Ɨkalaata hwa
Bhaebulaniya
ɄNgʉlʉbhɨ ayanga naatɨ ashilile hwa Mwana waakwe
1
Ɨmandɨ ʉNgʉlʉbhɨ ahayanjile na bhamaama bheetu ashilile hwa bhakuwi bhaakwe.
Ahabhombile ɨsho hahinji lwene,
hu madala gaminji.
2 Leelo hu nsiku ɨzi ɨzya hu malishilo,
ʉNgʉlʉbhɨ ayanjile naatɨ ashilile hwa Mwana waakwe.
a Ashilile hwa Mwana ʉyo,
ʉNgʉlʉbhɨ ahapelile ɨmwanya nɨ nsi.
Hu malishilo,
ʉMwana ahayambɨɨlɨla ɨvintu vyonti afume hwa mwene.
3 ɄMwana ʉyo alawuha hu mwamu wa Ngʉlʉbhɨ na‑alolesye pa pazelu ɨsho ʉNgʉlʉbhɨ sha‑ali.
Hwi‑idala ɨli‑izwi lyakwe lya lili ni‑ikhone,
abhomba ɨvintu vyonti huje vijendelelaje abhe nanshi sha vilɨɨho.
Atisangalusiizye ɨmbiibhi zyetu,
ɨshi akhɨɨye hu nʼkhono ʉgwa hu lɨɨlo ʉgwa Ngʉlʉbhɨ ʉwi‑ikhone,
apantu apɨ nshɨnshɨ tee.
ɄYeesu nʼgoosi ashile abhantumi
4 ɄNgʉlʉbhɨ ahamʼmɨɨha ʉMwana waakwe abhe nʼgoosi ashile abhantumi,
b nanshi ɨsho ahamʼpiiye ʉMwana waakwe ʉyo itaawa igoosi ashile liila ɨlya bhantumi.
5 Enya nʉʉmo ʉnʼtumi wowonti ʉyo ʉNgʉlʉbhɨ ahamʼmʉzɨɨzye nanshi ɨsho ahamʼmʉzɨɨzye ʉYeesu ɨshi,
“Aawe we Mwana waanɨ,
sanyʉʉnʉ nabha Yise waaho.”
c
Nantele ʉNgʉlʉbhɨ saga ahayanjile hu nongwa ya nʼtumi wowonti huje,
“Anɨ ɨnza‑abhe Yise waakwe,
wope anza‑abhe Mwana waanɨ.”d
6 Nantele ahabhaazyo ʉNgʉlʉbhɨ lwa‑ahunʼsonteelezya ʉMwana waakwe wa‑ali mwene mu nsi ahajile,
“Abhantumi bhonti abha Ngʉlʉbhɨ bhamʼpuutaje ʉmwene.”e
7 Nantele ʉNgʉlʉbhɨ lwa‑ayanga hu nongwa ya bhantumi,
ahajile,
“Ʉmwene ahubhabhomba abhantumi bhaakwe bhabhe nanshi ɨnkʉngʉ,
na bhabhomvi bhaakwe bhabhe nanshi ɨmɨlɨ ɨzyɨ mwoto.”f
8 Leelo ahabhaazyo lwa‑ayanga ɨnongwa ɨzya Mwana waakwe,
ahajile,
“Wee Ngʉlʉbhɨ,
ikhone lyaho lyɨ wiila na wiila!
Nantele wahayibha ʉhubhalongozya abhantu hu golosu.
9 Aawe ʉwugɨɨne ʉgolosu na huwuviitilwe ʉbhiibhi.
Ɨyo yɨ nongwa ʉNgʉlʉbhɨ,
ʉNgʉlʉbhɨ waaho,
aʼsaluuye aawe na hupotozye ɨnyembag ɨnyinza
huje ʉbhe nʼgoosi ashile abhamwenyu bhonti.”h
10 Nantele ʉNgʉlʉbhɨ ahumʼmʉʉzya ʉMwana waakwe huje,
“Aawe wʉMwɨnɨ,
weewe wahapelile ɨnsi ɨpo hu wandilo,
nantele weewe wahapelile hwope ɨmwanya.
11 Ɨvintu vyonti ɨvyo vyahayimaliha,
vyahayilala nanshi ʉmwenda,
leelo aawe wahayibha wiila na wiila.
12 Aawe wahayihuvizinga‑zinga ɨvintu ɨvyo
nanshi ɨsho ʉmuntu apinta igolole,
wahayihuvigalulanya nanshi ʉmwenda.
Leelo aawe saga wahayigaluuhana dumu,
wahayibha wiila na wiila.”i
13 ɄNgʉlʉbhɨ saga ahamʼmʉzɨɨzye ʉnʼtumi nka weeka huje,
“Khala peeka naanɨ,
j
afishe ɨhwavwe hubhatole abhalʉgʉ bhaaho na hubhatabhaale.”l k
14 Wɨlɨ,
abhantumi bha naanu?
Abhantumi vipelwa ɨvyo vihumʼmombela ʉNgʉlʉbhɨ.
Nantele ʉmwene ahuvisonteelezya ɨvipelwa ɨvyo vihubhabhombela abhantu bha bhahayifyʉlwa.