Ɨkalaata hwa
Bhaebulaniya
Ʉtagaalizyo
Ɨkalaata ɨnɨ saga ɨmanyiha huje yʉ naanu wa‑ahasimbile, leelo lyoli huje ahali mwoziwa nantele nʼnongozi ʉyo ahali ni‑ikhone mu vibhanza, ʉPaulo lwa‑ahasimbaga ɨkalaata zyakwe hu vibhanza. Ɨkalaata ɨnɨ yahasimbwilwe hwa Bhayahuudi bhamo ɨbho bhahali bhooziwa, leelo bhahali bhajelwa hululeshe ʉlwɨtɨho lwabho hwa Yeesu ʉKilisiti.
Ɨkalaata ɨnɨ ɨlolesya ʉYeesu sha‑ali hwa bhooziwa bhonti. Ʉnʼsimbi alolesya huje ʉYeesu Mwana wa Ngʉlʉbhɨ, nantele ʉmwene nʼgoosi ashile abhantumi ɨbho aBhayahuudi bhahubhatendeha, nʼgoosi ashile abhakuwi abha mwi‑Ilagano ɨlyɨ Mandɨ, nantele nʼgoosi ashile ʉMoose, ʉyo ahali abhapiiye aBhayahuudi ɨndajizyo ɨzya Ngʉlʉbhɨ. Nantele ʉnʼsimbi ayanga huje ʉYeesu abhashilile abhasayi bha Ngʉlʉbhɨ, pɨpo saga ahalɨnjɨle abhombe ɨmbiibhi, ahafumiizye ʉwʉʉmi waakwe abhe nsangu nyinza hu nongwa yɨ mbiibhi ɨzya bhantu bhonti na hu habhaazyo honti.
Hu malishilo mu kalaata ɨnɨ, amama ɨzya bhamaama abha Bhayahuudi, ɨbho ɨmamo zyabho zili mwi‑Ilagano ɨlyɨ Mandɨ, nanshi ɨsho bhonti bhahamʼpuutaga ʉNgʉlʉbhɨ na hunʼsʉʉbhɨle. Ɨshi ahubhiizusya abhooziwa huje bhope bhahwanziwa ajendeelele hunʼsʉʉbhɨle ʉNgʉlʉbhɨ, nantele bhabhanje bhahwizuha ɨgo ʉYeesu ahali abhomba na‑amanyizye.
Ɨmbaatiho ɨzyɨ shitaabu ɨshi
1:1-4:13 ɄYeesu nʼgoosi ashile abhakuwi na bhantumi bha Ngʉlʉbhɨ
4:14-7:28 ɄYeesu nʼgoosi ashile abhasayi ɨbho bhahali bhabhomba ɨmbombo mu nyumba ɨmfinjile ɨya Ngʉlʉbhɨ
8:1-10:18 Ʉfwe ʉwa Yeesu wuleetile ilagano ipya
10:19-13:19 Ɨzya hubhajinjizye abhooziwa, na hubhayanje abhantu abhɨ mandɨ abhɨ lwɨtɨho
13:20-25 Amazwi aga hu malishilo