एहूना कर लिखल सुघर खभेर
ए किताब कर बारे में दम अकन गोएठ
एहूना कर लिखल ए सुघर खभेर हर आने सुघर खभेर मन ले अलगे हवे। ए सुघर खभेर हर एकर बर लिखल गईस हे, कि तुमन बिसवास करा, कि ईसू हर परमेसवर कर बेटा जेहर मसीह लागे। अऊ बिसवास कएर के ओकर नांव ले जीवन पावा।
ए किताब कर पहिलो पाठ में ईसू ला परमेसवर कर अमर बचन कर रूप में बताल हवे। एकर पाछू ए सुघर खभेर कर पहिलो भाग में सात मधे कर चिनह चमतकार कर बारे में, ए देखाए बर लिखल हे कि ओहर खुदेच परमेसवर लागे।
ए किताब में ईसू सात दाएर मंए हवों, कही के गोठियाईस हवे। ईसू हर कहीस, मंए जीवन देवईया रोटी लगों, मंए संसार कर इंजोर देवईया लागों, मंए भेड मन कर दुरा लागों, मंए बढ़िहां चरवाह लागों, जेमन मएर गईन हवें, ओमन के फेर ले जीवईया अऊ जीवन देवईया मंहीच लागों, डगर, सचाई अऊ जीवन मंहीच लागों, सही अंगूर कर नाएर मंए लागों।
ए किताब कर पाठ 13 ले लेके पाठ 17 तक, ईसू अऊ ओकर चेला मन कर मझार कर नाता कर बारे में लिखल हवे। एला पढे़ ले हमू मन के ईसू कर संगे गहील नाता में कईसे रहे बर हवे, ओकर बारे में सीखबो। एकरले ए सुघर खभेर ला जरूर पढिहा अऊ आसीस पईहा।
ए सुघर-खभेर हर खालहे लिखल भाग में बांटल हवे
चिनहारी 1:1-18
एहूना बतिसमा देवईया अऊ ईसू कर पहिलो चेला मन 1:19-51
ईसू कर मईनसे मन कर मंझारे सेवा 2:1-12:50
एरुसलेम सहर में आखरी घरी कर बिताल तनीक दिन 13:1-19:42
प्रभु हर जी ऊठीस अऊ देखार देहीस 20:1-31
गलील में फेरेच देखार देहीस 21:1-25