Paulin akuitīr
sinthōna ārung
10
1 Koi Paulin Kristana om annuaina le om anzīkna lehan kei na hong mathēm u.
Na kār u na le na maton u na chu om annuaia kei om,
hatuka na pum u abui huna chu arāngpa ka ni kei anti!
2 Mi senkhakhatin ei na mandon anga koini hi taksa om dān anga a om papei ana ti ngāi chunga anrum sabaka rāngna kei manmu u ranga anga kei manmu u nōkna ranga kei na mathēm u.
3 Asik chu taksana ngal om ila,
taksa om dān anga anduina thō ni mak me.
4 Koini nei anduina rāl raliang ngāi hi taksa rālliang ni mak.
Tenchu rālsuang adet ngāi ansiam theina ranga Pathian rātna ani na.
5 Koinīn alom peia ankhalna le Pathian riatna adui ranga rālsuang dōra nei masiam zita,
hanūk chu Krista hē tel ranga malunga mandon dōra ankhita nei siak ani na.
6 Hatuka nangni ngāi hē nei tel u na anzui tik le hē tel lui ngāi dōra chunga ansinsak ranga ansin inti.
7 Nangni chu na mit makunga a om rong kēng nei en u hile!
Tukareng ama ei mandona Krista ta ati na anriat ten,
amām hintin hin andonna dōn rēt sela,
ama chu Krista ta ei anti anga koinīm ama ta na ni ti mandon rase.
8 Nangni ngāi ansiat rang ni mak,
tenchu nangni ngāi anding ranga Pumān ningneina ei na pēk ruia hin atōm ātam borāi ka thōnām anzak nō ning.
9 Ka lekha mathuan ngāi lehan nangni ngāi anānphut u ranga kei val ei phua rang hi kei zōt ni mak.
10 Asik chu mi senkhakhatin ei ti:
“Ama alekha mathuan ngāi hi achālaka arik le ana sabak chachak ani na,
tenchu apum a om anten ataksa ranak abui le achongril um huai antuai lui khat ani,”
ati u na.
11 Havan tina miring ngāi chunga,
na pum abuia lekhana chong anziak ang taka na pum na om tikām na om lehan achung u na nei thō rang
ani na.
12 Mi sekhakhat aninga anpāk ngāi kāra koini chu anchel rang le ankhī rang ngam mak me na.
Tenchu amāni le amāni ei ankhi u hanūk chu amāni le amāni ei anmāi u chachak hi āmo ani u na.
13 Koini chu ahun tuk bārana borāi thō nō mani.
Tenchu Pathianin koini na ranga sinthōna mun ei narīt tuk,
nangni tenpeia hava mun ei hong pha tuk kēng nei thō rang.
14 Asik chu nangni ngāi na hong huam mak me ati na āpu sabak ni mak me.
Tenchu Krista thang ahui achōia mi mānkhīta na kōm u na nei hong suak ani na.
15 Tenchu koinīn ahun tuk bārana mi tei ei pōngna zāra borāi thō mak me.
Tenchu hiva hi derdīn nei dōn ani na,
nangni ngāi nei iam u na ei kal tir u anga hin koini na sin thōna mun um ansōn tir inti.
16 Mi senkhatin sin alei thō suana atei mun ruia koinīn borāi thō luia nangni varāla mun ala tak ani nām Krista thang ahui chu nei varil rang ani na.
17 Tenchu,
“Tukareng borāi athō chu Puma ruia borāi thō rase.”
(Jer.9:24 )
18 Asik chu aninga anpākpu anpākna ting ni mak,
tenchu Pumān ei manpāk ha kēng anpākna ting.