Ʉfyʉli ʉgoosi ʉwa Ngʉlʉbhɨ
2
Hu nongwa ɨyo,
ɨshi tibhanje maaso tee hwɨ‑ɨgo tʉmvwɨzye,
huje tisahagaleshe.
2 Ɨnjanjile ɨsho,
pɨpo timɨɨnye huje ɨntumi ɨzyo abhamaama bheetu bhahambɨlɨɨye afume hwa bhantumi bha Ngʉlʉbhɨ zyahali zyɨ lyoli.
Ɨshi abhantu bhonti ɨbho saga bhahazilondoleziizye awe saga bhahazitiniishe,
ʉNgʉlʉbhɨ ahabhalonjile alɨngaane nɨ mbiibhi zyabho.
3 Nkashele gahabhombɨɨshe ɨsho hwa bheene,
wɨlɨ,
atɨ tibhajiiye wɨlɨ apone alongwe nkashele saga tisaaga ʉfyʉli ʉgoosi nanshi ʉwu?
ɄMwɨnɨ ʉYeesu ya yʉʉyo ahandile azyambaazye ʉfyʉli ʉwo.
Abhantu ɨbho bhahali bhahumʼmwʉmvwa,
bhahasimishizya huliitɨ huje wahali wɨ lyoli.
4 ɄNgʉlʉbhɨ wope ahali asimishizya ʉfyʉli ʉwo hwi‑idala ɨlya‑alolesye amayelea nɨ vimanyishizyo ɨvyɨ waaji nʉ waaji.
Nantele ahali ahubhagabhila abhooziwa ɨvikʉnjɨlwa ɨvya Mʼpepo ʉMʼfinjileb alɨngaane nʉ kʉndwe waakwe.
Ahwiyiisye hwa Yeesu
5 Timɨɨnye huje ʉNgʉlʉbhɨ saga abhapiiye abhantumi bhaakwe ikhone ɨlya‑alongozye ɨnsi ɨmpya ɨyo ɨhwɨnza,
ɨyo tiyanga ɨnongwa zyakwe.
Leelo ɨsimbwilwe mu Nsimbo ɨMfinjile na‑asimishizye huje,
6 “Wee Ngʉlʉbhɨ,
wɨlɨ,
ʉmuntu yʉ naanu ʉyo aawe ʉhunʼsɨbhɨɨlɨla?
Wɨlɨ,
ʉmwana wa muntu yʉ naanu ʉyo ʉhunʼsaajila?
7 Wahamʼmɨɨshɨle ʉmuntu abhe nʼdoodo ashile abhantumi hu habhaazyo hashe.
Ʉmʼpiiye ʉmuntu ʉyo ʉmwamu nɨ nshɨnshɨ,
8 na huvibhɨɨshe ɨvintu vyonti pa nsi yi‑ikhone lyakwe.”
c
Ɨsho ʉNgʉlʉbhɨ ahamʼmɨɨshɨle ʉmuntu huje abhe ahuvilongozya ɨvintu vyonti.
Saga hahalɨɨho ahantu hohonti ɨho saga hahalongozewaaga nʉ muntu. Leelo hu habhaazyo ɨha saga tihunʼnola ʉmuntu wa‑alongozya ɨvintu vyonti ɨvyo.
9 Leelo tihunʼnola ʉYeesu ʉyo ʉNgʉlʉbhɨ ahamʼpiiye abhe nʼdoodo ashile abhantumi hu habhaazyo hashe.
Ʉyo ya yʉʉyo ʉNgʉlʉbhɨ amʼpiiye ʉmwamu nɨ nshɨnshɨ ɨngoosi hu nongwa ɨya‑alaviwe na‑afwe.
ɄNgʉlʉbhɨ ahabhombile ɨsho huje hwi‑idala ɨlyɨ mpyana yaakwe,
ʉYeesu afwe na hubhafyʉle abhantu bhonti.
10 Yahanʼkhondezɨɨzye ʉNgʉlʉbhɨ ʉyo ahapelile ɨvintu vyonti na huvibhɨɨshe nanshi ɨsho vilɨɨho,
humʼmɨɨshe ʉYeesu pa pahwanziwa hwi‑idala ɨlyɨ mayɨmba gaakwe.
Ahabhombile ɨsho,
huje ʉYeesu abhatʉʉsye abhaana bhaakwe abhinji mu mwamu waakwe,
pɨpo ʉmwene yʉ wandilo wɨ fyʉli waabho.
11 ɄYeesu peeka na bhantu ɨbho ahubhasangalusya ɨmbiibhi zyabho,
ʉYise waabho ali weeka.
Ɨyo yɨ nongwa ʉYeesu saga ali nɨ nsoni hubhakwizye ɨbho huje bhaholo bhaakwe.
12 ɄYeesu ayanga huje,
“Wee Ngʉlʉbhɨ,
nahayihuzizyambaazya ɨnjendo zyaho hwa bhaholo bhaanɨ,
nahayiteela ɨnteelo ɨzya husalifye aawe paahati ya bhooziwa bhaaho.”d
13 Nantele ayanga huje,
“Nahayibha ɨhunʼsʉʉbhɨla ʉNgʉlʉbhɨ.”
e Nantele ayanga huje,
“Anɨ ɨndi ɨpa peeka na bhaana ɨbho ʉNgʉlʉbhɨ ampiiye.”f
14 Ɨshi,
hu nongwa ya huje abhaana ɨbho bhali nʉ mʼbɨlɨ ni‑idanda,
wope ʉYeesu ahɨnzɨle nʉ mʼbɨlɨ ni‑idanda nanshi abheene.
Ahabhombile ɨsho huje hwi‑idala ɨlya‑afwe hwakwe,
agamene amaha ga Seetanog ʉyo ali ni‑ikhone ɨlya‑abhombe abhantu huje bhabhanje bhafwa.
15 Nantele ʉYeesu ahafwiye huje abhabhɨɨshe bhasatulwe abhantu ɨbho bhahali bhakalwe hu nongwa ɨya hwogope afwe mu lemvu waabho.
16 Ɨsho ɨlolesya pa pazelu huje ʉYeesu saga ahɨnzɨle hubhaavwe abhantumi,
lyoli ahɨnzɨle hubhaavwe abhantu abhɨ mpaapo ɨya Abulahaamu.h
17 Sha shɨɨsho yahanziwaaga huje akholane na bhaholo bhaakwe hu nongwa zyonti,
huje abhe Nʼsayi Nʼgoosii ʉwa Ngʉlʉbhɨ,
ʉyo wa‑ali nɨ nkʉmbʉ nantele nʼnʉnjɨsu hu mbombo zya Ngʉlʉbhɨ.
Ʉnʼsayi ʉwɨ waaji ʉwo ahafumiizye ɨnsanguj huje ʉNgʉlʉbhɨ abhakhobhoshele abhantu ɨmbiibhi zyabho.
18 Ʉmwene abhajiiye hubhaavwe ɨbho bhajelwa na‑alaviwe,
pɨpo ʉmwene yʉʉyo ahajeliilwe na‑alaviwe.