sīlmōra andang
7
1 Hiva ngāi ansua le vānpalāi manli ngāi ramual kōlkil manlina anding u na ka mu na,
phil chunga le tipuiliana le thingkung dōra chunga thīnthi ei lēng thei nōkna ranga ramual kōlkil manlina thīnthi ahong rang alei khār ka mu na.
2 Hiva ansua le vānpalāi angkhat sualam āta ahong ka mu na,
ama kōma Pathian ādam sīlmōr a oma.
Hava vānpalāi manli ngāi kōma Pathianin ramuala phil le tipuilian ansiatna ranak apēka,
amāni ngāi kōma amān ankhēka:
3 “Hava vānpalāi hān,
koini na Pathian asuak ngāi machala sīlmōr azēma na mandang māseng ramuala phil,
le tīpuilian le thingkung ngāi masiat nō ro,”
ati na.
4 Hava suale aloma Israel ngāi akhūk u chipa miring asāng razakhat asāng sōm manli asāng manli sīlmōr anzēma andang sua u ani zei ti ka riata.
5 Juda akhūk āta 12, 000
sīlmōr anzēma.
Ruben akhūk āta 12, 000
sīlmōr anzēma.
Gad akhūk āta 12, 000
sīlmōr anzēma.
6 Asher akhūk āta 12, 000
sīlmōr anzēma.
Neptali akhūk āta 12, 000
sīlmōr anzēma.
Manasse akhūk āta 12, 000
sīlmōr anzēma.
7 Simeon akhūk āta 12, 000
sīlmōr anzēma.
Levi akhūk āta 12, 000
sīlmōr anzēma.
Issakhor akhūk āta 12, 000
sīlmōr anzēma.
8 Zebulun akhūk āta 12, 000
sīlmōr anzēma.
Joseph akhūk āta 12, 000
sīlmōr anzēma.
Benjamin akhūk āta 12, 000
sīlmōr anzēma andang sua ani
u na.
Nam tin āta puan
ngui ansil mipui rual
9 Hiva ansua le kei mu chu,
enta,
nam tin chi tin,
miring tin le chong tin kār āta mipui rual ei tam zia chu tutēn atel sua om u mak.
Amāni ha puan ngui ansila chōmphāng le Berate makunga andinga akuta theiletūm abāk alek chip u na.
10 Amāni ha anringa ankhēk u na:
“Sandamna chu koini
na Pathian,
Achōmphānga ansutpu le
Berate kōm rong kēng!”
ati u na.
11 Hankēng vānpalāi ngāi lim ha pātar ngāi le nuk anei manli ngāi bila chōmphāng ravēla anding u na.
Amāni chu amāi u thuai tiang asiaka chōmphāng matona Pathian amōk u na.
12 Amānīn anbok laka:
“Amen!
Anpākna le anlianna,
Hianna le rāisān antungna le
lalchi thōna,
Thōtheina le ningneina umor
tāituana koini na Pathian
kōma om rase.
Amen,”
ati u na.
13 Hanūk chu pātar ngāi bila angkhatin ana masanga:
“Puan ngui ansila a om ngāi so tu mo?
Hanūk chu hovan āta ahong u mo?”
ana ti na.
14 Koiin ama kōma ka masanga:
“Ka pu,
amāni ngāi chu nang kēng ariat hale,”
ka ti na.
Amān ana ti na:
“Hiva ngāi hi ani zei hava antakna alian sabak āta ahong ngāi ani u na,
hiva ngāiin Berate thisen lehan apuan u ngāi ansūka anvār ngāi ani u na.”
15 Hava sika han:
“Hiva ngāi hi Pathian
chōmphāng matona a om
ngāi.
Hiva ngāiin abiakin ānthianga
asūn azāna adorbo
adom u na,
Chōmphāng chunga ansutpu
chu amāni ngāi abil u na
lēng inti.
16 Amāni chu avon anchām u
lāi u nō ni.
Ati anrāl u lāi nō ni.
Ani lumin achung u na raem
lāi nō ni.
Hanūk chu itē alumin um
masiat lāi nō ni.
17 Asik chu chōmphāng
malāia Berate ha,
Amāni ranga Berate aenpu
chang inti.
Amāni ranga tīnār adam
tianga maruai inti.
Pathianin amāni amit u nāta,
Mit rathi ngāi dōra huipe kiar
inti.”