गलाती इलाका कर कलिसीया बर
परेरीत पऊलूस कर लिखल चिठी
ए चिठी कर बारे में दम अकन गोएठ
जे घनी ईसू मसीह कर सुघर खभेर कर परचार गएर एहूदी मन कर मझारे होए लागीस, ते घनी एक सवाल उठीस कि, एगोट सचा मसीह होए बर एगोट आदमी ला मूसा कर कानहूंन कर पालन करे बर जरूरी हवे कि नही। पऊलूस एजग बताते कि मूसा कर कानहूंन ला माने बर जरूरी नईए। पऊलूस फूरोंच में कथे कि मसीह में जिनगी जिये कर सबले खास बात बिसवास हवे। हमके मन ला ए समझे बर चाही कि कोनो मईनसे हर रीती रीवाज ला माएन के परमेसवर ला फुरमा करे बर नई सके। परमेसवर कर ऊपरे बिसवास करे कर दुवारा मईनसे हर उधार पाए सकत हवे।
हमरे आगु ए दुनिया कर पहिले कर सिकछा, जेकस कि जोन अऊ बेर कर पुजा करत रहेन, एला झईन खईहा चाहे झईन छुईहा कहत रहेन अऊ ओकरे अनुसार जिनगी जीए बर परत रहीस। बकिन अब ईसू मसीह में बिसवास कर जरीए हमके मन ला अजादी मिल गईस हवे। ए चिठी कर दुवारा हमरे सिखथी कि सब मईनसे मन कर संगे हमेसा भलाई करबो अऊ भलाई करे में पाछू नई घूचबो।
ए चिठी ला खालहे लिखल भाग में बांटल गईस हे
एगोट सचा परेरित अऊ सचा खभेर 1:1-10
परमेसवर हर पऊलूस ला परेरित बर हिगारीस 1:11-24
पऊलूस अपन परचार कर सचाई ला बताथे 2:1-21
उदधार पाए कर डगर केवल बिसवास हवे 3:1-4:21
मया अऊ पवितर आतमा कर अगुवाई में चलिहा 5:1-6:10
आखरी चेतावनी अऊ जोहार 6:11-18