14
1 Hava suale kan hoia,
enta,
Zion muala Berate anding le ama bila pasal asāng sōm razākhat asāng sōm manli asāng manli,
amachal u na Berate raming le a Pa raming anziak ka mu na.
2 Hava suale tī tampa aluanga rahu anga anvān āta rasa ka riata,
hanūk chu machēk rasa anring sabak anga rasa ka riata,
hanūk chu chōngpereng anpir ngāiin chōngpereng ei pir u rasa anga ka riata.
3 Amāni hān hava rēng chōmphāng matona le nuk anei adam manli le pātar ngāi matona la thar khat a thō u na,
hava la ha tutēn anchū thei om mak,
tenchu ramuala miring kār āta ei ratan sua,
mi asāng sōm razākhat asāng sōm manli asāng manli ngāi rong nōk chu tutē om mak.
4 Hiva pasal ngāi hi nupang le lānlop lui,
alānthiang vang u ani na.
Hiva ngāi hi Berate ei sē na nūk āzī ngāi ani u na.
Hiva ngāi hi Pathian le Berate ranga arapa mānsa anga andar,
miring ngāi kār āta anratan sua ngāi ani u na.
5 Amāni mūra anhuangna reng suak ngāi mak,
hanūk chu Pathian rēng chōmphāng matona dem kāi lui ani u na.
Vānpalāi anthum ngāi
6 Hava suale vānpalāi angkhat rēt anvān malāia azuanga ka mu,
ama hān ramuala miring alēng ngāi kōm,
nam tin,
khūk tin,
chong tin,
ram tina mi ngāi kōma tāituan Thang Ahui āril.
7 Amān hē anringpana:
Pathian achi u tān,
ama chu manpāk u ro,
asik chu aruirilna hun ahong atung kēng ani zei,
anvān le phil,
tipuilian le tinār asinpu chu amōk u ro,
ati na.
8 Hava suale anūka vānpalāi annina hān ahong zīna:
“Babulon khopui anthang chu ei hurna zu ran arāt lehan nam tin ei man nēk sika “Achul zei!
Achul zei!”
ati u na.
9 Hava suale anūka vānpalāi anthumna hān angkhatna le annina nūk azī na anringpana ankhēka:
“Tukareng hava sarāng le aramīl anmōk tak,
hanūk chu amachal le akuta andangna ādōn tak chu,
10 Pathian taksitna zu,
tī le anpol lui,
Pathian taksitna khurina anbun zuran ha mannēk inti.
Ama chu vānpalāi ānthiang ngāi le Berate matona moi le gondoka kāng unti.
11 Hava mi ngāi ei antakna moikhu chu kum khuana khu chian inti.
Hatuka chu hava sarāng le aramīl anmōk ngāi le araming andangna adōn ngāi chu sūn le zānām pōngansana man u nō ni.
12 Hiva hun taka hin mīnthiang ngāi chu,
Pathian chong pēk ātel ngāi le Isua ranga aiamruana a om ngāi ranga dūk diarna anāng,”
ati na.
13 Hava suale anvān āta hē khatin:
“Hiva hi maziak ro,
atun āta Pumana āthī ngāi chu bōrsāng atung kēng,”
ei na ti hi ka riata.
Ratha Ānthiangin:
“Ani tatak zei,
asinthō u nāta pōng ansa u ta rase,
asik chu asin thō hān anūk zītir unti,”
ati na.
Ramuala sapār ātna hun
14 Hava suale kan hoia ka ena,
ansūm angui luai ka mu na,
hava ansūm chunga,
“Miring Nāi Pasal khat aphuazeka”
(Dan.7:13 )
ansut ka mu na,
alu na rāngkachak rēng lukhum le akuta kōite ngei khat aleka.
15 Hava suale vānpalāi atei biak in ānthiang āta ahong asuaka,
ansūm chunga ānsutpu kōma han anringpana ankhēka:
“Na kōite alek tānla,
sapār āt ta ro,
asik chu na ranga sapār ātna hun ahong kēng ani zei,
asik chu ramuala sapār ngāi amin zei,”
ati na.
16 Hankēng ansūm chunga ānsutpu hān ramuala akōite aleka ramuala sapār chu ei āt ani zeia.
17 Hanūk chu vānpalāi atei,
vānrama biak in ānthiang āta ahong suak rēta,
ama hām kōite ngei khat aleka.
18 Hanūk vānpalāi atei rēt,
moi chunga ningneina ādōnpu,
māichām āta ahong asuaka.
Hatuka kōite ngei sabak ānlekpu kōma hē anringpana ankhēka:
“Na kōite ngei ha alek tānla,
ramuala gerep raku amin ngāi so kham ta ro,
asik chu gerep mara ngāi amin sua zei,”
ati na.
19 Havan tin han vānpalāiin ramuala akōite chu aleka ramuala gerep mara ngāi mara chu akhama,
Pathian taksitna gerep anchīlna khur alianpa sūnga athāka.
20 Khopui pang tianga gerep anchīlna khura gerep chu achīl u na.
Hatuka hava khur āta thisen ahong asuaka,
sakor mūra lākam ansāng ten pei ansānga,
kilomitar 300 ten pei adung ei sei ani na.