6
1 Asik chu koini hi Pathian sinthōpui nei ni sika nangni ngāi nei na hong mathēm chu,
Pathian lungkhamna akoronga la u nō ro.
2 Asik chu amān ati na:
“Hun asa nikhuana na
bōrzongna kei na rangāi pe,
Sandamna nikhuana nang kei
na san,”
(Isa.49:8 )
ati na.
Kei na ti u ani zei,
atun hin hun asa chu ani na,
atun hin sandamna nikhua chu ani.
Paulin antakna ei tiarna
3 Hiva dorbōndom sin araming āsia ei anlō nōkna ranga koinīn
itē sōkchana masuak mak me.
4 Tenchu Pathian dorbōndom kēng na ni ati na dūkdiarna tamtak,
antakna,
dangandana,
anbuaina tin rēnga dorbōndom aruana nei anlang ani na.
5 Anzēma,
lung ina,
mipui anbuaia,
apōng asōl chunga,
in thei luia hanūk chu bu nēk luia nei om ani na.
6 Anthiangna lama,
riatna lama,
antak tiarna lama,
Ratha Ānthiang ompuina lama,
hanūk chu anditna taktaka lungkhamna adōna nei om ani na.
7 Chongtak arila,
Pathian thōtheina adōna,
dikna rālthuam chang tiang le voi tiang anleka nei om.
8 Senkhat kōm anpākna le senkhat kōm lalchi buia,
senkhat kōm raming āsiat apēla,
senkhat kōm raming asa apēla,
mi huang rang anga mīn ei na bei,
tenchu chongtak kēng nei ril.
9 Mēl riat dōn lui anga nei om,
tenchu mēl riat adōn na ni na.
Āthi rua anga nei om,
tenchu enta,
adama nei la om,
anzēma nei om,
tenchu anthāta om la ni mak mena.
10 Lunghāngna abita nei om,
tenchu rāiansān chunga nei om ani na.
Anriang anga nei om,
tenchu mi tamtak anei nei manchang.
Itē dōn lui anga nei om,
tenchu alom peia adōn nei chang ani na.
11 Korinth khuana mi ngāi,
nangni kōma malung anlonga chong nei ril,
hanūk chu koini malung um nangni ranga ānzar sabak ani na.
12 Koini chu nangni ranga hin ankhār mak me,
tenchu nangni kēng ankhār na ni u.
13 Koinīn na kōm u na nei anlong anga hin nangnīm koini ranga anlong u ro,
ti hi nāi anga kei na hong mathēm u.
Aiam nōk lehan anlop u nō ro
14 Aiam nōk ngāi lehan anrual lui rīngkol munkhat raput u nō ro.
Asik chu ādik le dān akhēl hontin mo munkhat ei ni thei?
Hanūk chu ra-āng le azīng um hontin mo ei anlop thei?
15 Krista le Belial um hontin mo munkhat ei chang thei?
Hanūk chu aiam nōk um hontin mo aiam bila ei anchel thei?
16 Pathian biak in le ramīl anmōk um hontin mo ei anngoi thei?
Asik chu nangni ngāi hi Pathian adam biak in na ni u na.
Pathianin ei ti anga:
“Amāni kōma om ka ti na,
Amāni bila lēng ka ti.
A Pathian u chang ka ti.
Amāni chu ka mi ngāi chang
unti a,”
Ez.37:27 )
at ina.
17 Hasika han Pumān ei ti:
“Amāni bil āta hong suak u
tānla,
Na binga ankhāia om u ro.
Annim neinun reng tōn u
nō ro,
Hankēng nangni ngāi chu na
pom u ka ti,”
ati na.
18 Hatuka chu,
“Koi hi na Pa u chang ka ti na,
Nangni ngāi hi ka nāi pasal le
ka nāi nupang chang ūn
na ti.
Ranak anei khīt Pumān
ei ti,”
(2 Sam.7:14 )
ati na.