थिसलुनी सहर कर कलिसीया ला
परेरीत पऊलूस कर लिखल पहिलो चिठी
ए चिठी कर बारे में दम अकन गोएठ
पऊलूस हर सीलास अऊ तीमुथियुस कर संगे ए चिठी ला थिसलुनी सहर कर कलिसीया कर बिसवासी मन बर लिखीस हे। रोम देस में ढेरेच इलाका रहीस उहां मकिदूनिया नांव कर एगोट राएज रहीस अऊ थिसलुनी हर मकिदूनिया राएज कर राएजधानी रहीस। पऊलूस हर थिसलुनी में कलिसीया कर ओर करे रहीस। पऊलूस गएर एहूदी मन कर मंझारे काम करत रहीस तेकर ले एहूदी अगुवा मन पऊलूस के इसगावत रहीन अऊ ओकर बिरोध करे लागीन। एकरले पऊलूस ला उहां ला छोंएड़ के दूसर सहर में जाए बर परीस अऊ तिमूथीयूस ला अपन जघा में भेजीस। तेकर पाछू पऊलूस हर ए कलिसीया कर हाल-खभेर ला सुनीस।
ए खभेर ला पाए के, पऊलूस हर ए पहिलो चिठी थिसलुनी सहर कर मसीह मन ला उतसाहित करे बर लिखीस। पऊलूस हर ओमन कर बिसवास अऊ मया बरीक धनबाद देथे। ओहर ओमन ला सुरता कराथे कि ओकर जिनगी हर कईसना रहीस तेकर ओहर कलिसीया में उठल सवाल मन कर जबाब देथे। ए सवाल हर मरल मईनसे कर जी उठाई अऊ मसीह कर दुबारा अवाई कर बारे में रहीस।
बिसवासी मन ला ए असरा हवे कि अगर ओमन ईसू मसीह में बिसवास कएर के मएर जाहीं तबो ले ईसू मसीह हर दुबारा बदरी में आही त ओमन जीयत मन ले आगु ईसू जग भेंटाहीं। सताव कर समय में भी ए चिठी ला पढ़े ले तुमन ला उतसाह मिलही।
ए चिठी ला खालहे लिखल भाग में बांटल गईस हे
परेरीत पऊलूस कर जोहार 1:1
धनबाद अऊ बड़ाई 1:2-3:13
परमेसवर ला फुरमा करे कर जिनगी 4:1-12
मसीह कर दुबारा अवाई कर बारे में सिकछा 4:13-5:11
पऊलूस कर आखरी समझाईस 5:12-22
ए चिठी कर आखरी जोहार 5:23-28