Isadaakha ya mufwile umupiina
21
1 UYeesu pina wáali mu lukeeke lwa nanda imbaagule iya kifuunyila,
wávaajile avanya wusi viihumya isadaakha saanave mu shombo sha kihumisa isadaakha.
2 Baheene wámwaga umufwile yumonga umupiina iiponya mula isilinje sivilia hela.
3 Apo,
uYeesu wáaja,
“Shiyooli nikivajovela,
uwashimaayi uyu umufwile,
khanji mupiina,
wáahumya kishila woona.
4 Kiiva avanji woona awo vaahumya fisheefu mu fiinu fyanave ifinshi.
Leelo uwashimaayi umufwile uyu mu wupiina waakwe,
wáahumya fyona fina ikiyihuviilila mu wiikhasi waakwe!”
Inanda imbaagule iya kifuunyila yikhanangwa
5 Baheene avamanyisiwa vamonga va Yeesu vakhandi viijova ulwa nanda imbaagule,
shina yisenjiilwe na mangʼanga amanofu,
lumo ni fiinu fya hela nyinshi fina avaanu vahumyaga kwa Nguluvi.
Baheene uYeesu wáaja,
6 “Lukhayinsa uluhaavi,
aga goona gina mukigaaga lino gakhagwisiwa.
Kusiina ilingʼanga lina likhasigala pashaanya ya lingʼanga liyine!”
Amalava amakhome gina gakhayinsa
7 Avaanu vala vamuposa uYeesu vaaja,
“Mumanyisaaji,
ago gakhayinsa yooli?
Khanji,
shimanyilo shishi shina shikhatuwulanisa kiija gali nkholeela kisenjekha?”
8 Wávajovela wáaja,
“Muveesaje meeho,
baheene musikhajanjilisiwaagwa!
Kwa kiiva vakhayinsa avaanu vinshi kwa litaawa lyangu vakhajova,
‘One yuune Mukulusaaji!’
b Khanji viija,
‘Uluhaavi luli nkholeela!’
Avaanu awo,
musikhavafwataji!
9 Omwe pina mukhapulikha imola sa wulugu,
nu lugalukho lwa vaanu,
musikhatungumalaji.
Ago goona tangusiina mbakha gawoneshe,
leelo uluhaavi ulwa wudugo lukhava lushaanali.”
10 UYeesu wáyitenekha kilogola kiija,
“Inyi yimo yikhalwa ni nyi iyinji,
uwutwa wumo wukhalwa nu wutwa uwunji.
11 Imbali nyinshi kukhava mudegenkho mukhome,
injala inkhome na matamu aga kiyambuhisa.
Khanji,
kukhava kuna fiinu fya kitiisa ni shimanyilo shikhome kihuma kushaanya.
12 “Leelo,
pina gasinawoneshe ago goona,
avaanu vakhavakhata omwe na kivalafya.
Vakhavatwala kihigwa mu nanda isa kifuunyila,
na kivadindila mu shifungo.
Khanji vakhavatwala kwa vatwa na kwa vanya wutawulilwa baheene muhigwe,
kwa kiiva omwe muli vamanyisiwa vangu.
13 Leelo,
ulo lulwene lukhava luhaavi lwenyu ulwa kivabedela ilihuuvi lyenyu ilya one.
14 Lino,
musikhaveesaji nu muninu muninu kiija,
mukhajova shi.
15 Kwa kiiva one nikhavapeela uluhala na maswi gina mukhajova,
mbakha avalugu veenyu vakhagombola kivakhaana hata kivasivila.
16 “Khanji,
mukhadoolelwa na vasafi veenyu,
avayeenyu,
avalukholo lwenyu,
hata na vamanyi veenyu,
khanji avamonga vakhabudwa.
17 Avaanu woona vakhava vikivakhalalila kwa kiiva omwe muli vamanyisiwa vangu.
18 Leelo lusikhayaga hata luyele lumo mu matwe geenyu!
19 Omwe nda mukhagugumila,
apo mukhayanushila uwuumi wa shiluta.
