरीक लिखीस हे। तीतुस हर परचार कर काम में पऊलूस कर सहकरमी अऊ मदेत करोईया रहीस। तीतुस ला टापू-टापू में कलिसीया कर अगुवाई करे बर राखे रहीस। पऊलूस हर ए चिठी में तीन खास बात ला लिखथे। पहिलो: पऊलूस हर तीतुस ला सुरता करुवाथे कि कलिसीया कर सेवक मन कर चाल-सहूर कईसना होएक चाही। दूसर: पऊलूस हर सलाओ देथे कि कलिसीया में रहोईया दूसर मधे कर मईनसे मन ला कईसे सिकछा देहे बर चाही, जेकस कि सियान अऊ सियानीन मन ला, जवान भाई अऊ परभू कर सेवक मन ला। तीसर: पऊलूस हर तीतुस ला मसीह चाल-सहूर कर बारे में बताथे। ओहर तीतुस ला बंहसा-बंहसी करोईया अऊ कलिसीया में फूट करोईया मन ले दुरीहां रहे बर कथे।
कलिसीया कर मझार में सेवक मन कर चाल सहूर कईसे रहेक चाही ओला जाने बर ए चिठी ला जरूर पढ़िहा। मसीह जिनगी में हमर चाल सहूर हर कईसे होएक चाही ओकर बारे तुमन के ए चिठी ले जानकारी मिलही।
ए चिठी ला खालहे लिखल भाग में बांटल गईस हे
परेरीत पऊलूस कर जोहार 1:14
कलिसीया कर सेवक मन कर चाल-सहूर 1:5-16
मसीह जिनगी बरीक सही सिकछा 2:1-15
अबिसवासी मन कर मझारे बिसवासी मन कर चाल-सहूर 3:1-11
ए चिठी कर आखरी बात 3:12-15