Ɨnsundo hu nongwa ya hubhabaagule abhantu
2
Bhooziwa bhamwetu,
mugandi hubhakʉndɨɨlɨle abhantu bhamo hu nongwa ya‑aje,
muhumʼmwɨtɨha ʉMwɨnɨ weetu ʉYeesu ʉKilisiti,
ʉMwɨnɨ ʉmʼmwamu.
2 Tije,
ʉmuntu ʉmo ʉnʼtabhazi,
wa‑akwɨte amenda agɨ mpɨɨya ɨngoosi nɨ peete ɨzyɨ zahaabu,
atʉʉshe mu lubhʉngaano lwenyu.
Nantele,
tije ʉmʼpɨɨna mansi wa‑akwɨte amenda ga galalile,
lwʉnʉʉlwo wope atʉʉshe.
3 Ɨshi amwɨ muhumʼmwambɨɨlɨla hu mwamu wa‑akwɨte shinza,
na humʼmʉʉzye huje,
“Khala apinza ɨpa.”
Nantele hwʉ‑ʉla ʉmʼpɨɨna mansi muyiga,
“Aawe,
bhalaga ʉyɨmɨɨlɨle paala,”
awe,
“Khala pa nsi ɨpa pa manama gaanɨ.”
4 Wɨlɨ,
lwa mukhonzya ɨsho,
saga munza‑abhe muhubhabaagula bhamo?
Saga munza‑abhe mwamula hubhabaagule abhɨ nshɨnshɨ na bha saga bhɨ nshɨnshɨ alɨngaane nɨ nsɨɨbho zyenyu ɨmbiibhi?
5 Bhooziwa bhamwetu bhakʉndwe muntejeelezye shinza!
ɄNgʉlʉbhɨ abhasaluuye abhapɨɨna abhɨ nsi,
huje bhabhe bhantu bha bhahumʼmwɨtɨha ʉMwɨnɨ ʉYeesu.
Humʼmwɨtɨshe ʉhwo,
tabhazi wɨ lyoli.
Nantele abhasaluuye abhe bhagaali bhɨ wumwɨnɨ ʉwo ahabhalapiiye bha bhanʼgɨɨne.
6 Leelo amwɨ muhubhasyonshela abhapɨɨna!
Wɨlɨ,
abhatabhazi ɨbho saga bha bhahubhayɨmvya amwɨ na hubhatwale pilongolela lya bhalonzi huje mulongwe?
7 Wɨlɨ,
saga bhɨɨbho bha bhahuliliga itaawa ɨlinza ɨlya Yeesu lya mupewiilwe amwɨ?a
8 Ɨshi mubhomba shinza,
nkashele muhuzikhata ɨndajizyo zya Kilisiti ʉMwɨnɨ weetu,
nanshi sha zyahasimbwilwe mu Nsimbo ɨMfinjile huje,
“Ʉnʼganaje ʉmʼpalamani waaho,
nanshi shʉ‑ʉhwigana aawe.”b
9 Leelo,
nkashele muhubhabaagula abhantu,
mubhomba mbiibhi.
Hwope nɨ ndajizyo zya Ngʉlʉbhɨ zyahayihubhalonga huje muli na malando.
10 Enya,
ʉmuntu nkashele akhata ɨndajizyo zyonti leelo anangaanya yeeka mwɨ‑ɨzyo,
ɨpo abha anangɨɨnye zyonti.
11 Ɨnjanjile ɨsho,
pɨpo ʉla ya‑ahabhɨɨshɨle ɨndajizyo ɨya huje,
“Ʉgandi abhembushe,”
c ya yʉʉyo ya‑ahabhɨɨshɨle ɨndajizyo ɨya huje,
“Ʉgandi agoje.”
d Hwa huje peeka na‑aje saga ʉbhembuushe,
leelo ʉgojile,
ɨpo ʉbhaaziwa huje nʼnanzi wɨ ndajizyo.
12 Ɨshi,
yangaji na‑abhombe,
mumanye huje ʉNgʉlʉbhɨ ahayihubhalonga alɨngaane nɨ ndajizyo zyakwe zya zihubhasatula abhantu.
13 Isiku ɨlya‑alongwe,
abhantu bha saga bhahubhalolela ɨnkʉmbʉ abhanjɨ,
wope ʉNgʉlʉbhɨ saga ahayihubhalolela ɨnkʉmbʉ.
Leelo nkashele ʉhubhasaajila abhantu abhanjɨ,
ɨpo ʉNgʉlʉbhɨ wope ahayihusaajila nawe isiku ɨlya‑alongwe.