UYeesu ipavila kiija ilijumbi lya Yelusalemu likhanangwa
20 “Uluhaavi luna mukhalyaga ilijumbi lya Yelusalemu lipiliimwe na vatovanaaji va wulugu,
baheene mumanyaje kiija uluhaavi ulwa kinangwa ilijumbi ilyo luli nkholeela.
21 Ino,
vina vali ku nyi ya Yudeya vasijilaje ku fidunda,
na vina vali mu lijumbi lya Yelusalemu,
vapoolaje kunja na kisiga,
na vina vali mu magunda,
vasikhatinaga mu lijumbi.
22 Kwa kiiva,
uluhaavi ulo lukhava lwa malava,
baheene amaswi goona gina gayandiikhwe mu Mayandikhwa aManofu gasenjeshe.
23 Leelo aka,
avashimaayi vina vakhava vana lwanda na vina vakhava viyonsa mu nsiku iso!
Kwa kiiva yikhava lukhamu mandu mu nyi iyo,
inkhalasi ya Nguluvi yikhayinsa ku vaanu va shisafi ishi.
24 Avaanu avanji vakhabudwa kwa panga,
avanji vakhatwalwa mu wuvanda wa nyi isinji.
Baheene avaanu vina vasili Vayahuudi,
vakhayinsa kitema ilijumbi lya Yelusalemu,
mbakha uluhaavi lwanave ulwa kitema pina lukhava lwasila.
Kiyinsa khanji kwa Lusawo lwa Muunu
25 “Fikhawonekha ifimanyilo mu lijuva,
mu mwesi na mu nondwe.
Na pa nyi panu,
ibahali sikhava na mavingu makhome amanya lugiino,
ulo lukhavaviikha avaanu va nyi soona,
kiiva na malava makhome na kitiila mandu.
26 Ago goona,
pina gakhava giyinsa mu nyi,
avaanu vakhasilikha inumbula kwa kiiva ya kitiila mandu.
Vakhava vihiiva kiija giyinsa amalava amakhamu,
kwa kiiva,
ifiinu fina fili kushaanya fikhadegenkha.
27 “Baheene woona vakhanyaaga,
one Lusawo lwa Muunu niyinsa mu mafunde,
nina ngufu nu wutupikho wukhome.c
28 Ago goona pina gakhava giyansa kisenjekha,
yiimaji,
mukhangalaje na kishendeeva,
kwa kiiva ago giwonensa kiija uNguluvi ali nkholeela kivakulusa!”
Ishihwano sha mujombe
29 Baheene uYeesu wávajovela avamanyisiwa vaakwe ishihwano,
wáaja,
“Loleeli ilipishi lya mujombe na mapishi aganji goona.
30 Pina mukigaaga amapishi gayansiise kilembula,
nyangu mwimanya kiija uluhaavi lwa mingo luli nkholeela.
31 “Shiisho ndeeno,
na yuumwe pina mukhagaaga ago goona gisenjekha,
manyaji kiija,
uWutwa wa Nguluvi wuli nkholeela kiyinsa.
32 Shiyooli nikivajovela kiija,
ishisafi ishi shisikhashila mbakha aga goona pina gakhava gasenjekha.
33 Uwulanga ni nyi fikhashila,
leelo amaswi gangu gakhava ga shiluta.
Muveesaje meeho
34 “Muveesaje meeho!
Musikhamenwagwa nu wupafu,
uwugaasi na malava ga mu nyi iyi,
baheene ilijuva ilyo ilya wudugo lisilaave liyinse kwa kivatinuhisa.
35 Kwa kiiva ilijuva ilyo likhavatinuhisa avaanu woona mu nyi yoona.
36 Lino,
muveesaje meeho uluhaavi loona,
mukimufuunya uNguluvi,
baheene avapeelaje ingufu isa kishila mu goona gina gakhayinsa,
baheene muve mukiyikhangasa kiyiima pamwandi yangu,
one Lusawo lwa Muunu mu lisiku ilya kihigwa inyi.”