Ɨkalaata ɨya hwande ɨya nʼsontwa
ʉPeeteli
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPeeteli hwa bhooziwa ɨbho bhahali mu nsi ɨyo mu nsiku ɨzi bhayiga ɨTuluuki. Ahasimbile ɨkalaata ɨnɨ hubhajinjizye, pɨpo bhahali bhayɨmba hu nongwa ya huje bhooziwa. Ahubhiizusya huje ʉYeesu ʉKilisiti ahalaviiwe tee mu lemvu waakwe ʉwa mu nsi. Ɨshi, abhooziwa bhope bhayɨmba. Hwope nkashele bhapeewa amayɨmba aminji, hwope ɨsho amayɨmba ɨgo gahubhapeela ikhone. ɄNgʉlʉbhɨ ahubhasaya mu mayɨmba ɨgo. ɄPeeteli ahubhajinjizya abhooziwa ajendeelele abhe nɨ njendo ɨya bhantu abha Ngʉlʉbhɨ.
Ɨmbaatiho ɨzyɨ shitaabu ɨshi
1:1-2 ɄPeeteli ahubhalamuha abhooziwa
1:3-12 Ʉlusʉʉbhɨlo ʉlwɨ wʉʉmi
1:13-2:10 ɄPeeteli ahubhajinjizya abhooziwa bhabhe bhasangalusu, pɨpo bhasaluliilwe abhe bhantu bha Ngʉlʉbhɨ
2:11-3:7 Ɨmanyizyo hu nongwa ya hubhabhombele abhalongozi, nɨ ya‑abhombe mu weeji
3:8-4:19 Ayɨmbe hu nongwa ɨya humʼmwɨtɨshe ʉKilisiti
5:1-14 Adiime ɨshibhanza nɨ ndamuho ɨzya hu malishilo