1
1 Koini Paul,
Sila,
Timothi ngāiin,
koini na Pa Pathian le Puma Isua Kristana Thessalonika kuibing ngāi kōma chibai na hong thō.
2 Koini na Pa Pathian le Puma Isua Krista lungkhamna le phūkdāina na kōm u na om
rase.
Rāisānna chong le bōrzongna
3 Unāi ngāi,
nangni ngāi sika Pathian kōma rāisān chong aril babang hi nei nāng ani na,
hava ha ādik um lele ani.
Asik chu nei iam u na ha achālaka ansōn sabaka,
hanūk chu nangni le nangni ngāi na lom u na lungkham nei anmu u na chip ha ei pung tir ani na.
4 Hasik han mīn nangni ngāi ei na sinsak u na bibila antakna tin na dūk diar zia u le iamna nei dōn zia u sika Pathian kuibing ngāi kāra koinīn borāi nei thō ani na.
5 Hiva ngāi hi Pathian rama ama ami rua nei ni u ti anpomna ranga Pathian ruiril diktak ei andangna ani na.
Hava ram sika antak um nei tiar u ani na.
6 Pathian chu ādik ani na,
hasik han anān sinsak ngāi chu ansinsakna dēn le thuan inti.
7 Puma Isua anvān āta avānpalāi arāt khīt ngāi le moi sūmpuia ahong anlang tika,
nangni antak atiar ngāi lehan koini ngāi pōng na mansānti.
8 Hava tika Pathian re lui ngāi le koini na Puma Isua Krista thang ahui tel lui ngāi chunga amān phuba hong lāk inti.
9 Hava ngāi ha Puma maton āta le ama ei rātna lian khīt āta ankhāi untia tāituan siatna muna antak tiar unti.
10 Ami ānthiang ngāi kāra ei anlianna ranga ahong tik le hanūk chu aiam ngāi dōra boi andong ranga ahong tika hava ha ei om rang ani na.
Koini na chong hong manriat ha na lei iam u sika nangnīm anchel kēng na ni u.
11 Koini na Pathianin nangni ngāi hi ana pāi rua kēng ati na ei na belbo u ani na.
Hanūk chu ama aranak lehan derdīn āsa tin rēng anānthō u ranga amalunga derdīn adōn ani na,
hanūk nei iam u na le na sin thō u āsa ha amān ei na makhip pe theina ranga bōr nei na zong pe chian ani na.
12 Hatuka chu koini na Pathian le Puma Isua Krista alungkhamna ang taka koini na Puma Isua Krista raming chu nangni tak chunga anliana ei om theina ranga hanūk chu nangnīm ama tak chunga anliana nei om thei u na ranga bōr nei na zong pe.