थिसलुनी सहर कर कलिसीया ला
परेरीत पऊलूस कर लिखल दूसर चिठी
ए चिठी कर बारे में दम अकन गोएठ
पऊलूस हर ए दूसर चिठी ला थिसलुनी सहर कर कलिसीया कर बिसवासी मन ला लिखीस हे। मसीह कर दुबारा अवाई कर बारे में थिसलुनी कर कलिसीया में चटिक गड़बड़ी होए गए रहीस। कलिसीया में तनिक मईनसे रहीन, जेमन ए बिसवास करत रहीन कि मसीह कर दुबारा अवाई होए गईसे। पऊलूस परेरीत ए बात ला बताथे कि मसीह कर आए ले आगु, बुराई हर ढेरेच बईड़ जाही। जेहर ए बुराई कर काम में अगुवाई करही, ओला “पाप कर मईनसे कहल जाही।” ओहर मसीह कर बिरोध करही। पऊलूस हर ए चिठी कर पढ़ोईया अऊ सूनवईया मन ला उतसाहित करथे कि ओमन दुख अऊ तकलीफ कर घनी में, अपन बिसवास में बजर रहें। ओहर ओमन ला अपन जिनगी चलाए बर मेहनत करे बर कथे, जेकस पऊलूस अऊ ओकर संगता मन करत रहीन।
मसीह कर दुबारा अवाई कर बारे में जाने बर ए चिठी ला पढ़बो। एला पढ़े ले दूसर बिसवासी मन कर संगे भलाई करे बर उतसाह तुमन के मिलही।
ए चिठी ला खालहे लिखल भाग में बांटल गईस हे
परेरीत पऊलूस कर जोहार 1:1-2
मसीह कर आए घनी कर नियाओ 1:3-12
मसीह कर दुबारा अवाई कर बारे में सिकछा 2:1-17
मसीह जिनगी अऊ चाल-सहूर कर बारे में सिकछा 3:1-15
ए चिठी कर आखरी जोहार 3:16-18