Ɨkalaata ɨya
Yaakobo
Ʉtagaalizyo
Ɨkalaata ɨnɨ yahasimbwilwe nʉ Yaakobo, ʉholo ʉwa Yeesu. Ahali nʼnongozi ʉwɨ shibhanza ɨsha hu Yelusaleemu. Ahabhasimbiiye abhooziwa ɨbho bhahanyampɨɨne afume hu Yelusaleemu abhale mu mabooma aganjɨ na mu nsi ɨzyɨnjɨ.
Ɨnsɨɨbho zya Yaakobo asimbe ɨkalaata ɨnɨ zyahali hubhabhʉʉzye abhooziwa huje ʉlwɨtɨho lwabho mwa Yeesu ʉKilisiti luhwanziwa abhoneshe mu njendo zyabho ɨnyinza. Ahubhamanyizya amene ahwibaade, ɨjɨɨla, ɨnsʉngwo ɨmbiibhi, ɨnjelo na‑ayanje shibhiibhi. Nantele, alolesya ʉwinza ʉwɨ woloolo, ʉwɨ mpuuto, ʉwa‑abhe bhasangalusu, ʉwa‑ajimbiilile nʉ wa‑abhe nʉ tengulizu.
Ɨmbaatiho ɨzyɨ shitaabu ɨshi
1:1 ɄYaakobo ahubhalamuha aBhayahuudi abhooziwa
1:2-27 Abhooziwa bhajimbiilile mu lwɨtɨho mu habhaazyo ahɨ njelo, nantele bhabhanje nʉ woloolo mu mazwi gaabho
2:1-26 Abhooziwa bhabhabhombele shinza abhantu bhonti sinta abaagule, nantele bhabhanje nɨ njendo ɨnyinza
3:1-4:12 Abhooziwa bhabhanje nʉ lutinu mu mazwi gaabho na‑apuute hwabho
4:13-5:6 Ɨmanyizyo hu nongwa yɨ tabhazi
5:7-20 Apuute na‑ajimbiilile mu mayɨmba