Ʉlwɨtɨho nɨ njendo
14 Bhooziwa bhamwetu,
nkashele ʉmuntu ahwiyanga huje ali nʉ lwɨtɨho,
leelo saga alolesya hu njendo,
wɨlɨ,
ʉlwɨtɨho lwakwe luhumʼmwavwa hohonti?
Ʉlwɨtɨho nanshi ʉlwo lugamʼfyʉla?
15 Tije,
ʉmwoziwa ʉwamwenyu,
ʉnʼnume awe ʉnʼshɨ,
ali nɨ mpenjele awe ɨnzala.
16 Ɨpo ayɨnze ʉmo mwaliimwɨ,
amʼmʉʉzye huje,
“Bhalaga hu tengaanu,
ʉyootaje ʉmwoto na‑angute,”
leelo sinta humʼmwavwe hu viila vya saga ali navyo.
Wɨlɨ,
ɨvyo vigamʼmwavwa hohonti?
17 Sha shɨɨsho,
ʉlwɨtɨho lwa saga luli nɨ njendo ɨnyinza,
lufwiye.
18 Leelo ʉmuntu ʉmo abhajiiye ayanje huje,
“Ʉmuntu ʉmo ali nʉ lwɨtɨho,
ʉwamwabho ali nɨ njendo ɨnyinza.”
Ʉyo ɨngamʼmwamula huje,
“Ɨshi,
ʉndolesye shʉ‑ʉgabha nʉ lwɨtɨho sinta abhe nɨ njendo ɨnyinza.
Nanɨ,
hwi‑idala ɨlyɨ njendo ɨnyinza,
ɨmbala hulolesye ʉlwɨtɨho lwanɨ sha lulɨɨho.”
19 Aawe ʉhwɨtɨha huje ʉNgʉlʉbhɨ ali weeka mwene.
Ʉbhomba shinza!
Leelo,
gope amapepo gahwɨtɨha shɨɨsho,
ʉhwu gayinga hu wooga.
20 Wee mʼfwasu we!
Wɨlɨ,
ʉhwanza amanye shiila ʉlwɨtɨho lwa saga luli nɨ njendo ɨnyinza sha saga luli nɨ zya pa mwanya?
21 Ʉdaada weetu ʉAbulahaamue ahamʼfumiizye ʉmwana waakwe ʉIsaaka pa shipuuto abhe nsangu ɨya‑alʉngʉlɨzye.
Ɨshi hu nongwa ɨyo,
ʉNgʉlʉbhɨ ahamʼmaazizya abhe nʼgolosu pitagaalila lyakwe!f
22 Ɨshi waalola ʉlwɨtɨho lwa Abulahaamu hwa Ngʉlʉbhɨ sha lwahalolɨɨshe hu njendo zyakwe.
Ʉlwɨtɨho lwakwe lwahakwɨlɨɨne hwi‑idala ɨlyo ɨlyɨ njendo zyakwe.
23 Ɨsho sha gahabhombeha gaala ga gasimbwilwe mu Nsimbo ɨMfinjile huje,
“ɄAbulahaamu ahamʼmwɨtɨɨshe ʉNgʉlʉbhɨ.
Ɨshi,
afumilane nɨ‑ɨsho,
ʉNgʉlʉbhɨ ahamʼmaazizya abhe nʼgolosu pitagaalila lyakwe.”
g Afumilane nɨ‑ɨlyo,
ʉAbulahaamu ahabha akwiziwa huje mʼmanyani wa Ngʉlʉbhɨ.
24 Ɨshi leelo,
ashilile hwa Abulahaamu mumɨɨnye huje,
ʉmuntu saga abha nʼgolosu pitagaalila lya Ngʉlʉbhɨ hu lwɨtɨho lwene,
lyoli hu lwɨtɨho peeka nɨ njendo ɨnyinza.
25 Shɨnɨɨsho,
wope ʉLaahabu ʉmwegu ahabhaziiwe huje nʼgolosu pitagaalila lya Ngʉlʉbhɨ hu njendo ɨnyinza zya‑ahabhombile,
pɨpo ahabhambɨlɨɨye abhanziilizi abhɨ ntumi hwi‑ibooma ɨlyɨ Yeeliko.
Pamandɨ,
ahabhalolesya idala ɨlyɨnjɨ ɨlya‑ashile huje bhagandi akhatwe.h
26 Ɨshi nanshi shishiila,
ʉmʼbɨlɨ gwa saga guli nʉ mwoyi gubha gufwiye,
shɨnɨɨsho ʉlwɨtɨho sinta njendo ɨnyinza lufwiye.