Anarilpui Krista
2
1 Ka nāi ngāi,
āsia nei thō u lāi nōkna ranga hiva chong ngāi hi na rang u na kei maziak.
Tukarengin āsia athō ving ten Pa kōma anarilpui,
Isua Krista,
mi diktak chu koinīn nei dōn ani na.
2 Ama chu koini ngāi na loma āsia nei thō sika āsia lenna ranga anthiarna kēng,
koini ngāi rang rong ni mak tenchu maniapūr pumpui āsia thō sika kēng.
3 Hatuka chu ama achongpēk ngāi dōra na tel ten,
ama chu nei riat ani zei ati na ama nei hong riatna chu ani na.
4 Tu khatin mo “Ama chu ka riat,”
ati theia tenchu achongpēk ngāi atel nōk ten hava mi ha milak athei ani na,
chongtak chu akōma abui kēng.
5 Tenchu tukareng ama achong ngāi atel tak chu taktaka Pathian anditna atak chung anzui kēng ani zei.
Hivan tin hin amana na om ti nei anriat theina ani na.
6 Tukarengin “Amana ka om,”
anti tak pei chu ama ei om anga amām ei om rang anānga.
7 Unāi ngāi,
chongpēk athar ni mak nangni ranga kei maziak tenchu chongpēk marua,
aphut āta nangnīn nei man sua u,
nei riat sua u,
hava chongpēk marua ha kēng kei maziak.
8 Hanum ni rase,
nangni rang chongpēk athar khat kei maziak chu,
amana chongtak ei om anga nangninām chongtak a om.
Asik chu āzīng anpei suana ra-āng dik tak chu ahong ēl zei.
9 Tu khatin mo “Ra-ānga ka om,”
ti sela tenchu aparual ala mumāk aniten,
hava mi ha azīng kāra atun tena ala om kēng ala ni.
10 Tukareng aparual andit tak chu ra-ānga a om kēng ani zei,
ama tak chunga anbana reng abui kēng.
11 Tenchu aparual alān mumāk chu azīng kāra ala om kēng.
Āzīng kāra alēng kēng ala ni.
Āzīngin amit ei mancho pe sika ei panna riat lui kēng.
12 Ka nāi ngāi,
ama raming zāra nei siat u na ngāi anduala ei om sika hiva lekha hi na rang u na kei maziak.
13 Pa ngāi,
aphuta a om Pathian nei riat u sika na rang u na kei maziak ani na.
Ruathar ngāi,
soitān nei mator sua u sika na rang u na hiva lekha hi kei maziak ani na.
Nāi ngāi,
Pa nei riat u sika hin hiva lekha hi na rang u na kei maziak ani na.
14 Pa ngāi,
aphut āta a om Pathian nei riat u sika na rang u na kei hong maziak ani na.
Ruathar ngāi,
nei rāt u,
na malung u na Pathian chong ei om le hanūk chu hava soitān nei mator u sika na rang u na kei maziak ani na.
Maniapūr adit u nō ro
15 Maniapūr le hiva maniapūr sūnga neinun dōra itē ādit u nō ro.
Maniapūr āndit tak chu Pa anditna akōma dōn mak.
16 Asik chu maniapūra a om ngāi dōra chu taksa ningolna,
mit ningolna le damsūng borāi thōna duai kēng.
Hiva ngāi dōra hi Pa kōm āta ahong asuak ni mak tenchu maniapūr āta ahong asuak ani na.
17 Maniapūr le hiva maniapūr sūnga ningōlna ngāi dōra chu anpei kēng ani zei,
tenchu Pathian malung vong athō tak chu tāituana a om rang ani na.
Krista rothol āta anrēngna
18 Ka nāi ngāi,
hiva hi hun ahek ei hong suakna ani zei.
Krista rothol hong suak inti ati na lei riat u anga atun hin Krista rothol tamtak ahong asuak kēng ani zei.
Hasik han hava ha hun ei hekna ti na lei riat thei u ani na.
19 Hava ngāi ha koini nāta asuak ani u na,
tenchu hava mi ngāi ha koini na mi ni u mak,
ni u sela chu koini bila ei om u rang ani na.
Tenchu koini nāta ei suak u sika koini mi ni u mak ti chu anthiang vanga anlanga.
20 Tenchu ami Ānthiangin sariak ei na manthi u le alom
peia ariat sua na ni u zeia.
21 Chongtak riat u mak che kei na ti u ni mak,
tenchu chongtak nei riat u sika le milak reng hi chongtak āta ahong asuak ni mak ati na nei riat u sika na rang u na kei maziak ani na.
22 Isua chu Krista ani ati na anham rong nōk chu atei tu mo milak athei ala ni?
Tukareng Pa le Nāi Pasal anham nōk tak chu hava mi ha Krista rothol kēng ani zei.
23 Tukareng Nāi Pasal anham nōk tak chu Pa dōn mak,
Nāi Pasal āpom tak chu Pa adōn kēng ani zei.
24 Hasika han aphut āta nei hong riat u tak ha na malunga man om chian u ro,
Aphut āta nei hong riat u,
na kōm u na a om ten nangnīm Nāi Pasal le Pa kōma a om na ni u zei.
25 Hava achongtin ha hiva hi ani,
tāituan damna ana pēk ranga achongtin ha koini na kōma chong ei tin ani na.
26 Lampui dik nōk tianga ana ruai rang ati ngāi ruia hiva lekha hi na rang u na kei maziak.
27 Nangni na kōma sariak ei na manthīna nei man u ha na kōm u na a om chian ani na.
Atei tutēn ei na manchū u rang nāng u lāi mak che.
Na chung u na sariak ei na manthi u han alom peia ei na manchū u ani na.
Hatuka chu hava ha atak ani na,
milak ni mak.
Hasika han amān sariak ei na manthi u na han om chian
u ro.
Pathian nāi ngāi